ဖိလစ်ပိုင်မှာ အစ္စလာမ် စစ်သွေးကြွတွေကြောင့် သေဆုံးသူ ၃၀ဝ ကျော်ပြီ

သေဆုံးသူတွေထဲမှာ အရပ်သား ၂၆ ယောက် ပါဝင်ပြီး စစ်သွေးကြွ အရေအတွက်လည်း ၂၀ဝ ကျော် ပါ

 
ဖိလစ်ပိုင်နိုင်ငံ တောင်ပိုင်းက မာရာဝီမြို့မှာ အစ္စလာမ် စစ်သွေးကြွတွေနဲ့ တလကြာ တိုက်ပွဲတွေ ဖြစ်အပြီး သေဆုံးသူ ၃၀ဝ ကျော် ရှိပြီလို့ ဖိလစ်ပိုင် အစိုးရက ပြောပါတယ်။

အခုလို သေဆုံးသူတွေထဲမှာ အရပ်သား ၂၆ ယောက် ပါဝင်ပြီး စစ်သွေးကြွ အရေအတွက်လည်း ၂၀ဝ ကျော် ပါဝင်နေပါတယ်။

မျက်မြင်သက်သေတွေရဲ့ ပြောပြချက်အရ အစိုးရဟာ အစ္စလာမ္မစ် နိုင်ငံအဖွဲ့ အိုက်အက်စ်နဲ့ မဟာမိတ် ဖွဲ့ထားတဲ့ အဲဒီသူပုန်တွေကို လေကြောင်း တိုက်ခိုက်မှု အပါအဝင် အဝေးပစ် အမြောက်တွေနဲ့လည်း ပစ်ခတ် နှိမ်နင်းနေတယ်လို့ သိရပါတယ်။

နောက်ထပ် ဖိလစ်ပိုင် စစ်သား ရာဂဏန်းကိုလည်း ဖိလစ်ပိုင် နိုင်ငံအလယ်ပိုင်းကနေ တိုက်ပွဲဖြစ်တဲ့နေရာကို ရဟတ်ယာဉ်နဲ့ ပို့ပြီး ဖိလစ်ပိုင်စစ်တပ်က တိုက်ပွဲ အရှိန်မြှင့်ခဲ့ပါတယ်။

ဖိလစ်ပိုင်နိုင်ငံဟာ ခရစ်ယာန် ဘာသာဝင်တွေ အများစု နေထိုင်တဲ့ နိုင်ငံ ဖြစ်ပေမယ့် နိုင်ငံတောင်ပိုင်းက မင်ဒါနာအိုကျွန်းမှာရှိတဲ့ မာရာဝီမြို့ကတော့ မွတ်ဆလင် အများစု နေထိုင်တဲ့ မြို့လည်း ဖြစ်ပါတယ်။

ဘီဘီစီ ( မြန်မာပိုင်းအစီအစဉ် )

http://www.bbc.com/burmese/

Read in : All Update Reader

ကန်ရေတပ်ဖျက်သင်္ဘော ဖိလစ်ပိုင်ကုန်တင်သင်္ဘောနဲ့ တိုက်မှု ကန် ၇ ယောက်ပျောက်နေ

အမေရိကန်ရေတပ်ရဲ့ ဖျက်သဘောင်္တစင်း။

အမေရိကန်ရေတပ်ရဲ့ ဖျက်သင်္ဘောတစ်စင်း နဲ့ ဖိလစ်ပိုင်ကုန်သင်္ဘောတစင်းတို့ ဂျပန်ကမ်းလွန်ပင်လယ်ပြင်မှာ စနေနေ့ အစောပိုင်းက တိုက်မိပြီး၊ အမေရိကန်ဘက်က သင်္ဘောသား ၇ ယောက်ပျောက်ဆုံးနေတယ်လို့ အမေရိကန်ရေတပ်က ပြောလိုက်ပါတယ်။

သင်္ဘောသား ၇ ယောက်ပျောက်ဆုံးပြီး၊ အမေရိကန်ရေတပ်သင်္ဘောနဲ့ ဂျပန်ကမ်းခြေစောင့်တပ်တွေက အဲဒီလူတွေကို ဆက်လက်ရှာဖွေနေတယ်လို့ အမေရိကန်ရေတပ်က ထုတ်ပြန်တဲ့ကြေငြာချက်ထဲမှာ ပြောထားပါတယ်။

ရေယာဉ်မှူး Bryce Benson အပြင် နောက်ထပ် သင်္ဘောသား ၂ ယောက်လည်း ဒဏ်ရာရသွားတယ်လို့ ပြောပါတယ်။ ဒဏ်ရာရသွားတဲ့ အဲဒီ ၃ ဦးကို ဆေးကုသဖို့အတွက် အမေရိကန်ရေတပ်သင်္ဘော USS Fitzgerald ပေါ်ကနေ Yokosuka မှာရှိတဲ့ အမေရိကန်ရေတပ်ဆေးရုံ ပြောင်းလိုက်တယ်လို့ ပြောပါတယ်။ ရေယာဉ်မှူးကြီးရဲ့ အခြေအနေကတော့ တည်ငြိမ်မှုရှိပြီး၊ သင်္ဘောသား ၂ ယောက်ကတော့ ပွန်းပဲ့ဒဏ်ရာတွေရခဲ့တဲ့အတွက် ကုသမတွေလုပ်ခဲ့ရတယ်လို့ ပြောပါတယ်။

ဖိလစ်ပိုင်ကုန်သင်္ဘောဘက်ကတော့ - တစ်ယောက်မှာ ဒဏ်ရာမရဘူးလို့ ပြောပါတယ်။ ဒီသင်္ဘော ၂ စင်းဟာ ဂျပန်နိုင်ငံ ယိုကိုဆူကာကျွန်းရဲ့ အနောက်တောင်ဘက် ရေမိုင် ၅၆ မိုင်အကွာမှာ စနေနေ့မနက် ဒေသစံတော်ချိန် ၂ နာရီခွဲလောက်မှာ တိုက်မိကြတာဖြစ်တယ်လို့ အမေရိကန်ရေတပ်ဘက်က ပြောပါတယ်။

ဂျပန်နိုင်ငံ NHK ရုပ်သံက ရဟတ်ယာဉ်ပေါ်ကနေ ရိုက်ပြတဲ့ ဗီဒီယိုမှတ်တမ်းတွေအရတော့ - အမေရိကန်စစ်သင်္ဘောဟာ စက်ထိန်းခန်းအရှေ့ ညာဘက်အခြမ်းမှာ အတော်လေးကို ထိခိုက်သွားပြီး၊ ရေတွေဝင်နေတာကြောင့် ဂျပန်ကမ်းခြေစောင့် သင်္ဘောကနေ အကူအညီပေးနေတယ်လို့ ပြောပါတယ်။

ဗွီအိုအေ (မြန်မာပိုင်း)

https://burmese.voanews.com

Read in : All Update Reader

သမ္မတTrump ပြည်တွင်းနဲ့ နိုင်ငံတကာကို ပေးရမယ့် ကိုယ်ပိုင်အကြွေး ဒေါ်လာ ၃၁၅ သန်း ထက်မနည်းရှိ

အမေရိကန်သမ္မတ Donald Trump။

အမေရိကန်သမ္မတ Donald Trump ဟာ Deutsche ဘဏ်ကို ပေးရမယ့် ဒေါ်လာ သန်း ၁၃၀ အပါအ၀င် အမေရိကန်ပြည်တွင်းနဲ့ နိုင်ငံတကာ ငွေထုတ်ချေးသူတွေကိုပေးစရာရှိတဲ့ ကိုယ်ပိုင်အကြွေး ဒေါ်လာ ၃၁၅ သန်း ထက်မနည်း ရှိပါတယ်။

မနေ့ သောကြာနေ့ နှောင်းပိုင်းက အမေရိကန် အစိုးရ ကျင့်ဝတ်စီစစ်တဲ့ဌာနက ထုတ်ပြန်ချက်ထဲမှာ သမ္မတ ရဲ့ ငွေကြေးဆိုင်ရာ လူသိရှင်ကြား နောက်ဆုံး ထုတ်ဖော်ပြသချက်ထဲမှာ အဲဒီလို ဖော်ပြထားတာဖြစ်ပါတယ်။ ၉၈ မျက်နှာပါ စာရွက်စာတမ်းကို အစိုးရ ကျင့်ဝတ်စီစစ်တဲ့ဌာနရဲ့ ၀က်ဘ်ဆိုက် ပေါ်မှာ ဖော်ပြထားတာပါ။

စာရွက်စာတမ်းပါ ဖော်ပြချက်အရ သမ္မတ Trump ရဲ့ ၀င်ငွေဟာ ဒေါ်လာသန်း ၅ ရာကျော်ကျော်လေးရှိပြီး၊ ၂၀၁၇ ခုနှစ်နဲ့ ၂၀၁၆ ခုနှစ်အတွင်းမှာ ဒေါ်လာ ၅၉၄ သန်းထက်မနည်းရှိတာကို ဖော်ပြထားပါတယ်။ စက်တင်ဘာလမှာ စတင်ဖွင့်လှစ်လိုက်တဲ့ သူ့ရဲ့ ၀ါရှင်တန် ဟိုတယ်ကနေ ဒေါ်လာ သန်း ၂၀ ၀င်ငွေရရှိပြီး ကျန် ၁၁၅ ဒသမ ၉ သန်းကိုတော့ ဖလော်ရီဒါပြည်နယ် မိုင်ယမီ Trump National Doral Golf Club ကနေ ရရှိတာဖြစ်ပါတယ်။

သမ္မတ Trump က သူ့ရဲ့ငွေရေးကြေးရေးဆိုင်ရာ ထုတ်ဖော်ချက်ကို သူကိုယ်တိုင်တင်ပြခွင့်ရတာကို ကြိုဆိုကြောင်း သောကြာနေ့ ညနေက ထုတ်ပြန်တဲ့ကြေညာချက်ထဲမှာ အိမ်ဖြူတော်ကပြောပါတယ်။ ဒီထုတ်ဖော်ချက်ကို အစိုးရရဲ့ကျင့်ဝတ်စီစစ်တဲ့ဌာနက ပုံမှန် လုပ်ထုံးလုပ်နည်းနဲ့အညီ လုပ်ဆောင်ခဲ့တာဖြစ်ကြောင်းကိုလည်း ပြောပါတယ်။

ဒါပေမယ့်လည်း သမ္မတ Trump ဟာ သူ့ရဲ့ ငွေရေးကြေးရေးဆိုင်ရာ ကိစ္စရပ်အသေးစိတ်ကို ဖော်ပြနိုင်မယ့် အခွန်ဆောင်တဲ့စာရင်းကိုတော့ ထုတ်ဖော်တာမရှိသေးပါဘူး။

ဗွီအိုအေ(မြန်မာပိုင်း)

 https://burmese.voanews.com

Read in : All Update Reader

မင်းပြားတွင် ၁၀ တန်းစာမေးပွဲကျ၍ ကျောင်းသူတဦး အဆိပ်သောက်သေဆုံး

ရခိုင်ပြည်နယ်၊ မင်းပြားမြို့နယ်၊ ဝင်းစားအုပ်စု၊ ငပုကွကျေးရွာမှာ အသက် ၁၇ နှစ်အရွယ် ကျောင်းသူတဦး တက္ကသိုလ်ဝင်တန်းစာမေးပွဲကျတာကြောင့် အဆိပ်သောက်သေဆုံးသွားတယ်လို့ မင်းပြားမြို့မရဲစခန်းက ဒီဗွီဘီကိုပြောပါတယ်။

ဇွန် ၁၇ ရက်နေ့ မနက်ပိုင်းက ငပုကွကျေးရွာမှာနေထိုင်တဲ့ အသက် ၁၇ နှစ်အရွယ် ၁၀ တန်းကျောင်းသူတဦးဟာ ၁၀ တန်းကျမေးပွဲကျလို့ အဆိပ်သောက်သေဆုံးခဲ့တာပါ။

မင်းပြားမြို့မ ရဲစခန်းက ရဲအရာရှိ ကျော်ဇံဝေက “ကျနော်တို့ မင်းပြားရဲစခန်းက သတင်းရရှိတာက နေ့လယ် ၁၂ နာရီအချိန်လောက်မှာရရှိပါတယ်။ ဖြစ်စဉ်နဲ့ ပတ်သက်လို့ သေဆုံးသူရဲ့ အဖေပြောကြားချက်အရကတော့ ဒီကနေ့ မနက်ပိုင်းက စာမေးပွဲအောင်စာရင်းကို ဖေစ့်ဘွတ်ခ်မှာကြည့်တယ်။ အဲ့ဒီမှာ သူ့အမည်ကို မပါဘူး။ မနက်အစောကြီး ၆ နာရီနီးပါးလောက်ရှိမယ်လို့ ပြောတယ်။ စိတ်ညစ်ပြီးတော့ အိမ်အောက်ကို ဆင်းသွားတာကို အဖေဖြစ်သူက မြင်တယ်။ အဖေက နောက်ကလိုက်တယ်။ လှေကားထပ်အောက်ဆုံး ရောက်တာနဲ့ သမီးဖြစ်သူက အဆိပ်ကိုသောက်လိုက်ပြီ၊ ပိုးသတ်ဆေးက မာလာမြိုင် ပိုးသတ်ဆေးအရည်ကို သောက်လိုက်တာလို့ပြောတယ်” လို့ ဆိုပါတယ်။

ပိုးသတ်ဆေးရည်းသောက်ပြီးနောက် မင်းပြားပြည်သူ့ဆေးရုံကို သွားရောက်ကုသခဲ့ပေမယ့် မနက် ၁၁ နာရီဝန်း ကျင်လောက်မှာ သေဆုံးသွားပြီး ၁၂ နာရီအချိန်ဝန်းကျင်လောက်မှာ မင်းပြားမြို့မရဲစခန်းကို လာရောက် အကြောင်းခဲ့တာလို့ဆိုပါတယ်။

သေဆုံးသူ ခိုင်ခိုင်မိုးဟာ မင်းပြားမြို့ အလက ၂ စာစစ်ဌာန ခုံအမှတ်ဒပ-၁၄၇၂ နဲ့ ဘောဂဗေဒဘာသာတွဲကို ဝင်ရောက်ဖြေဆိုထားသူဖြစ်ပါတယ်။

သေဆုံးသူရဲ့ မိဘတွေဟာ ဥယျာဉ်ခြံတွေ လုပ်ကိုင်သူတွေဖြစ်ပြီး အဲ့ဒီပိုးသတ်ဆေးတွေဟာလည်း ဥယျာဉ်ခြံမြေတွေအတွက် အသုံးပြုဖို့ ၀ယ်ယူထားတာလို့ ရဲအရာရှိသူက ဆက်လက်ပြောပါတယ်။

သေဆုံးသူ မခိုင်ခိုင်မိုးကို သေမှုသေခင်း အမှတ်စဉ်၁၃/ ၂၀၁၇အရ သေမှုသေခင်းအရ ဓမ္မတာသေခြင်း ဟုတ် မဟုတ်ဆိုတာကို မင်းပြားမြို့မရဲစခန်းက စခန်းမှူးက ဆက်လက်ဆောင်ရွက်နေတယ်လို့ ရဲက ပြောပါတယ်။

သတင်း-ဝဏ္ဏခွာညို

http://burmese.dvb.no/

Read in : All Update Reader

ရခိုင်မြောက်ပိုင်း လုံခြုံရေးလျှော့ချမှု ANP ဝေဖန်

ရခိုင်ပြည်နယ်တွင်း ဒေသလုံခြုံရေးယူထားတဲ့ ရဲတပ်ဖွဲ့ဝင်များ။

၂၀၁၆ အကြမ်းဖက်တိုက်ခိုက်မှုတွေကြုံခဲ့ရတဲ့ ရခိုင်ပြည်နယ် မြောက်ဖက်ခြမ်းဒေသမှာ စစ်တပ်အပါအဝင် လုံခြုံရေးတပ်ဖွဲ့တွေကို ပြန်ရုပ်သိမ်းခဲ့တာဟာ အချိန်စောလွန်းတယ်လို့ ရခိုင်အမျိုးသားပါတီ ANP ဥက္ကဋ္ဌကပြောပါတယ်။ မောင်တောဒေသနဲ့ ရသေ့တောင် စတဲ့ နယ်စပ်ဒေသတွေမှာ ရာအိမ်မှူးနဲ့ ကျေးရွာအုပ်ချုပ်ရေးမှူး စတဲ့သူတွေ အသတ်ခံနေရ တာကိုကြည့်ရင် တရားဥပဒေစိုးမိုးရေးအတွက် လုံခြုံရေးတပ်တွေ ဆက်ချထား ဖို့လိုမယ်လို့ သူကပြောပါတယ်။ ဒါပေမယ့် လိုအပ်ချက်ကြောင့်သာ ဒီ လုံခြုံရေးတပ်တွေကို ပြန်ရုပ်သိမ်းသွားတာလို့ သုံးသပ်သူတွေလည်း ရှိပါတယ်။ အကြောင်းစုံကို ကိုဉာဏ်ဝင်းအောင်က ပြောပြမှာပါ။

ရခိုင်ပြည်နယ်မြောက်ဖက်ခြမ်း မောင်တောဒေသက နယ်ခြားစောင့်ရဲစခန်းတွေကို ၂၀၁၆ အောက်တိုဘာ ၉ ရက်နေ့က ဘင်္ဂါလီ အကြမ်းဖက် အဖွဲ့က ဝင်ရောက်တိုက်ခိုက်ခဲ့တာပါ။ ဒါကြောင့် တပ်မတော်နဲ့ ရဲတပ်ဖွဲ့ပူးပေါင်းပြီး မောင်တောဒေသ တ၀ိုက် နယ်မြေ ရှင်းလင်းရေး လုပ်ခဲ့တာ ဖြစ်ပါတယ်။ အဲဒီ နယ်မြေရှင်းလင်းရေးဖြစ်စဉ်အတွင်း လူ့အခွင့်အရေး ချိုးဖေါက်မှုရှိခဲ့တယ်လို့ ကုလသမဂ္ဂအပါအဝင် နိုင်ငံတကာ လူ့အခွင့် အရေးအဖွဲ့တွေက စွပ်စွဲဝေဖန်နေကြပါတယ်။

အဲဒီနောက်ပိုင်းမှာ မောင်တောဒေသနဲ့ တဝိုက်က လုံခြုံရေးတပ်တွေကို ပြန်လည် ရုပ်သိမ်းပြီးနောက်မှာ မောင်တော၊ ရသေ့တောင်စတဲ့နယ်စပ် ဒေသတွေမှာ ရာအိမ်မှူးနဲ့ ကျေးရွာအုပ်ချုပ်ရေးမှူး စသူတွေ အသတ်ခံရတာမျိုး ရုတ်တရက် ပျောက်ဆုံး သွားတာမျိုးရှိသလို၊ ဒေသခံတချို့လဲ အသတ်ခံရတာမျိုး ရှိကြောင်း နိုင်ငံတော် အတိုင်ပင်ခံရုံးက မကြာခနဆိုသလို သတင်းတွေ ထုတ်ပြန်ခဲ့ပါတယ်။

မောင်တောအပါအဝင် နယ်စပ်မှာ အခုထိ အခြေအနေမတည်ငြိမ်ရတာဟာ စစ်တပ်အပါအဝင် လုံခြုံရေးတပ်ဖွဲ့တွေကို အချိန်စောပြီး ပြန်ရုပ်သိမ်း ခဲ့တာကြောင့် ဖြစ်တယ်လို့ ရခိုင်အမျိုးသားပါတီ ANP ဥက္ကဋ္ဌ ဒေါက်တာအေးမောင်က ရှုမြင်ပါတယ်။

"စောသွားတယ်လို့ပြောလို့ရတာပေါ့ နိုင်ငံတကာဘက်က ဖိအားပေးလို့ တပ်မတော်ရဲ့ လုံခြုံရေးစည်းကို နောက်ကိုဆုတ်လိုက်တဲ့သဘောပေါ့။ ရိုးမအတွင်းထဲမှာ တပ်မတော်ရဲ့လှုပ်ရှားမှု လျော့သွားတာပေါ့။ ဆိုတော့ အချိန်မရွေး နေရာပေါင်းများစွာမှာ အကြမ်းဖက် အဖွဲ့အစည်းတွေက ညအမှောင်ကိုဖြတ်ပြီးမှ နယ်စပ်တလျောက်လုံးမှာ ရှိတဲ့အကြမ်းဖက်အဖွဲ့အစည်းတွေ အဲ့လိုအကြမ်းဖက်အဖွဲ့အစည်းတွေ ရိုးမမှာ မခိုအောင်းနိုင်အောင် တပ်မတော်ရဲ့လှုပ်ရှားမှုက ရှိနေဖို့လိုအပ်တယ်။"

လိုအပ်ချက်ကြောင့်သာ ဒီလုံခြုံရေးတပ်တွေကို တပ်မတော် ဒါမှမဟုတ် အစိုးရက ပြန်ရုပ်သိမ်း လိုက်တာဖြစ်နိုင်တယ်လို့ အမေရိကန် ပြည်ထောင်စုရောက် မြန်မာ့အရေး သုံးသပ်သူ ဒေါက်တာတင့်ဆွေက ပြောပါတယ်။

" လုံခြုံရေးတပ်ဖွဲ့တွေ ရုပ်တယ်ဆိုတဲ့အမိန့်ပေါ့ အမိန့်စီးဆင်းမှုပေါ့ ဒီဟာက ဘယ်ကလာသလဲ။ အစိုးရနဲ့ပဲ ဆိုင်သလား။ သို့မဟုတ် နယ်စပ်ရေးရာ လုံခြုံရေး ဝန်ကြီးဌာနနဲ့ပဲ ဆိုင်သလား သို့မဟုတ်ရင် တပ်မတော်ကပဲ ဆိုင်သလား တိတိကျကျတော့ မသိဘူး သို့သော် သက်ဆိုင်တဲ့အဖွဲ့အစည်း သို့မဟုတ် အမိန့်ပေးနိုင်တဲ့ပုဂ္ဂိုလ်က သူ့အနေနဲ့အကောင်းဆုံးဖြစ်မယ်ထင်လို့ ဆုံးဖြတ်တာလို့ပဲ ကျနော်တော့ နားလည်ပါတယ်ခင်ဗျ။"

မောင်တောနဲ့ နယ်စပ်တ၀ိုက်မှာ ဒေသခံတွေကို သတ်ဖြတ်မှုတွေ မကြာခနဆိုသလို ဖြစ်ပေါ်နေတာဟာ နိုင်ငံရေးရည်ရွယ်ချက်တခု ရှိပုံ ရတယ်လို့ ANP ဥက္ကဋ္ဌ ဒေါက်တာအေးမောင်က သုံးသပ်ပါတယ်။

" အခုလို တရားဥပဒေမစိုးမိုးဘူး စိုးမိုးအောင် အစိုးရက မဆောင်ရွက်နိုင်ဘူးဆိုတဲ့ပုံရိပ် ဖြစ်အောင် ဒီအကြမ်းဖက်အဖွဲ့အစည်းက လှုပ်ရှားမှာပဲ။ အဲ့ဒီ့အခါမှာ တရားဥပဒေ စိုးမိုးနိုင်မယ့် ရပ်ကျေးတွေ ဥက္ကဋ္ဌတွေ ဆယ်အိမ်ခေါင်း ရာအိမ်ခေါင်းတွေကို သတ်ဖြတ်နေဦးမှာပဲ အစိုးရကို ကူညီတဲ့မိသားစုတွေကို သတ်ဖြတ်ခြိမ်းခြောက်နေဦးမှာပဲ။ အဲ့တာမှပဲ တရားဥပဒေမစိုးမိုးဘူးဆိုတဲ့သဘော ဖြစ်တယ်ဆိုတဲ့ သူတို့ဘက်က ပြောလိုတဲ့ပုံရိပ်ကို နိုင်ငံတကာဘက်က သတင်းရပြီးကာမှ နိုင်ငံတကာကြီးကြပ်တဲ့ စစ်ဇုံတခု ခေါ်ဖို့လိုအပ်တယ်ဆိုတဲ့ သူတို့လိုချင်တဲ့ နိုင်ငံရေးရည်မှန်းချက်နဲ့ ပေါင်းနိုင်တာပေါ့။"

ဘင်္ဂလား-မြန်မာနယ်စပ် ရခိုင်ပြည်နယ် မြောက်ဖက်ခြမ်းမှာ တရားဥပဒေစိုးမိုးမှုရှိဖို့နဲ့ ပဋိပက္ခလျှော့ချနိုင်ရေး ဒေသဖွံ့ဖြိုးအောင်လုပ်ဖို့ ဘတ်ဂျက်လိုအပ်ပေမယ့် ရခိုင်ပြည်နယ်က ရတဲ့ဘတ်ဂျတ်ဟာ အလွန်နည်းနေတယ်လို့ ဒေါက်တာအေးမောင်က ထောက်ပြပါတယ်။

"နိုင်ငံတော်တခုရဲ့ဘတ်ဂျက် ကိုးဆယ်ရာခိုင်နှုန်းကျော်ကျော်လောက်က ပြည်ထောင်စုကပဲ သုံးတယ်ဗျ။ ကျန်တဲ့ ဆယ်ရာခိုင်နှုန်းအောက်ကိုပဲ တိုင်းဒေသကြီး ပြည်နယ် ၁၄ခု မျှပေးတာပေါ့ အဲ့ဒီ့မှာလည်းပဲ ရတဲ့ဘတ်ဂျက်က အင်မတန်နည်းတယ်။ ဧရာဝတီတိုင်း ရန်ကုန်တိုင်း မန္တလေးတိုင်းက အများကြီးယူသွားတာကိုး။ ရခိုင်ဆိုရင် ပြီးခဲ့တဲ့ ၂၀၁၅ ၊ ၂၀၁၆ လောက်မှာ ၁၄၅ ဘီလီယံလောက်ရတာပေါ့။ ဒီ၂၀၁၆-၂၀၁၇ NLD အစိုးရ ပထမကာလမှာဆိုရင် သူ့ထက်တောင်လျော့သွားတယ်။ ၁၄၂ ဘီလီယံလောက်ပဲ ရသွားတယ်။ အဲ့တာကြောင့် ပြည်ထောင်စုရဲ့ဘတ်ဂျက်ကို မျှသွားအောင် ငါးဆယ် ရာခိုင်နှုန်းလောက်ကို ပြည်ထောင်စုကြီးက သုံး ကျန်တဲ့ ငါးဆယ်ရာခိုင်နှုန်းလောက်ကို တိုင်းဒေသကြီး ပြည်နယ် ၁၄ခုကို မျှပေး ဒါမှပဲ ပြည်နယ်အစိုးရ တိုင်းအစိုးရတွေဟာ သူ့ရဲ့ တရားဥပဒေစိုးမိုးမှုနဲ့ နယ်မြေတည်ဆောက်မှုပေါ့ဗျာ။ နိုင်နိုင်နည်းနည်း လုပ်နိုင်မယ်ဆိုတဲ့ အများပြောနေကြတဲ့ ဗဟိုချုပ်ကိုင်မှု လှေျာ့ချစေချင်တဲ့သဘော ကျနော်တို့မှာ ရှိပါတယ်။"

၂၀၁၆ ခုနှစ် အောက်တိုဘာ မောင်တောဒေသ အကြမ်းဖက်တိုက်ခိုက်မှု နောက်ပိုင်း လုံခြုံရေးတပ်ဖွဲ့နဲ့ ပူးပေါင်းဆောင်ရွက်သူတွေ၊ ကျေးရွာ အုပ်ချုပ်ရေး တာဝန်ရှိသူတွေနဲ့ သတင်းမီဒီယာတွေကို တွေ့ဆုံ ဖြေကြားသူတွေဟာ မကြာခနဆိုသလို သတ်ဖြတ် ခံရကြောင်း သတင်းတွေမှာ ဖေါ်ပြကြပါတယ်။

မောင်တောနဲ့ ဘူးသီးတောင်မြို့နယ်တွေမှာ ညမထွက်ရအမိန့် ၁၄၄ ထုတ်ပြန်ထားတာကို နောက်ထပ်နှစ်လ ထပ်မံတိုးမြှင့် လိုက်ကြောင်း နိုင်ငံတော်အတိုင်ပင်ခံရုံးက ၂၀၁၇ ဇွန် ၁၀ ရက်နေ့မှာ သတင်းထုတ်ပြန်ထားပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)

https://burmese.voanews.com

Read in : All Update Reader

မြန်မာနိုင်ငံသားများ၏ ဘဏ်အကောင့်များ တရုတ်ဘက်က ပိတ်သိမ်း

တရုတ်နိုင်ငံကဘဏ်တွေမှာ မြန်မာနိုင်ငံသားတွေ အပ်နှံထားတဲ့ ဘဏ်ငွေစာရင်းတွေကို တရုတ်အစိုးရက ဇွန် ၁၅ ရက်နေ့မှာ ပိတ်သိမ်းလိုက်တာကြောင့် ဘဏ်မှာ ငွေအပ်နှံထားတဲ့ သူတွ အခက်တွေ့နေပါတယ်။

ငွေစာရင်းပိတ်သိမ်းခံရသူ တစ်ထောင်ကျော်ရှိပါတယ်။ အဲဒီထဲမှာ စီးပွားရေး လုပ်ငန်းရှင်တွေ ကုန်သည်တွေ ငွေလဲလှယ်သူတွေအပြင် သာမာန်ပြည်သူလူထုတွေလည်း ပါဝင်ပါတယ်။

မြန်မာနိုင်ငံသားတွေရဲ့ ဘဏ်အကောင့်တွေကို အကြောင်းကြားခြင်း တစုံတရာမရှိဘဲနဲ့ ပိတ်လိုက်တာကြောင့် ငွေကြေးစီးဆင်းမှုနဲ့ မြန်မာ-တရုတ် ၂ နိုင်ငံရဲ့ သွင်းကုန်ထုတ်ကုန် လုပ်ငန်းတွေ ထိခိုက်နေတယ်လို့ မူဆယ်မြို့က လုပ်ငန်းရှင်တွေက ဆိုပါတယ်။

“အရင်ကလည်း မကြာခဏဆိုသလို ဘဏ်အကောင့်ပိတ်ခံရပေမယ့် ဒီတစ်ခါ ဘဏ်အကောင့် ပိတ်ခံရတာဟာ လူဦးရေအများဆုံး ပိတ်သိမ်းခံရတာဖြစ်ပြီး ငွေကြေးအနေနဲ့လည်း ပမာဏများပြားလွန်းနေတယ်” လို့ လယ်ယာထွက်ပစ္စည်းရောင်းဝယ်ရေးလုပ်နေတဲ့ ဒေါ်ဖြူက ပြောပါတယ်။

ပဲပြောင်းနှမ်း လယ်ယာထွက်ပစ္စည်းကုန်စည်ဒိုင် ဥက္ကဋ္ဌ ဦးလှမောင်ကလည်း “တချို့ကုန်သည်တွေဆို တရုတ်ဘဏ် ယွမ်ငွေသိန်းချီအပ်ထားတယ်။ မြန်မာငွေ သိန်းနှစ်ထောင်လောက်ရှိတာပေါ့။ ဒီတော့ ဘဏ်အကောင့်တထောင်ကျော်ဆိုတော့ မြန်မာကျပ်ငွေနဲ့ဆို ဘယ်လောက်ဆုံးရှုံးသွားလဲဆိုတာ မပြောပြတတ်တော့ဘူး” လို့ ကုန်သည်တဦးက ပြောပါတယ်။

ဘဏ်အကောင့်ပိတ်ခံရသူတွေဟာ မိမိငွေအပ်ထားတဲ့ ဘဏ်ကိုသွားပြီး အကောင့်တွေ ဘာကြောင့်ပိတ်ရတာလဲမေးတော့ ရဲကပိတ်ခိုင်းလို့ ပိတ်တာဖြစ်ပြီး အနည်းဆုံး ၁ နှစ်ကနေ ၃ နှစ်ထိပိတ်မှာ ဖြစ်တယ်လို့ ဆိုပါတယ်။

ဒီကိစ္စနဲ့ပတ်သက်ပြီး ဒီကနေ့ ဇွန်လ ၁၇ ရက်နေ့မှာ ပဲ၊ ပြောင်း၊ နှမ်းနဲ့ လယ်ယာထွက် ကုန်ပစ္စည်း ကုန်သည်တွေနဲ့ ငွေလဲသူတွေ စုစည်းပြီး မူဆယ်မြို့ ၁၀၅ ကုန်သွယ်ရေးဇုန်မှာရှိတဲ့ ပဲ၊ ပြောင်း၊ နှမ်းနဲ့ လယ်ယာထွက်ကုန်ပစ္စည်းကုည်စည်ဒိုင်မှာ စုစည်းပြီး တရုတ်အစိုးရက ပိတ်ထားတဲ့ အကောင့်တွေကို ပြန်ဖွင့်ပေးဖို့နဲ့ ငွေလဲသူတွေကို တရားဝင် ငွေလဲသူတွေအဖြစ် လိုင်စင်ထုတ်ပေးဖို့ မြန်မာအစိုးရအနေနဲ့ ကူညီဆောင်ရွက်ပေးဖို့ ဆွေးနွေးခဲ့ကြပါတယ်။

ဒီဆွေးနွေးပွဲကို ပြည်နယ်လွှတ်တော်ကိုယ်စားလှယ် ဦးစိုင်းကျော်သိန်း၊ အန်အယ်လ်ဒီ ပါတီဝင်တွေ၊ လွှတ်တော်ပြင်ပ အစိုးရအထောက်အကူပြု လူမှုနိုင်ငံရေး အင်အားစု အဖွဲ့ဝင်တွေလည်း ပါဝင်ခဲ့ပါတယ်။

ဒီဆွေးနွေးချက်တွေကို အစိုးရနဲ့ သက်ဆိုင်ရာဌာနတွေကို တင်ပြသွားမှာဖြစ်ပါတယ်။

ဒီဗွီဘီ

http://burmese.dvb.no/

Read In : All Update Reader

သဘာဝဘေး ကာကွယ်ရေး ကမ္ဘာ့ဘဏ် ဒေါ်လာသန်း ၁၀၀ ကျော်ချေးမည်

ရန်ကုန်မြို့ရေလျှံ

မြန်မာနိုင်ငံ တဝှမ်း သဘာဝဘေးအန္တရာယ်နဲ့ ရင်ဆိုင်ရတဲ့အခါ အမြန်ဆုံး ပြန်လည်ထူထောင်ရေး လုပ် နိုင်ဖို့နဲ့ ရန်ကုန်မြို့တွင်း ရေကြီးရေလျှံမှုကို ကာကွယ်နိုင်ဖို့အပြင် အများပြည်သူနဲ့ သက်ဆိုင်တဲ့ အဆောက်အဦးတွေ ငလျင်ဒဏ် ခံနိုင်ရည်ရှိဖို့ အတွက် ကမ္ဘာ့ဘဏ်က အမေရိကန်ဒေါ်လာ ၁၁၆ သန်း ထုတ်ချေးမှာ ဖြစ်ပါတယ်။ မြန်မာနိုင်ငံအနေနဲ့ သဘာဝဘေးနဲ့ ဆက်စပ်တဲ့ အရေးပေါ်အခြေအနေတွေ ကြုံတွေ့ရတဲ့အခါ ငွေကြေးဆုံးရှူံးမှုတွေ လျော့နည်းစေဖို့ ရည်ရွယ်တယ်လို့ ဆိုပါတယ်။ သတင်းအပြည့် အစုံကိုတော့ ဗွီအိုအေ မြန်မာပိုင်း သတင်းထောက် မမြင့်မြင့်ခိုင်က တင်ပြပေးပါမယ်။

မြန်မာနိုင်ငံအပါအဝင် အရှေ့တောင် အာရှဒေသ သဘာဝဘေး စီမံခန့်ခွဲမှု စီမံကိန်းကို ကမ္ဘာ့ဘဏ်က ဇန်နဝါရီ ၁၅ရက် နေ့မှာ စတင်လိုက်ပါတယ်။ ဒီ စီမံကိန်းအရ ကမ္ဘာဘဏ်အနေနဲ့ မြန်မာနိုင်ငံတဝှမ်း သဘာဝဘေးနဲ့ ဆက်စပ်တဲ့ အရေးပေါ် အခြေ အနေတွေအတွက် ငွေကြေး ထောက်ပံ့ရာမှာ စီမံခန့်ခွဲတတ်ဖို့ အပါအဝင် ရန်ကုန်မြို့တွင်း ရေကြီး ရေလျှံ မှုကို ကာကွယ်ဖို့နဲ့ အများပြည်သူနဲ့ဆိုင်တဲ့ အဆောက်အဦးတွေ ငလျင်ဒဏ်ခံနိုင်ဖို့အတွက် အမေရိကန် ဒေါ်လာ ၁၁၆ သန်း ထုတ်ချေးမှာဖြစ်ပါတယ်။

ဒါဟာ နှစ်စဉ် မြန်မာပြည်မှာ သဘာဝဘေးဒဏ်ကြောင့် ငွေကြေး အများအပြား ဆုံးရှူံးနေတာကို လျှော့ ချနိုင်ဖို့ ရည်ရွယ်တယ်လို့ ကမ္ဘာ့ဘဏ် မြန်မာပြည်ရုံးခွဲရဲ့ ပြန်ကြားရေးတာဝန်ခံ ကိုကျော်စိုးလင်းက ပြောပါတယ်။

" အခုလက်ရှိ စာရင်းတွေအရဆိုလို့ရှိရင် သဘာဝဘေးအန္တရာယ်တွေကြောင့်မိုို့လို့ ပျက်စီးဆုံးရှုံးမှုဟာ တနှစ် တနှစ်ကို အမေရိကန်ဒေါ်လာ ၁၈၄ သန်းလောက်ရှိတယ်။ ဒီစီမံကိန်းက အဓိက အားဖြင့်တော့ အပိုင်းသုံးပိုင်းပါမှာပေါ့။ ပထမအပိုင်းကတော့ မြန်မာတနိုင်ငံလုံး ဘယ်နေရာမှာပဲ သဘာဝဘေးကျရောက်သည်ဖြစ်စေ ကျရောက်တဲ့အခါမှာ လျှင်လျှင်မြန်မြန်နဲ့ ပြန်လည်ထူထောင်ရေး လုပ်တဲ့အခါမှာ ရံပုံငွေရရှိနိုင်ဖို့ပေါ့နော်။ ရုံပုံငွေကို အာမခံရံပုံငွေထဲမှာ ထားရှိပြီးတော့ ဆောင်ရွက်မယ့် အပိုင်းပေါ့။ ဒီအပိုင်းက မြန်မာတနိုင်ငံလုံး အကျိုးခံစားခွင့်ရမှာဖြစ်ပါတယ်။

နောက်အပိုင်းတွေကတော့ ရန်ကုန်မြို့ကိုပဲ အထူးအာရုံစိုက်ပြီးတော့မှ ဆောင်ရွက်သွားမယ့် အပိုင်းတွေပေါ့နော် ရန်ကုန်မြို့တွင်း ရေကြီးရေလျှံမှုကနေ ကာကွယ်ပေးနိုင်ဖို့ နောက်တခုက အများပြည်သူနဲ့သက်ဆိုင်တဲ့ အဆောက်အဦးတွေ မှာ ငလျင်ဒဏ်နဲ့ပတ်သက်ပြီးတော့ ခံနိုင်ရည်ရှိဖို့ဆိုပြီးတော့မှ ဆောင်ရွက်သွားမှာဖြစ်ပါတယ်။"

ကမ္ဘာ့ဘဏ်ရဲ့ အရှေ့တောင်အာရှဒေသ သဘာဝဘေး စီမံခန့်ခွဲမှု စီမံကိန်းကို မြန်မာအပါအဝင် ကမ္ဘောဒီးယားနဲ့ လာအိုတို့မှာ အကောင်အထည်ဖော်သွားမှာပါ။

ဒီ စီမံကိန်းကို အကောင်အထည်ဖော်တဲ့နေရာမှာ စီမံကိန်းနဲ့ ဘဏ္ဍာရေးဝန်ကြီးဌာနအပြင် ရန်ကုန်မြို့တော်စည်ပင်သာယာရေး ကော်မတီနဲ့ ပူပေါင်းဆောင်ရွက် သွားမှာဖြစ်တယ် လို့ ကိုကျော်စိုးလင်းက ပြောပါတယ်။

" သဘာဝဘေးအန္တရာယ်ကို တုန့်ပြန်ဆောင်ရွက်ဖို့အတွက် ရံပုံငွေရရှိဖို့ စီမံခန့်ခွဲမှု အပိုင်းမှာ စီမံကိန်းနဲ့ ဘဏ္ဍာရေးဝန်ကြီးဌာနက အဓိကက တာဝန်ယူပြီးတော့ စီမံခန့်ခွဲမှာဖြစ်ပါတယ်။ ဒါပေမဲ့ ရန်ကုန်မြို့တွင်းမှာ ရေကြီးရေလျှံမှုအပိုင်းနဲ့ မြေငလျင်ဒဏ်ခံနိုင်မှု ဆောင်ရွက်သွားဖို့အပိုင်းမှာတော့ ရန်ကုန်မြို့တော် စည်ပင်သာယာရေး ကော်မတီနဲ့ အကောင်အထည်ဖော်ဆောင်ရွက်သွားမှာဖြစ်ပါတယ်။"

မြန်မာနိုင်ငံဟာ ၂၀၁၅ ခုနှစ်အတွင်း ရေကြီးရေလျှံမှုနဲ့ မြေပြိုမှု ပြဿနာကို ဆိုးဆိုးဝါးဝါး ကြုံတွေ့ခဲ့ရ တာဖြစ်ပါတယ်။ အခု ဇွန်လဆန်းပိုင်း တုန်းကလည်း ရန်ကုန်မြို့တွင်းမှာ မိုးသည်းထန်စွာ ရွာသွန်းမှု ကြောင့် စံချိန်တင် ရေကြီးခဲ့တာ ဖြစ်ပါတယ်။

 မြင့်မြင့်ခိုင်  / ဗွီအိုအေ (မြန်မာပိုင်း)
https://burmese.voanews.com

Read in : All Update Reader

အသေရရှိခဲ့တဲ့ တတိယမြောက်လူ ဘယ်သူလဲ ဆိုတာ ထုတ်ပြန်လာ

၈ မိနစ် အတွင်းမှာ ဒီလူ ၃ ယောက်စလုံးကို ပစ်သတ် နိုင်ခဲ့

လန်ဒန် တံတား တိုက်ခိုက်မှုမှာ အသေ ဖမ်းဆီး မိတဲ့ တတိယမြောက် သူဟာ လန်ဒန် အရှေ့ပိုင်းမှာ နေတဲ့ Youssef Zaghba ဖြစ်ပြီး၊ အဲဒီသူကို စောင့်ကြည့် စာရင်းမှာ ထားပြီး သတိထား နေခဲ့တယ်လို့ အီတလီ ရဲက ဘီဘီစီကို အတည်ပြု ပြောကြားပါတယ်။
၂ဝ၁၆ မတ်လ ကဆိုရင် သူ့ကို ဘိုလိုနာ လေဆိပ်မှာ တားဆီး စစ်ဆေး ဖူးခဲ့ပြီး သူ့ မိုဘိုင်းဖုန်းမှာ IS နဲ့ နွယ်တဲ့ အကြောင်းအရာတွေ တွေ့ခဲ့တယ်နောက် သူ့ကို တူရကီ ဆက်သွားခွင့် မပေးဘဲ တားဆီး ခဲ့ပါတယ်။
မိုရိုကို အီတလီနွယ်ဖွား Zaghba ဟာ ပါကစ္စတန်မှာ မွေးတဲ့ ခူရမ် ဘတ် ၊ ရာရှစ်ဒ် ရက်ဒွမ်းတို့နဲ့ အတူ လန်ဒန်တံတားပေါ်မှာ ကားနဲ့ လမ်းသွား လမ်းလာတွေကို လိုက်ပြီး တိုက်ခဲ့သလို အနားက ဘာရာ ဈေးထဲက လူတွေကို ဓားနဲ့လိုက်ထိုးခဲ့ပါတယ်။
တိုက်ခိုက်မှု သတင်းတွေကို အရေးပေါ် ဖုန်းလိုင်း ကနေ ရဲတပ်ဖွဲ့ ရရှိခဲ့ပြီး ၈ မိနစ် အတွင်းမှာ ဒီလူ ၃ ယောက်စလုံးကို ပစ်သတ် နိုင်ခဲ့တာ ဖြစ်ပါတယ်။
နောက် ရာရှစ်ဒ် ရက်ဒွမ်း ကတော့ Rachid Elkhdar နာမည်နဲ့ စားဖိုမှူး လုပ်နေခဲ့တာလို့ ဆိုပါတယ်။
မိုရိုကို လစ်ဗျား နွယ်ဖွား ရက်ဒွမ်း က ၂ဝ၁၂ တုန်းက အိုင်ယာလန် ဒပ်ဘလင်မှာ ဗြိတိသျှ အမျိုးသမီး တယောက်နဲ့ လက်ထပ်ပြီး နေခဲ့ဖူးတယ်လို့လည်း သိရပါတယ်။
အိုင်ယာလန် မွတ်ဆလင် ငြိမ်းချမ်းရေးနဲ့ ပေါင်းစည်းရေး ကောင်စီက ဥက္ကဋ္ဌ Dr Shaykh Umar al-Qadri ကတော့ သူ့နိုင်ငံမှာ အစွန်းရောက်ဝါဒကြီးစိုးလာတာကို စိုးရိမ်တယ်လို့
တိုက်ခိုက်မှု ဖြစ်ပြီးနောက် လူ ၁၂ ယောက်ကို ခုထိ တရား မစွဲဘဲ ဖမ်းထားပါတယ်။
စစ်ဆေး တွေ့ရှိချက်တွေ အရ အင်္ဂါ နေ့မှာလည်း ၂၇ နှစ်အရွယ် အမျိုးသား တယောက်ကို ဘာကင် ရပ်ကွက်မှာ ဖမ်းထားတယ်လို့ ရဲက ပြောပါတယ်။
အေးလ်ဖို့ဒ်ရပ်က နေရာတခုကိုလည်း တနင်္လာ ညက ဝင်ရှာပေမယ့် ဖမ်းဆီးတာတွေ မလုပ်ခဲ့ဘူးလို့ သိရပါတယ်။
ခုထိ ဆေးရုံမှာ လူ ၃၆ ယောက် ကုသပေးနေရပြီး ဒီထဲက ၁၈ ယောက် အခြေအနေက စိုးရိမ်ရဆဲ ဖြစ်ပါတယ်။
IS အစ္စလာမ္မစ် နိုင်ငံအုပ်စုက ဒီတိုက်ခိုက်မှုဟာ သူတို့ တပ်သားတွေ လက်ချက်နဲ့ ဆောင်ရွက်တာလို့ ဆိုပါတယ်။
ဒီဖြစ်ရပ် အတွက် ဗြိတိန် တနိုင်ငံလုံး ဝမ်းနည်းခြင်း အထိန်းအမှတ် တမိနစ် ငြိမ်သက်တာကိုလည်း ဇွန်လ ၆ ရက်နေ့က ပြုလုပ် ခဲ့ကြပါတယ်။

http://www.bbc.com/burmese/

လူ့အခွင့်အရေး မဟာမင်းကြီး မြန်မာကိုဝေဖန်

စစ်တွေက ဒုက္ခသည် စခန်းတခု မြင်ကွင်း။

ရခိုင်ပြည်နယ် အတွင်း လူ့အခွင့်အရေး ချိုးဖောက်မှုတွေ ဖြစ်ပေါ်နေတယ် ဆိုတဲ့ စွပ်စွဲချက်တွေနဲ့ ပတ်သက်လို့ စုံစမ်း စစ်ဆေးဖို့ ကုလသမဂ္ဂ အချက်အလက် ရှာဖွေရေး အဖွဲ့ကို လက်မခံဘူးလို့ မြန်မာအစိုးရက ပြောဆိုထားတဲ့ ကိစ္စကို ကုလသမဂ္ဂ လူ့အခွင့်အရေး ကော်မရှင်နာမင်းကြီး Zeid Ra’ad al-Hussein က ၃၅ ကြိမ်မြောက် လူ့အခွင့်အရေး ညီလာခံမှာ ဝေဖန် ပြောကြားလိုက်ပါတယ်။

ဒါ့အပြင် ကုလသမဂ္ဂ အဖွဲ့ အစည်းတွေနဲ့ ပူးပေါင်း ဆောင်ရွက်ဖို့ ငြင်းပယ်တဲ့ အတွက် အစိုးရတွေက ကျူးလွန်နေတဲ့ လူ့အခွင့်အရေး အခြေအနေတွေကို စုံစမ်း စစ်ဆေးနေတာတွေ ပပျောက်သွားမှာ မဟုတ်ဘူးလို့ တခြားအဖွဲ့ဝင် နိုင်ငံတွေကိုလည်း ရည်ညွှန်းပြီး ဂျီနီဗာမြို့မှာ ကျင်းပတဲ့ ညီလာခံ အတွင်း လူ့အခွင့်အရေး အကြီးအကဲက အင်္ဂါနေ့မှာ ပြောကြားလိုက်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

ကုလသမဂ္ဂ လူ့အခွင့်အရေး ကောင်စီ အဖွဲ့ဝင်နိုင်ငံတွေ အနေနဲ့ ကောင်စီရဲ့လုပ်ထုံး လုပ်နည်းတွေနဲ့ ပူးပေါင်း ဆောင်ရွက်ဖို့ အပြည့်အ၀ တာဝန်ရှိပြီး လူ့အခွင့်အရေး ကာကွယ် စောင့်ရှောက်ဖို့နဲ့ ထောက်ခံ အားပေးဖို့ အမြင့်ဆုံး စံနှုန်းတွေကို စောင့်ထိန်းကာ ကောင်စီနဲ့ အပြည့်အ၀ ပူးပေါင်း ဆောင်ရွက်ရမယ်လို့ ၂၀၀၆ ခုနှစ် မတ်လမှာ ကောင်စီအသစ် မတည် ခဲ့စဉ်က ဆုံးဖြတ်ချက်မှာ တိုက်တွန်းခဲ့တာ ဖြစ်တယ်လို့ လူ့အခွင့်အရေး ကော်မရှင်နာမင်းကြီး Zeid Ra’ad al-Hussein ပြောပါတယ်။

ဒါ့ကြောင့် ကောင်စီနဲ့ ပူးပေါင်း ဆောင်ရွက်ခြင်း မရှိတဲ့ နိုင်ငံတွေကို ထောက်ပြ ဝေဖန်တာမှာ မြန်မာနိုင်ငံနဲ့ ပတ်သက်လို့ အခုလို ပြောကြားသွားပါတယ်။

“မြန်မာနိုင်ငံအနေနဲ့ ကုလသမဂ္ဂ စုံစမ်း စစ်ဆေးရေးမှူးကို နိုင်ငံအတွင်း လာရောက်ခွင့် ပေးခဲ့ပေမယ့် သူသွားရောက် ချင်တယ်လို့ မေတ္တာရပ်ခံ ခဲ့တဲ့ ဒေသတွေကို သွားရောက်ခွင့် မရခဲ့ပါဘူး ။ ခုလို ကန့်သတ်ရတဲ့ အကြောင်းအရင်း ရှင်းလင်းချက်တွေကလည်း ရှေ့နောက်မညီ ဖြစ်နေပါတယ်။ မြန်မာနိုင်ငံနဲ့ ပတ်သက်လို့ မကြာသေးမီက ဖွဲ့စည်းခဲ့တဲ့ သီးခြားလွတ်လပ်တဲ့ အချက်လက် ရှာဖွေရေး အဖွဲ့နဲ့ အပြည့်အဝ ပူးပေါင်း ဆောင်ရွက်ဖို့ မြန်မာအစိုးရကို ကျနော် တိုက်တွန်းပါတယ်။ အထူးသဖြင့် လူ့အခွင့်ရေး ကျူးလွန်ချိုးဖေါက်မှုတွေ ဆိုးရွားလွန်းစွာ ဖြစ်ပွားနေ တယ်လို့ ကျနော်တို့ ယူဆထားတဲ့ ရခိုင်ပြည်နယ်ကို လွတ်လပ်စွာ အပြည့်အဝ သွားရောက်ခွင့် ပြုဖို့ တိုက်တွန်း ပါတယ်။”

ရခိုင်ပြည်နယ် အတွင်း အောက်တိုဘာ ၉ ရက်နေ့ နောက်ပိုင်း ရိုဟင်ဂျာတွေ အပေါ် မြန်မာ လုံခြုံရေးတပ်ဖွဲ့ တွေက လူ့အခွင့်အရေးတွေ ချိုးဖောက်ခဲ့တယ် ဆိုတဲ့ စွပ်စွဲချက်တွေနဲ့ ပတ်သက်လို့ ကုလသမဂ္ဂက စုံစမ်း စစ်ဆေးရေးအဖွဲ့ စေလွှတ်ဖို့ အီးယူ - ဥရောပသမဂ္ဂက ကမကထပြု တင်သွင်းတဲ့ မြန်မာနိုင်ငံဆိုင်ရာ အဆိုပြုချက်ကို မတ်လ ၂၄ ရက်နေ့က အတည်ပြုရာမှာ လူ့အခွင့်အရေး ချိုးဖောက်မှုတွေကို ထိထိရောက်ရောက် အရေးယူပြီး ချိုးဖောက်ခံရသူတွေ အတွက် တရားနည်းလမ်း တကျ ကာကွယ် စောင့်ရှောက်ဖို့ တောင်းဆိုထားပါတယ်။ ဒါ့အပြင် နိုင်ငံတကာ ကျွမ်းကျင်သူ ပုဂ္ဂိုလ် ၃ ယောက် ပါဝင်တဲ့ ဒီအဖွဲ့ကို ဖွဲ့စည်းလိုက်တဲ့ အကြောင်း ကြေညာချက် ထုတ်ပြန်လိုက်ပါတယ်။

မြန်မာအစိုးရ ဘက်ကတော့ ဒီကိစ္စနဲ့ ပတ်သက်လို့ သဘောမတူတဲ့ အတွက် ပူးပေါင်း ဆောင်ရွက်မှာ မဟုတ်တဲ့ အကြောင်းကို အဲဒီ အချိန်ကတည်းက အတိအလင်း ပြောဆိုခဲ့ပြီး ဖြစ်သလို၊ အခုလည်း ဒီအတိုင်းပဲ ဆက်လက် ရပ်တည်မှာ ဖြစ်တယ်လို့ မြန်မာသမ္မတရုံး ပြောခွင့်ရပုဂ္ဂိုလ် ဦးဇော်ဌေးက မေလ ၃၀ ရက်နေ့မှာ ပြောပါတယ်။

တချိန်တည်းမှာပဲ၊ မကြာသေးခင်က မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး စုံစမ်း စစ်ဆေးရေးမှူး Yanghee Lee အပါအ၀င် ကုလသမဂ္ဂ အထူးစုံစမ်း စစ်ဆေးရေးမှူး (၃) ဦး ခြိမ်းခြောက် ခံနေရတာနဲ့ ပတ်သက်လို့ လုံးဝ လက်မခံနိုင်ကြောင်းနဲ့ အရေးယူနိုင်ရေး နည်းလမ်းရှာဖို့ကိုလည်း လူ့အခွင့်အရေး ကော်မရှင်နာမင်းကြီးက တိုက်တွန်းလိုက်ပါတယ်။

“ကုလသမဂ္ဂ လူ့အခွင့်အရေး စုံစမ်းစစ်ဆေးရေးမှူး ၃ ဦးတို့ဟာမကြာသေးမီက စော်ကားထိပါးရာ ရောက်တဲ့ လှုပ်ရှားမှုတွေနဲ့ ရင်ဆိုင်ခဲ့ရပြီး တချို့ဆို အကြမ်းဖက်မှု လှုံ့ဆော်တာမျိုး ကိုတောင် ခံခဲ့ရပါတယ်။ မြန်မာနိုင်ငံဆိုင်ရာ လူ့အခွင့်အရေး စုံစမ်းစစ်ဆေးရေးမှူးရယ်၊ ဖိလစ်ပိုင်နဲ့ ပတ်သက်လို့ ဥပဒေမဲ့ ကွက်မျက်မှုများ ဆိုင်ရာ စုံစမ်းစစ်ဆေးရေးမှူးရယ်၊ အီရန်ဆိုင်ရာ လူ့အခွင့်အရေး စုံစမ်းစစ်ဆေးရေးမှူး တို့ပဲဖြစ်ကြ ပါတယ်။ ဒီလို လုပ်ရပ်မျိုးကို လုံးဝ လက်မခံနိုင်ပါဘူး ။ ဒီလိုမျိုး လှုပ်ရှားမှုတွေကို ဟန့်တားနိုင်ဖို့ နည်းလမ်းတွေ ချမှတ်ထားတဲ့ အတွက်ကြောင့် လည်းပဲ ကောင်စီအနေနဲ့ ဘယ်လို အရေးယူဆောင်ရွက်မယ် ဆိုတာကို စဉ်းစားဖို့ ကျနော်တိုက်တွန်းလိုပါတယ်။”

ကုလသမဂ္ဂ လူ့အခွင့်အရေး ကောင်စီနဲ့ အဖွဲ့ဝင် နိုင်ငံတွေ ပူးပေါင်း ဆောင်ရွက်ရာမှာ အင်ဒိုနီးရှား၊ အီဂျစ်၊ နီပေါ၊ ဗင်နီဇွဲလားနဲ့ ဖိလစ်ပိုင် နိုင်ငံတို့ကလည်း ပူးပေါင်း ဆောင်ရွက်ခြင်း မရှိခဲ့တာကို ကုလသမဂ္ဂ လူ့အခွင့်အရေး ကော်မရှင်နာမင်းကြီး Zeid Ra’ad al-Hussein ဝေဖန်ခဲ့ပြီး ၊ Uzbekistan ၊ Armenia ၊ အီသီယိုးပီးယား၊ မိုဇမ်းဘစ် စတဲ့နိုင်ငံတွေက ကုလသမဂ္ဂ အမှုထမ်းတွေနဲ့ ပူးပေါင်း ဆောင်ရွက်မှုတွေ တိုးတက်လာတဲ့ အခြေအနေတွေအတွက် သူ့အနေနဲ့ အားရမိတဲ့ အကြောင်းလည်း ထည့်သွင်း ပြောကြားခဲ့ပါတယ်။

ကိုဇော်ဝင်းလှိုင်

https://burmese.voanews.com

ဒေါ်အောင်ဆန်းစုကြည် အော်တ၀ါမြို့ကို ခရီးဆက်

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကနေဒါ ခရီးစဉ် စတင်။ ဓာတ်ပုံ - နိုင်ငံတော် အတိုင်ပင်ခံရုံး

ကနေဒါနိုင်ငံကို ရောက်ရှိနေတဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ကနေဒါ ၀န်ကြီးချုပ်၊ နောက် လွှတ်တော်အမတ်တွေနဲ့ တွေ့ဆုံဖို့ ဒီကနေ့ မြို့တော် အော့တ၀ါကို ခရီးဆက်ပါတယ်။ ဒေါ်အောင်ဆန်းစုကြည်ရဲ့ ကနေဒါ နိုင်ငံ ခရီးစဉ် အတွင်း တိုင်းရင်း ဒေသတွေက စစ်ရေး ပဋိပက္ခတွေနဲ့ လူ့အခွင့်အရေး ချိုးဖောက်မှုတွေကို ဖိအားပေး ပြောဆိုဖို့ ကနေဒါ အစိုးရကို ကနေဒါရောက် ကရင် လူမှု အသိုင်းအ၀ိုင်းက တိုက်တွန်းပါတယ်။ အထူးသဖြင့် ထိုင်းနိုင်ငံမှာ ခိုလှုံနေရတဲ့ ကရင် ဒုက္ခသည်တွေ နေရပ်ရင်းပြန်ဖို့ အချိန်မတန်သေးတဲ့ အကြောင်းနဲ့ ကွဲကွာနေတဲ့ မိသားစုတွေ ပြန်လည် ပေါင်းစည်းနိုင်ရေး ဒေါ်အောင်ဆန်းစုကြည်က ကူညီပေးစေ လိုတယ်လို့လည်း ပြောဆိုပါတယ်။ မသိင်္ဂီထိုက် စုစည်းတင်ပြထားပါတယ်။

ကနေဒါ နိုင်ငံ မြို့တော် အော့တ၀ါကို ဒီကနေ့ ဒေါ်အောင်ဆန်းစုကြည် ရောက်ရှိပြီး မနက်ဖြန်မှာတော့ ကနေဒါ ၀န်ကြီးချုပ်၊ နောက် လွှတ်တော် အမတ်တွေ အပါအ၀င် အစိုးရပိုင်းနဲ့ တွေ့ဆုံ ဆွေးနွေးမှာ ဖြစ်ပါတယ်။ဒေါ်အောင်ဆန်းစုကြည်နဲ့ တွေ့ဆုံတဲ့ အချိန်မှာ ကနေဒါ အစိုးရ နောက် လွှတ်တော် အမတ်တွေ အနေနဲ့ လူနည်းစု တိုင်းရင်းသား ဒေသတွေက လူ့အခွင့်အရေး ချိုးဖောက်မှုတွေ၊ စစ်ရေး ပဋိပက္ခတွေနဲ့ ပတ်သက်ပြီး တိုက်တွန်းပြောဆိုဖို့ ကနေဒါရောက် ကရင်လူမှု အသိုင်းအ၀ိုင်းက တိုက်တွန်းပါတယ်။ ကနေဒါရောက် ကရင် လူမှု အသိုင်းအ၀ိုင်းရဲ့ ဒုတိယ ဥက္ကဌ စောဦးကွယ်က ဒုက္ခသည်တွေအရေးနဲ့ ပတ်သက်ပြီး ဒေါ်အောင်ဆန်းစုကြည်ဘက်က ဆောင်ရွက်ပေးစေလိုတယ်လို့ အခုလို ပြောပါတယ်။

“ဒုက္ခသည် ကိစ္စကတော့ အလေးထားရမယ်။ အခု ကရင်ပြည်မှာ ဆိုရင် TBC ဖြစ်ဖြစ်၊ UNHCR ဖြစ်ဖြစ် သူတို့ ပြောတာက နောက်ဆို ရိက္ခာ မရှိတော့ဘူး။ ဒုက္ခသည်တွေ ပြန်ပို့မယ့် အစီအစဉ် ရှိတယ်။ အခု အချိန်က ဒုက္ခသည်တွေကို ပြန်မပို့သေးပါနဲ့။ အခြေအနေ မကောင်းသေးပါဘူး။ ကရင်ပြည်မှာဆို ဗုံးတွေ ဘာတွေ လည်း ရှိသေးတယ်။ စစ်တပ်လည်း ပြန်မဆုတ်သေးဘူး။ နောက်ပြီးလည်း ပြည်သူ လူထုတွေက ဒုက္ခသည် စခန်းတွေမှာ လာနေတာ နှစ် ၂၀ - ၃၀ ရှိနေပြီ။ ဗြုန်းကနဲ ပြန်လည်း သူတို့ ဘာမှ လုပ်စားမတတ်ဘူး။ ”

ဒုက္ခသည်တွေ နေရပ်ရင်းကို လုံခြုံဘေးကင်းစွာ ပြန်နိုင်ရေး အတွက် အာမခံချက်၊ ကရင် ပြည်နယ်တွင်း အိုးအိမ်စွန့်ခွာ ထွက်ပြေးနေကြရတဲ့ လူပေါင်း ၆ သိန်း အတွက် စားနပ်ရိက္ခာ အပါအ၀င် လူသားချင်း စာနာထောက်ထားမှု ဆိုင်ရာအကူအညီတွေကို ထောက်ပံ့ပေးမယ့် အခြေအနေတွေကို ကနေဒါ အစိုးရ အနေနဲ့ ဒေါ်အောင်ဆန်းစုကြည်ကို မေးခွန်းထုတ်ဖို့လည်း တိုက်တွန်းထားတာပါ။ ဒါ့အပြင် တတိယ နိုင်ငံတွေမှာ အခြေချတဲ့ ဒုက္ခသည်တွေကြား မိသားစုတွေ တကွဲတပြား ဖြစ်နေတာတွေကို ပြန်လည် စုံစည်းနိုင်ဖို့ ဒေါ်အောင်ဆန်းစုကြည်ဘက်က ကူညီပေးနိုင်ဖို့လည်း မျှော်လင့်တယ်လို့ ကရင် လူမှု အသိုင်းအ၀ိုင်းရဲ့ ဒုတိယ ဥက္ကဌ စောဦးကွယ်က ပြောပါတယ်။

“ တချို့မိသားစု တကွဲတပြားတွေ ရှိသေးတယ်။ အဲဒီ ကိစ္စတွေကို နည်းနည်း ကူညီပေးပါ။ ကနေဒါ အစိုးရကိုလည်း ပြောပေးပါ။ ပြီးတော့ ထိုင်းအစိုးရကိုလည်း ပြောပေးစေချင်တယ်။ ကျနော်တို့ မြန်မာပြည်သားတွေက ဒီကိစ္စတွေ ခံစားရတာ ကြာနေပြီ။ ဒေါ်အောင်ဆန်းစုကြည်လည်း တချို့လည်း သိမယ်၊ တချို့လည်း မသိဘူး။ ဒါကြောင့်မို့လို့လည်း ကျနော်တို့ ပေးတဲ့စာကို ဖတ်ပြီးတော့ ကောင်းကောင်းမွန်မွန် စဉ်းစားပေးပါလို့ အဲလိုဘဲ ပြောချင်ပါတယ်။ ဒေါ်အောင်ဆန်းစုကြည်ကို။ ”

ရခိုင်ပြည်နယ်က လူ့အခွင့်အရေး ချိုးဖောက်မှုတွေကို စုံစမ်းမယ့် ကုလသမဂ္ဂရဲ့ အချက်အလက်ရှာမယ့် လုပ်ငန်းစဉ် အပေါ် မြန်မာ အစိုးရက ပူးပေါင်းဆောင်ရွက်မှု၊ နောက် မြန်မာနိုင်ငံတွင်းက ဗမာ မဟုတ်တဲ့ တိုင်းရင်းသားတွေ အပေါ် မြန်မာ စစ်တပ်ရဲ့ ထိုးစစ်တွေကို အစိုးရက ရေငုံနှုတ်ပိတ် နေရတဲ့ အကြောင်းရင်းတွေကို ဒေါ်အောင်ဆန်းစုကြည်ကို ပြောဆိုဖုိ့ဆိုပြီး ကနေဒါရောက် ကရင် လူမှု အသိုင်းအ၀ိုင်းက ကြေညာချက်ထုတ်ပြီး တောင်းဆိုတာပါ။ ဒေါ်အောင်ဆန်းစုကြည် အနေနဲ့ ကနေဒါ ခရီးစဉ် အတွင်း ကနေဒါ အစိုးရဘက်က ဖိအားပေးမယ့် အခြေအနေ ရှိနိုင်လားဆိုတာကိုတော့ အော်တ၀ါ မြန်မာ အသိုင်းအ၀ိုင်းက ကိုအောင်ခိုင်မြင့်က အခုလို ရှုမြင်ပါတယ်။

“ ကနေဒါ အစိုးရ အနေနဲ့ ဖိအားပေးရေးထက် စာရင် သူတို့ အနေနဲ့က မြန်မာပြည် ဒီမိုကရေစီ အသွင်ကူးပြောင်းရေးကို နဂိုကတည်းက သူတို့က ကူညီပံ့ပိုးမှုတွေ ရှိတယ်။ အနာဂတ်မှာလည်း မြန်မာ့ ဒီမိုကရေစီ ဖယ်ဒရယ် ပြည်ထောင်စု အတွက်ကို အကူအညီတွေ ပေးသွားမယ်လို့ မျှော်လင့်ပါတယ်။”

မြန်မာနိုင်ငံရဲ့ ဒီမိုကရေစီ အရေး၊ တရားဥပဒေ စိုးမိုးရေးနဲ့ ငြိမ်းချမ်းရေး လုပ်ငန်းစဉ်မှာ ကနေဒါ နိုင်ငံက အခိုင်အမာ ရပ်တည် ဆောင်ရွက်နေတာ ဖြစ်တယ်။ မြန်မာနိုင်ငံတွင်းက လူနည်းစု တိုင်းရင်းသားတွေ၊ လူနည်းစု ဘာသာဝင်တွေ၊ အမျိုးသမီးတွေနဲ့ လူငယ်တွေကို အထူးအလေးထားပြီး မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်မှာ ကနေဒါဘက်က ဆက်ပြီး ထောက်ခံဆောင်ရွက်သွားမယ်လို့ကနေဒါ ၀န်ကြီးချုပ် Justin Trudeau က ဒေါ်အောင်ဆန်းစုကြည် ခရီးစဉ် အကြို ကြေညာချက်မှာ ပြောဆိုခဲ့တာပါ။

မသိင်္ဂီထိုက်  / ဗွီအိုအေ (မြန်မာပိုင်း)

https://burmese.voanews.com