စစ်ဘက်ရာထူး အခေါ်အဝေါ် ကန့်သတ် ထုတ်ပြန်

တပ်မတော်က အသုံးအနှုန်းကို တခြားအဖွဲ့တွေမှာ မသုံးဖို့ သတိပေး

စစ်ဘက် ဆိုင်ရာ ရာထူး၊ အဆင့်အခေါ်အဝေါ် သုံးစွဲတာနဲ့ ပတ်သက်လို့ တပ်မတော် က သတင်း ထုတ်ပြန်ခဲ့ပါတယ်။

မိုးမောက်မြို့မှာ ဖြစ်ခဲ့တဲ့ ဗုံးပေါက်ကွဲ ခဲ့တဲ့ သတင်း ကို သတင်းမီဒီယာ တွေ ရေးသား ခဲ့တဲ့ အခါမှာ ပြည်သူ့စစ် အဖွဲ့ ဗိုလ်မှူး ဆိုတာ ကို သုံးစွဲ ကြတဲ့ အတွက် အဲဒီ အခေါ်အဝေါ် ဟာ တပ်မတော်(ကြည်း၊ ရေ၊ လေ)စစ်မှုထမ်းတွေသာ သုံးစွဲခွင့်ရှိတယ်လို့ ဖော်ပြထားပါတယ်။

အရင်တုန်းကတော့ တပ်မတော် အသုံးအနှုန်းနဲ့ ပတ်သက်လို့ ပြည်နယ်နဲ့ တိုင်း က သတင်းစာတိုက်တွေဆီကို စာပို့ခဲ့တာ ရှိခဲ့ဖူးပေမယ့် အခုလို တနိုင်ငံလုံး အတိုင်းအတာနဲ့ ထုတ်ပြန်တာမျိုး မရှိခဲ့ဘူးလို့ သတင်းမီဒီယာ ကောင်စီ အဖွဲ့ဝင် ကိုမြင့်ကျော် က ပြောပါတယ်။

အရင်တုန်းက စာပေ စီစစ်ရေး ခေတ်တုန်းက သူတို့ သတ်မှတ်ထားတာနဲ့ ငြိစွန်းရင် ဒါကို ပြင်ခိုင်း ဖျက်ခိုင်းပြီး မပြင်ရင် ရေးခွင့် မရှိဘဲ ထိန်းချုပ်တာတွေ ရှိခဲပေမယ့် ၂၀၁၁ နဲ့ ၂၀၁၂ နောက်ပိုင်း စီစစ်ရေး ရုတ်သိမ်း လိုက်တဲ့အခါ ဒါမျိုးတွေကနေ ကင်းလွတ်သွားခဲ့တာ ဖြစ်ပါတယ်။

အခု နောက်ပိုင်း တပ်က ပြန်လည် ကန့်သတ် ချုပ်ချယ်မှုတွေ လုပ်လာတာဟာ သတင်း မီဒီယာတွေကို သွေးတိုး ပြန်စမ်းလာသလို ဖြစ်နေတယ်လို့ ကိုမြင့်ကျော်က ဆိုပါတယ် ။

တပ်မတော်ရဲ့ ခုနောက်ဆုံး ထုတ်ပြန်ချက်နဲ့ ပတ်သက်လို့ သတင်းမီဒီယာ ကောင်စီကို ဆက်သွယ်လာတာ မရှိသေးပေမယ့် အရင်တုန်းက တပ်မတော်နဲ့ သတင်းမီဒီယာ ကောင်စီ တွေ့ဆုံမှုတွေမှာ အသုံးအနှုန်းတွေနဲ့ ပတ်သက်လို့ အဓိပ္ပါယ် ကွဲတာ မမှန်ဘူးလို့ ထောက်ပြ ပြောဆိုတာတွေ ရှိခဲ့ဘူးလို့ သူက ပြောပါတယ်။

မြန်မာနိုင်ငံမှာ စစ်ဘက်ရာထူး၊ အဆင့်အခေါ်အဝေါ် သုံးစွဲတာနဲ့ ပတ်သက်လို့ ကန့်သတ်ထားတဲ့ ဥပဒေအား နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့ ဥပဒေ အမှတ် (၂၆/၈၉) ဖြင့် ပြဋ္ဌာန်းခဲ့ပြီး ယင်းဥပဒေအား ၂၀၁၄ ခုနှစ်၊ အောက်တိုဘာလ ၇ ရက်မှာ ပြည်ထောင်စုလွှတ်တော် ဥပဒေအမှတ်(၄၂)နဲ့ ပြင်ဆင်ပြဋ္ဌာန်း ထားခဲ့တယ်လို့ တပ်မတော် ထုတ်ပြန်ချက်မှာ ရေးသား ထားပါတယ်။

တပ်မတော်(ကြည်း၊ ရေ၊ လေ)စစ်မှုထမ်းတွေ အတွက်သာ သုံးစွဲခွင့်ရှိတဲ့ စစ်ဘက်ရာထူး၊ အဆင့် အခေါ်အဝေါ်တွေကို တခြား မသက်ဆိုင်သည့် အဖွဲ့အစည်းတွေက လူပုဂ္ဂိုလ်တွေရဲ့ ကိစ္စရပ်တွေမှာ ခေါ်ဝေါ်သုံးစွဲတာ ဒါမှမဟုတ် ရေးသားဖော်ပြတာတွေ မလုပ်ဖို့နဲ့ တည်ဆဲ ဥပဒေနဲ့အညီ မှန်ကန်စွာသုံးစွဲဖို့ လိုအပ်ကြောင်း ထုတ်ပြန်ချက်မှာ သတိပေးထား ပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader

သေဒဏ်ကျ မြန်မာ ၂ ဦးက အစိုးရကို မေတ္တာရပ်ခံ

သေဒဏ်ချမှတ်ခံထားရတဲ့ မြန်မာနိုင်ငံသား ၂ ဦး လွတ်မြောက်ဖို့ မတ်လ ၄ နေ့က ရန်ကုန်မြို့ မြို့တော်ခန်းမရှေ့မှာ ဆန္ဒပြတောင်းဆိုကြစဉ်။ Photo : Aung Thain Kha/RFA

ထိုင်းနုိုင်ငံတောင်ပိုင်းက လိပ်ကျွန်းမှာ ဗြိတိန်နိုင်ငံသားနှစ်ဦး အသတ်ခံရမှုနဲ့ သေဒဏ်ချမှတ်ခံထားရ တဲ့ မြန်မာနိုင်ငံသား ၂ ယောက်က မိသားစုဝင်တွေနဲ့ ဇူလိုင်လ ၂၆ ရက်နေ့က တွေ့ဆုံရာမှာ အခု နောက်ဆုံး အယူခံနဲ့ ပတ်သက်ပြီး နိုင်ငံတော်အစိုးရနဲ့ ရှေ့နေတွေက အတတ်နိုင်ဆုံးကူညီဖို့ မေတ္တာရပ်ခံလိုက်ပါတယ်။

ထိုင်းနိုင်ငံ ဘန်ကောက်မြို့အနီးက ဘန်ခွမ်ဗဟိုအကျဉ်းထောင်မှာ သေဒဏ်ချမှတ်ခံထားရတဲ့ မြန်မာနုိုင်ငံသား ဝင်းဇော်ထွန်း နဲ့ ဇော်လင်း တို့ကို သူတို့ရဲ့ မိခင်တွေ မနေ့က သွားရောက်တွေ့ဆုံရာမှာ လိုက်ပါသွားခဲ့တဲ့ အိမ်နီးချင်း ဦးကျော်အေးမောင် က RFA ကို ခုလို ပြောပါတယ်။

"ဇော်လင်း ပြောတာကတော့ အမှုနဲ့ပတ်သက်ပြီး ရှေ့နေတွေကို သူပြောလိုက်တာကတော့ အရင် နှစ်ကြိမ် သူတို့ကို သေဒဏ် အတည်ပြုထားပြီးပြီ ဒါက နောက်ဆုံး အမြင့်ဆုံး တရားရုံးကို တက်မှာဆိုတော့ အချိန်ယူပြီးမှ အကောင်းဆုံးဖြစ်အောင် အကူအညီပေးဖို့၊ နိုင်ငံတော် အစိုးရအနေနဲ့ကလည်း အတတ်နိုင်ဆုံးအကူအညီပေးဖို့ မေတ္တာရပ်ခံအပ်ပါတယ် ဆုိုပြီးတော့ အဲ့လိုမှာလိုက်ပါတယ်။"

မြန်မာနိုင်ငံသား ၂ ဦးကို ထိုင်းနုိုင်ငံ တောင်ပိုင်း ကော့စမွေတရားရုံးကနေ ၂၀၁၅ ခုနှစ် ဒီဇင်ဘာလ ၂၄ ရက်နေ့က သေဒဏ်ချမှတ်ခဲ့ပြီး တရားခံရှေ့နေတွေက နှစ်ကြိမ် အယူခံတင်ခဲ့ရာမှာ ပယ်ချခံခဲ့ရပါတယ်။ အခုနောက်ဆုံး အယူခံတင်ရမယ့်ရက်ကို တရားရုံးက လာမည့် သြဂုတ်လ ၂၁ ရက်နေ့အထိ ရက်ထပ် တိုးပေးခဲ့ပါတယ်။

ဒီအမှုကို လိုက်ပါဆောင်ရွက်ပေးနေတဲ့ ထုိုင်းရှေ့နေများကောင်စီနဲ့ မြန်မာရှေ့နေတွေက အပြီးသတ်ပြင်ဆင်မှုတွေ လုပ်ဆောင်နေပြီလို့ မြန်မာသံရုံး အထူးကိုယ်စားလှယ်အဖွဲ့ဝင် ရှေ့နေ ဦးအောင်မျိုးသန့် ကပြောပါတယ်။

RFA Burmese

http://www.rfa.org/burmese/

Read in : All Update Reader

အမေရိကန် စစ်တပ်မှာ လိင်ပြောင်းထားသူတွေစစ်မှုထမ်းခွင့် ပိတ်

လိင်ပြောင်းထားသူတွေကို စစ်မှုထမ်းခွင့် ပိတ်ပင်

အမေရိကန် စစ်တပ်မှာလိင်ပြောင်းထားသူတွေစစ်မှုထမ်းခွင့် ပိတ်ပင်တားမြစ်မယ့် အံအားသင့်ဖွယ် သမ္မတ ထရမ့်ရဲ့ ဆုံးဖြတ်ချက်အပေါ်လူအများ ဒေါသထွက်ခဲ့ကြပါတယ်။

ဒီကိစ္စနဲ့ ပတ်သက်လို့စိတ်ဝေခွဲမရ ဖြစ်ခဲ့ကြပြီး ဝါရှင်တန်က နိုင်ငံရေး အသိုင်းအဝိုင်းကြားမှာ စိတ်ဝမ်းကွဲမှုတွေ ပေါ်ပေါက်ခဲ့ပါတယ်။

ရှေးရိုးစွဲ ဝါဒီသမား တက်ကြွ လှုပ်ရှားသူတွေနဲ့ ရီပါဘလစ်ကန် အမတ် တချို့ကို ဒီဆုံးဖြတ်ချက်ကို ကြိုဆိုခဲ့ကြပေမယ့် ဒီမိုကရက် ပါတီဖက်က ဆီးနိတ် အမတ် Richard Blumenthal ရစ်ချက်ဒ် ဘလူမန်သယ်လ် သမ္မတ ဆုံးဖြတ်ချက်ကို ဝေဖန်လိုက်ပြီး ဒါဟာ စစ်တပ်နဲ့ ပတ်သက်လို့ ခံယူကျင့်သုံးမှု ဝါဒတွေကို ဆန့်ကျင် ချိုးဖောက်လိုက်တာဘဲ ၊ လက်နက်ကိုင် အဖွဲ့များ ဆိုင်ရာ ကော်မတီမှာ ဒီကိစ္စကို ကျနော်တို့ ပြန်ပြီး သုံးသပ်ရမယ်လို့ ဆီးနိတ်တာ ဘလူမန်သယ်လ် က ပြောပါတယ်။

ဒီမိုကရက် အမတ် ဂျိုး ကနေဒီ ကလည်း ဒါဟာ အများသူငှာ လွတ်လပ်မှုကို ကာကွယ်စောင့်ရှောက်ဖို့ သူ့တို့ အသက်ကိုစတေးလိုတဲ့ လိင်ပြောင်းထားသူတွေရဲ့ အခြေခံ လွတ်လပ်ခွင့်ကို ငြင်းပယ်လိုက်တာဘဲလို့ ပြောပါတယ်။

လက်ရှိ အမေရိကန် စစ်တပ်ထဲမှာ ထောင်နဲ့ချီရှိနိုင်တဲ့ လိင်ပြောင်း စစ်မှုထမ်းတွေရဲ့ ရှေ့ကံကြမ္မာ ဘယ်လို ဖြစ်လာမလဲ ဆိုတာ မသေချာသေးဘူးလို့ သတင်းထောက်တွေက ပြောပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader

သင်္ဃန်းကျွန်းစံပြဆေးရုံတွင် H1N1 လူနာနှစ်ဦး ထပ်မံသေဆုံး

 

သင်္ဃန်းကျွန်းစံပြဆေးရုံတွင် H1N1 လူနာနှစ်ဦး ထပ်မံသေဆုံးကြောင်း ယနေ့(ဇူလိုင် ၂၇ ရက်)က သင်္ဃန်းကျွန်းစံပြဆေးရုံကြီးမှ ဆေးရုံအုပ်ကြီး ဒေါက်တာသန်းလှက အတည်ပြုပြောကြားခဲ့သည်။ အဆိုပါ သေဆုံးလူနာများနှင့် ပတ်သတ်၍ အချက်အလက်များကို နေပြည်တော်ရှိ ကုသရေးဦးစီးဌာနသို့ သတင်းပေးပို့ထားပြီးဖြစ်ကြောင်း ဆေးရုံအုပ်ကြီး ဒေါက်တာသန်းလှက ပြောကြားခဲ့သည်။

ကနဦးရရှိသည့် အချက်အလက်များအရ သေဆုံးလူနာနှစ်ဦးမှာ ငါးနှစ်အရွယ် ကလေးငယ်တစ်ဦးနှင့် အသက် ၃၄ နှစ်အရွယ် အမျိုးသားတစ်ဦးဖြစ်ပြီး ရန်ကုန်မြို့တွင် နေထိုင်သူများဖြစ်ကြောင်း သိရသည်။ လက်ရှိအဆိုပါဆေးရုံတွင် အသက် ၂၉ နှစ်အရွယ် အမျိုးသမီးတစ်ဦးမှာလည်း H1N1 သံသယလူနာအဖြစ် ဆေးရုံတွင် ဆေးကုသမှု ခံယူနေကြောင်း သိရသည်။

Eleven Media Group

http://news-eleven.com/

Read in : All Update Reader

TNLA နဲ့ တပ်မတော်ကြား တိုက်ပွဲဆက်လက်ဖြစ်ပွား

မှတ်တမ်းဓာတ်ပုံ - တိုက်ပွဲတွေကနေ ထွက်ပြေးကြတဲ့ အရပ်သားတွေ (TNLA news and information commitee)

ရှမ်းပြည်နယ်မြောက်ပိုင်း နမ့်ခမ်းမြို့နယ် အတွင်းမှာ နယ်မြေရှင်းလင်းရေး လုပ်ဆောင်နေတဲ့ မြန်မာ့တပ်မတော်နဲ့ ဒေသအတွင်း လှုပ်ရှားနေတဲ့ TNLA တအာင်းပလောင် တပ်ဖွဲ့တို့အကြား တိုက်ပွဲဖြစ်ပွါးခဲ့ပြီး ဒေသခံတွေ ပါ ထိခိုက်မှုတွေ ရှိနေတယ်လို့ TNLA ဘက်ကပြောပါတယ်။ ရှမ်းပြည်နယ် မြောက်ပိုင်းဒေသအတွင်း မတည်ငြိမ်သေးတဲ့ အခြေအနေတွေကိုတော့ ဗွီအိုအေ ထုိုင်းအခြေစိုက် သတင်းထောက် နုိုင်ကွန်းအိန်ကနေ သတင်းပေးပုို့ ထားပါတယ်။

မြန်မာ့တပ်မတော်နဲ့ TNLA တအာင်းပလောင် အဖွဲ့တို့အကြား နမ့်ခမ်းမြို့နယ်၊ တာပုံကျေးရွာအနီးမှာ ဖြစ်ပွါးခဲ့တဲ့ တိုက်ပွဲကြောင့် ရွာသားတဦး ထိခိုက်ဒဏ်ရာ ရရှိခဲ့တယ်လို့TNLA ပြော ခွင့်ရ ဗိုလ်မှူးတာအိုက်ကျော်က ပြောပါတယ်။

“ မနေ့က နမ့်ခမ်းမြို့နယ် တာပုံကျေးရွာ အနီးမှာ ဖြစ်တယ်။ တိုက်ပွဲက ညနေ (၆) နာရီကျော်ကျော် လောက်ကနေ စပြီးမှ (၇) နာရီ လောက်မှ ပြီးသွားတယ်။ တိုက်ပွဲပြီးပေမဲ့ မြန်မာ့တပ်မတော်ဘက်က တာပုံကျေးရွာဘက်မှာ လက်နက်ကြီးတွေ အမြောက်အများ ပစ်ခတ်တယ်။ ကျေးရွာအတွင်းမှာရှိတဲ့ ဘုန်းကြီးကျောင်းနားက ယောဂီတရားရိပ်သာနေရာမှာ ထိသွားတယ်။ နောက်ပြည်သူ တဦး ဒဏ်ရာရတာရှိတယ်။ ”

ဒီတိုက်ပွဲမှာ မြန်မာ့တပ်မတော်ဘက်က ထိခိုက်မှုရှိခဲ့တယ်လို့ TNLA ဘက်က ပြောဆိုနေပေမယ့် အခုလို တိုက်ပွဲဖြစ်ပွါး နေမှုနဲ့ ပက်သက်လို့ တပ်မတော်ဘက်က သတင်းထုတ်ပြန်တာမျိုး မရှိသေးပါဘူး။

ပြီးခဲ့တဲ့ ဇူလိုင် (၂၁) ရက်နေ့မှာလည်းကွတ်ခိုင်မြို့နယ်၊ လုံကမ်ကျေးရွာနှင့် ကျရမ်းကျေးရွာအကြားမှာ TNLA နဲ့မြန်မာ့ တပ်မတော်တို့အကြား တိုက်ပွဲဖြစ်ပွါးခဲ့သလို သီပေါမြို့နယ်၊ ခွန်လန်ကျေးရွာ အနီးနားမှာ တိုက်ပွဲဖြစ်ပွါးတာမျိုး မရှိဘဲ တပ်မတော်ဘက်က ရဟတ်ယာဉ်နှစ်စီးနဲ့ဗုံးကျဲခဲ့တယ်လို့TNLA ဘက်က ထုတ်ပြန်ထားပါတယ်။

တပ်မတော်ဘက်က နယ်မြေရှင်းလင်းရေး လုပ်ရင်း ဖြစ်ပွါးတဲ့ တိုက်ပွဲတွေကြောင့် ဒေသအတွင်း မတည်ငြိမ်မှုတွေ ဖြစ်ပွါးနေတာပါ။ နမ့်ခမ်းဘက်မှာ အခုလို အခြေနေမတည်မငြိမ် ဖြစ်နေပေမယ့် ရှမ်းပြည်နယ် မြောက်ပိုင်း သိန္နီမြို့နယ်မှာတော့ အခြေနေတွေဟာ ပြန်လည် တည်ငြိမ်လာနေပြီး ပြီးခဲ့တဲ့ ဇူလိုင်လ (၁၉) ရက်နေ့တုန်းက သိန္နီမြို့အတွင်းကို ထွက်ပြေး တိမ်းရှောင်လာတဲ့ခမ်တင်း ကျေးရွာ အုပ်စုကရွာသား (၇၀၀) ကျော်ကတော့သူတို့ဒေသမှာ တိုက်ပွဲတွေ ဆက်မဖြစ်ပွါးတဲ့ အတွက် နေရပ်ကို ပြန်နေကြတယ်လို့သိန္နီမြို့ လူမှုကူညီရေးအဖွဲ့ တာဝန်ခံ စိုင်းသန်းလှိုင်က ပြောပါတယ်။

“ အကုန်လုံး အေးချမ်းသွားပါပြီ။ ကျွန်တော်တို့ ရွာသားတွေလည်း အကုန်လုံး ပြန်ပို့ပြီးသွား ပါပြီ။ ဘာမှမရှိတော့ပါဘူး။ အစိုးရ စစ်ကြောင်းလည်း အားလုံး လုံခြုံရေး အတွက်သွားပြီး ဆောင်ရွက်ပေးသွားပြီဘဲ။ ဘာမှမဖြစ်ဘူး ငြ်ိမ်းငြိမ်းချမ်းချမ်းဘဲ ခင်ဗျ။ ”

ခမ်တင်း ကျေးရွာအုပ်စုက နောင်ကား၊ ဟိုနား၊ ကောင်းလမ်း စတဲ့ရွာတွေက ရွာသားတွေဟာ ဒေသတွင်း တိုင်းရင်းသား လက်နက်ကိုင် အဖွဲ့တွေရဲ့ ခြိမ်းခြောက် ငွေတောင်းခံမှုကို ခံခဲ့ရသလို စိုးရိမ် ကြောက်လန့်စိတ်ကြောင့် သူတို့ရွာကနေ တိမ်းရှောင် လာခဲ့ကြတာပါ။

ဒီဖြစ်စဉ်တွေမှာ ဒေသအတွင်း လှုပ်ရှားနေတဲ့ TNLA လက်ချက်လို့စွပ်စွဲချက်တွေ ရှိနေပါတယ်။ TNLA ဘက်ကတော့ သူတို့အဖွဲ့လုပ်ဆောင်ချက် မဟုတ်ဘူးလို့ ဗိုလ်မှူးတာအိုက်ကျော်က ပြောပါတယ်။

“ ကျွန်တော်တို့ ကြားရတဲ့သတင်း။ ရွာသားတွေက အကုန်လုံး ကြောက်လန့်ပြီး ထွက်ပြေးတယ်လို့ သိရတယ်။ မြန်မာ့တပ် မတော်က TNLA လာမယ်လို့ သူတို့ဆီမှာ သွားပြောလို့ထွက်ပြေးလာတာ ဖြစ်တယ်။ ”

လက်ရှိ ရှမ်းပြည်နယ်မြောက်ပိုင်း မန်တုန်၊ ကွတ်ခိုင်၊ နမ့်ဆန်၊ နမ့်ခမ်း၊ နမ္မတူ၊ သီပေါ စတဲ့ မြို့နယ်တွေမှာ တအာင်းပလောင် အဖွဲ့နဲ့KIO ကချင်လွတ်လပ်ရေးအဖွဲ့တို့ လှုပ်ရှားနေသလို မြန်မာ့တပ်မတော်နဲ့လည်း တိုက်ပွဲတွေ အဆက်မပြတ် ဖြစ်ပွါးနေပါတယ်။

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်ပြီး လုပ်ဆောင်နေတဲ့ ၂၁ ရာစု ပင်လုံ ဒုတိယအကြိမ် ညီလာခံ ကာလကနေ ဒီကနေ့အထိ တအာင်းပလောင်အဖွဲ့နဲ့မြန်မာ့တပ်မတော်တို့အကြား တိုက်ပွဲအကြိမ်(၅၀) ကျော် ဖြစ်ပွါးခဲ့တယ်လို့TNLA ဘက်က ပြောပါတယ်။

တအာင်းပလောင်အဖွဲ့ဟာ NCA လက်မှတ်ရေးထိုးဖို့ တပ်မတော်ဘက်က လက်မခံတဲ့ အဖွဲ့ဖြစ်ပြီး မြောက်ပိုင်းအဖွဲ့UWSA ၀ပြည်သွေးစည်းညီညွတ်ရေး အဖွဲ့ကနေ ဦးဆောင်တဲ့ ပြည်ထောင်စု ငြိမ်းချမ်းရေး ဆွေးနွေးညှိနှိုင်းရေးကော်မတီ FPNCC အဖွဲ့ဝင်လည်း ဖြစ်ပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)

https://burmese.voanews.com/

Read in : All Update Reader

အပြင်းစားကြက်ငှက်တုပ်ကွေး H5N1 ဟု အတည်ပြု၊ ကြက်ဥ/ကြက်သား အရောင်းဆိုင်အားလုံးပိတ်မည်

 ထားဝယ်၊ ဇူလိုင် ၂၆

တနင်္သာရီတိုင်းဒေသကြီး မြို့တော်ထားဝယ်တွင် ဖြစ်ပွားသည့် ကြက်ငှက်တုပ်ကွေး အမျိုးအစားသည် အပြင်းစား ကြက်ငှက်တုပ်ကွေး (H5N1) ဖြစ်ကြောင်း မွေးမြူရေးနှင့် ကုသရေးဦးစီးဌာနက အတည်ပြုလိုက်ပြီး ကြက်ဥ/ ကြက်သား အရောင်းဆိုင်အားလုံးကို ပိတ်သိမ်းရန် ညွှန်ကြားလိုက်ပြီဖြစ်သည်။

ရောဂါဖြစ်ပွားသည့် ကြက်ခြံအနီးဝန်းကျင်ရှိ ကြက်များအားလုံးကို သုတ်သင်၍ မြေမြှုပ်မည်ဖြစ်ပြီး ပိုးသတ်ဆေးဖြန်းကာ ထိန်းချုပ်ကာကွယ်မည်ဖြစ်ကြောင်း မွေးမြူရေးနှင့် ကုသရေးဦးစီးဌာန တိုင်းဒေသကြီးဦးစီးမှူး ဒေါက်တာဉာဏ်လင်းက ပြောဆိုသည်။

"အရေးပေါ် ထိန်းချုပ်ရေးစီမံချက် ရေးဆွဲထားပြီးဖြစ်တယ်" ဟု ၎င်းက ဆိုသည်။

ကြက်ဥ/ ကြက်သား အရောင်းဆိုင်အားလုံးကို ပိတ်ပင်သွားမည့်အပြင် ကြက် အဝင်/အထွက် ထိန်းချုပ်ခြင်းနှင့် အသိပညာပေး လုပ်ငန်းများကိုလည်း လုပ်ဆောင်သွားမည်ဖြစ်ကြောင်း ဒေါက်တာဉာဏ်လင်းက ထပ်လောင်းပြောဆိုသည်။

ရောဂါဖြစ်ပွားမှု သံသယရှိသည့် လူနာရောက်လာပါက ကုသရန်အတွက် ထားဝယ်ဆေးရုံကြီးတွင် သီးသန့်အဆောင် စီစဉ်ထားကာ ကြိုတင်ပြင်ဆင်မှုများ လုပ်ဆောင်ထားကြောင်း ကုသရေးဦးစီးဌာန တိုင်းဦးစီးမှူး ဒေါက်တာမျိုးသန့်က ဆိုသည်။

“လူနာကိုသံသယရှိပြီဆိုကတည်းက ဆရာတို့က ဒီလိုသတိထားပြီးတော့ ထားတဲ့နေရာကစပြီး ဆေးကုတဲ့ အပိုင်းအထိ ကြိုတင်ကာကွယ်မှုတွေ ဆောင်ရွက်သွားဖို့ အားလုံးစီစဉ်ပြီးဖြစ်ပါတယ်” ဟု ဒေါက်တာမျိုးသန့်က ရှင်းပြသည်။

ရောဂါတွေ့ရှိသည့် ကြက်ခြံနှင့် ထားဝယ်မြို့ အမှတ် (၄) အခြေခံပညာအထက်တန်းကျောင်းမှာ အနည်းငယ်သာ ကွာဝေးသည်။

ရောဂါတွေ့သည့် ကြက်ခြံမှ အလုပ်သမားများကိုလည်း မည်သည့်နေရာကိုမှ သွားလာခွင့်မပြုဘဲ ဆေးစစ်မှုများနေ့စဉ် လုပ်ဆောင်သွားမည်ဖြစ်ကြောင်း တိုင်းဒေသကြီး မွေးမြူရေးနှင့် ကုသရေးဦးစီးဌာနထံမှ ထပ်မံသိရှိရသည်။

ရန်ကုန်မြို့ရှိ တိရစ္ဆာန်ရောဂါရှာဖွေရေး ဓာတ်ခွဲခန်းတွင် ဓာတ်ခွဲစစ်ဆေးချက်အရ ဇူလိုင်လ ၂၃ ရက်က ကြက်ငှက်တုပ်ကွေး H5N1 ဟုအတည်ပြုနိုင်ခဲ့ကြောင်းသိရသည်။ သို့သော် ယင်းတွေ့ရှိချက်အဖြေမှာ ဇူလိုင်လ ၂၅ ရက် ညနေ ၄ နာရီခွဲအချိန်တွင် ရောက်ရှိလာခဲ့ပြီး မီဒီယာများကို ဇူလိုင်လ ၂၆ ရက်နေ့ ရောက်မှသာ အသိပေးထုတ်ပြန်ခဲ့သည်။

ကြက်ငှက်တုပ်ကွေး H5N1 ရောဂါပိုးမှာ ကြက်မှလူသို့ ကူးစက်နိုင်ချေများကာ လူအချင်းချင်းကူးစက်မှု ရာခိုင်နှုန်းနည်းပြီး လူကိုကူးစက်ခံရပါက သေဆုံးနိုင်ချေ ၆၀ ရာခိုင်နှုန်းအထိရှိကြောင်း သိရသည်။ အသက် ၅ နှစ်အောက်ကလေးများနှင့် အသက် ၆၀ အထက် သက်ကြီးရွယ်အိုများ၊ နာတာရှည်ရောဂါ ခံစားနေရသူများ ကူးစက်ပါကသေဆုံးမှုနှုန်း မြင့်မားကြောင်းသိရသည်။

ထားဝယ်မြို့ ဝဲကျွန်းထိန်သစ်ရပ်ကွက်ရှိ ကြက်ခြံအချို့တွင် ကြက်ကောင်ရေထောင်ချီ သေဆုံးခဲ့သည့်အတွက် ကြက်အသေနမူနာများကို ရန်ကုန်မြို့ရှိဓာတ်ခွဲခန်းသို့ ပေးပို့ ဓာတ်ခွဲစစ်ဆေးပြီးနောက် အပြင်းစား ကြက်ငှက်တုပ်ကွေး (H5N1) ဖြစ်ကြောင်း အတည်ပြုလိုက်ခြင်းဖြစ်သည်။

The Voice

http://voicejournalmm.com/

Read in : All Update Reader

မြောက်ကိုးရီယား နျူးကလီးယားထိပ်ဖူးတပ် ဒုံးကျည် တီထွင်မှု ၂၀၁၈ မှာ အောင်မြင်နိုင်

မြောက်ကိုရီးယားနိုင်ငံဟာ နျူကလီးယား ထိပ်းဖူးတပ် ပစ်လွှတ်နိုင်မယ့် တိုက်ချင်းပစ် ပဲ့ထိန်းဒုံးကျည်ကို နောက်နှစ် အစောပိုင်းမှာ ထုတ်လုပ်နိုင်တော့မယ်လို့ အမေရိကန် စစ်ဘက်ထောက်လှမ်းရေး အရာရှိတွေက CBS သတင်းဌာနကို ပြောကြားလိုက်ပါတယ်။

အမေရိကန်စစ်ထောက်လှမ်းရေး အေဂျင်စီ DIA က အစိုးရဆီ တင်သွင်းတဲ့ ကန့်သတ်အစီရင်ခံစာတစောင်ကို ကိုးကားပြီး The Washington Post သတင်းစာမှာ ဒီသတင်းကို ဦးစွာ ဖော်ပြခဲ့တာပါ။

အခုခန့်မှန်းချက်အတိုင်းဆိုရင် မြောက်ကိုရီးယားခေါင်းဆောင် Kim Jung Un အနေနဲ့ အမေရိကန်ပြည်ထောင်စုအရောက် ပစ်လွတ်နိုင်မယ့် ဒုံးကျည်ကို ရရှိဖို့ ကြိုတင်ခန့်မှန်းထားတဲ့အချိန်ထက် ၂ နှစ် ပိုစောနေပါတယ်။ ကနဦးက မြောက်ကိုရီးယားအနေနဲ့ နျူကလီးယားထိပ်ဖူးတပ် တိုက်ချင်းပစ် ဒုံးကျည်ကို ၂၀၂၀ ခုနှစ်မှာ တီထွင်နိုင်လိမ့်မယ်လို့ အမေရိကန်နဲ့ တောင်ကိုရီးယားတို့က ခန့်မှန်းထားခဲ့ကြတာ ဖြစ်ပါတယ်။

ပြီးခဲ့တဲ့ ဇူလိုင်လ ၄ ရက်နေ့က ပြုလုပ်ခဲ့တယ်ဆိုတဲ့ မြောက်ကိုရီးယားရဲ့ ICBM ခေါ် တိုက်ချင်းပစ် ပဲ့ထိန်းဒုံးကျည် စမ်းသပ်မှုအပေါ် တောင်ကိုရီးယားက သံသယရှိခဲ့ပေမယ့် ဒီ ဒုံးကျည်မျိုးဟာ Alaska ပြည်နယ်နဲ့ အမေရိကန်ပြည်ထောင်စု ကုန်းတွင်းပိုင်း နယ်မြေထဲကို ပိုပြီး နက်နက်ရှိုင်းရှိုင်း ရောက်ရှိနိုင်တယ်လို့ ယူဆရပါတယ်။

အမေရိကန်အမျိုးသားထောက်လှမ်းရေး အရာရှိတဦးက မြောက်ကိုရီးယားရဲ့ ဒီ ဒုံးကျည် စမ်းသပ်အောင်မြင်မှုဟာ Kim Jung Un ရဲ့ ခြိမ်းချောက်မှုကို ခန့်မှန်းတိုင်းတာရာမှာ အထောက်အကူ ဖြစ်စေလိမ့်မယ်လို့ ဆိုပါတယ်။

အခုအခါ ဆက်လက် စောင့်ကြည့်ရမှာကတော့ မြောက်ကိုရီးယားဟာ ဒီ တိုက်ချင်းပစ်ဒုံးကျည်မှာ တပ်ဆင်နိုင်လောက်အောင် သေးငယ်တဲ့ နျူကလီးယားထိပ်ဖူးကို တီထွင်နိုင်စွမ်းနဲ့ ဒီဒုံးကျည်ဟာ ကမ္ဘာ့လေထုထဲ ပြန်ဝင်လာတဲ့အခါမှာ နျူကလီးယားထိပ်ဖူး မပေါက်ကွဲဘဲ ပြန်ဝင်လာနိုင်စွမ်း ရှိအောင် ဘယ်တော့ ပြုလုပ်နိုင်မလဲဆိုတာပဲ ဖြစ်တယ်လို့ အမေရိကန် အရာရှိတွေက ဆိုပါတယ်။

ဗွီအိုအေ (မြန်မာပိုင်း)

https://burmese.voanews.com/

Read in : All Update Reader

ရန်ကင်းကလေး ဆေးရုံကြီးတွင် ကုသနေသည့် ကလေးတစ်ဦးမှာ H1 N1 ဗိုင်းရပ်စ်ပိုး တွေ့ရှိ

ရန်ကင်းကလေးဆေးရုံကြီးတွင် တက်ရောက်ကုသနေသည့် H1 N1 သံသယလက္ခဏာရှိ ကလေးနှစ်ဦးအား ရောဂါအတည်ပြုနိုင်ရန် ဓာတ်ခွဲစမ်းသပ်မှုများ လုပ်ဆောင်ခဲ့ရာ စမ်းချောင်းမြို့နယ်နေ အသက် ၃ နှစ်အရွယ်ရှိ ကလေးတစ်ဦးတွင် H1N1 ဗိုင်းရပ်စ်ပိုး တွေ့ရှိခဲ့ပြီး ပဲခူးတိုင်း သက္ကလမြို့နေသူ ကလေးလူနာ တစ်ဦးမှာ ရာသီပေါ်တုပ်ကွေး အမျိုးအစား H3N2 ဗိုင်းရပ်စ်ပိုး တွေ့ရှိပြီး ယင်းကလေးငယ်တွင် အဆုတ်ရောဂါဖြစ်ပွားမှု ရှိနေကြောင်း သိရသည်။

လက်ရှိအချိန်တွင် အဆိုပါကလေး နှစ်ဦးစလုံးအား ရန်ကင်းကလေးဆေးရုံရှိ အထူးကြပ်မတ် ကုသဆောင်တွင် ကုသလျက်ရှိကြောင်း ရန်ကုန်တိုင်းဒေသကြီး၊ ကုသရေး ဦးစီးဌာနမှူး ဒေါက်တာ သာထွန်းကျော်ထံမှ သိရှိရသည်။

ဇူလိုင် ၂၅ ရက်နေ့ထိ တစ်နိုင်ငံလုံး အနေဖြင့် သံသယလူနာပေါင်း ၃၅ ဦးရှိသည့်အနက် H1N1 Positive လူနာ ၁၇ ဦး ရှိပြီဖြစ်ကြောင်း သိရသည်။

Eleven Media Group

http://news-eleven.com/

Read in : All Update Reader

အသက်(၁၅)နှစ်အောက် ကမ္ဘာ့ရွက်လှေပြိုင်ပွဲ၌ မြန်မာအသင်း အသက်အငယ်ဆုံးအသင်းဆုရရှိ

 ထိုင်းနိုင်ငံ၌ ကျင်းပခဲ့သည့် အသက်(၁၅)နှစ်အောက် ကမ္ဘာ့ရွက်လှေပြိုင်ပွဲ 2017 Optimist World Championship တွင် မြန်မာအသင်းက အသက်အငယ်ဆုံးအသင်းဆုရရှိခဲ့ကြောင်း သတင်းရရှိသည်။

ယင်းပြိုင်ပွဲကို ဇူလိုင် ၁၁ ရက်မှ ၂၁ ရက်အထိ ထိုင်းနိုင်ငံ ပတ္တရားကမ်းခြေ၌ ကျင်းပခဲ့ပြီး ပြိုင်ပွဲဝင် ၆၂ နိုင်ငံမှ ကစားသမား ၂၈၀ ကျော် ဝင်ရောက်ယှဉ်ပြိုင်ခဲ့သည်။

‘‘ဒီပြိုင်ပွဲက ကမ္ဘာ့အဆင့် သတ်မှတ်တဲ့ ပြိုင်ပွဲဖြစ်တာ ကြောင့် ဆီးဂိမ်းအတွက် အကြို ပြင်ဆင်မှုအနေနဲ့ ဝင်ရောက်ယှဉ် ပြိုင်ခြင်းဖြစ်ပါတယ်။ ပြိုင်ပွဲက အသက်(၁၅)နှစ်အောက် ပြိုင်ပွဲ ဖြစ်ပါတယ်။ နိုင်ငံတကာပြိုင်ပွဲ ဖြစ်တာကြောင့် ကလေးတွေအနေ နဲ့ အတွေ့အကြုံကောင်းတွေအ များကြီးရရှိခဲ့ပါတယ်။ ဒီပြိုင်ပွဲကို မြန်မာနိုင်ငံအနေနဲ့ ဝင်မပြိုင်ဖြစ် တာကြာပြီ။ ဆီးဂိမ်းပြိုင်ပွဲရှိနေ တာကြောင့် ကလေးတွေအတွက် လေ့ကျင့်နေတာထက်စာရင် ပြိုင် ပွဲဝင်ပြိုင်တာက ပိုကောင်းမယ် ထင်လို့ ဝင်ပြိုင်ဖြစ်တာပါ’’ဟု မြန် မာနိုင်ငံရွက်လှေအဖွဲ့ချုပ်မှ တာ ဝန်ရှိသူတစ်ဦးက ပြောသည်။

ယင်းပြိုင်ပွဲကို မြန်မာနိုင်ငံ ရွက်လှေအဖွဲ့ချုပ်မှ ပျမ်းမျှအ သက်(၁၁)နှစ်အရွယ် ကစားသမား ငါးဦး ဝင်ရောက်ယှဉ်ပြိုင်ခဲ့ပြီး ပြိုင်ပွဲဝင်အသင်းများအနက် အ သက်အငယ်ဆုံးအသင်း ဆုရရှိခဲ့ ကာ ပြိုင်ပွဲတွင် အတွေ့အကြုံ ကောင်းများ ရရှိခဲ့ကြောင်း မြန်မာရွက်လှေအသင်း ကစားသမား မောင်မင်းပြည့်သွေးက ပြောသည်။

 မြန်မာနိုင်ငံ ရွက်လှေအဖွဲ့ ချုပ်သည် လာမည့် ဆီးဂိမ်းပြိုင်ပွဲ တွင် ဆုတံဆိပ်မျှော်မှန်းထားပြီး ရန်ကုန်မြို့၌ စခန်းသွင်းလေ့ကျင့် နေကြောင်း သတင်းရရှိသည်။

7Day Daily

http://7daydaily.com/

Read in : All Update Reader

မွန်လွှတ်တော်ဒုဥက္ကဌ ပါတီကနေ နှုတ်ထွက်

မွန်ပြည်နယ် လွှတ်တော်ဒုတိယဥက္ကဌ ဒေါက်တာအောင်နိုင်ဦးကို တွေ့ရစဉ်
Photo: Kyaw Lwin Oo/ RFA

မွန်ဒေသလုံးဆိုင်ရာ ဒီမိုကရေစီပါတီ AMDP ပါတီကနေ နှုတ်ထွက်ခွင့်တင်ထားတဲ့ မွန်ပြည်နယ်လွှတ်တော် ဒုတိယ ဥက္ကဋ္ဌ ဒေါက်တာ အောင်နိုင်ဦးကို ပါတီက နှုတ်ထွက်ခွင့်ပြုလိုက်ပါတယ်။

သူ့သဘောဆန္ဒအရ ပါတီက ထွက်ခွာခွင့်ပေးလိုက်တယ်လို့ မွန်ဒေသလုံးဆိုင်ရာ ဒီမိုကရေစီပါတီ တွဲဖက် အတွင်းရေးမှူး နိုင်စံတင်က ပြောပါတယ်။

"ဟုတ်ပါတယ်၊ နှုတ်ထွက်ခွင့်ပေးလိုက်ပါတယ်၊ သူရဲ့ဆန္ဒအရနှုတ်ထွက်တာပဲ၊ ကျနော်တို့ဘာပြောစရာရှိလဲ၊ သူ့ဆန္ဒအရပဲလေ"

မွန်ပြည်နယ်လွှတ်တော်ဒုတိယဥက္ကဌ ဒေါက်တာအောင်နိုင်ဦးဟာ မွန်ဒေသလုံးဆိုင်ရာ ဒီမိုကရေစီပါတီ ကနေ နှုတ်ထွင်ခွင့်ပြုဖို့ ဇွန်လ ၃၀ရက်နေ့က စာတင်ထားတာဖြစ်တယ်လို့သိရပါတယ်။

ဒေါက်တာ အောင်နိုင်ဦးဟာ မွန်ဒေသလုံးဆိုင်ရာ ဒီမိုကရေစီပါတီရဲ့ ချောင်းဆုံမြို့နယ် အတွင်းရေးမှူးအဖြစ် တာဝန်ထမ်းဆောင်ခဲ့သူဖြစ်ပါတယ်။

ပြီးခဲ့တဲ့ ဇူလိုင်လ ၂၂ ရက်နေ့က မော်လမြိုင်မြို့၊ ဓာတုမာလ ပရိယတ္တိစာသင်တိုက်မှာပြုလုပ်တဲ့ (၄) ကြိမ်မြောက် မွန်အမျိုးသား စည်းလုံးညီညွတ်ရေး အကျိုးဆောင်အဖွဲ့ရဲ့တိုးချဲ့အစည်းအဝေးမှာ ဒေါက်တာအောင်နိုင်ဦးက မွန်နိုင်ငံရေးပါတီပေါင်းစည်းရေးကို လိုလားတာကြောင့် ပါတီကနေ နှုတ်ထွက်ကြောင်း တရားဝင်ပြောကြားခဲ့ တယ်လို့ သိရပါတယ်။

ဒေါက်တာ အောင်နိုင်ဦးဟာ ၂၀၁၀ နဲ့၂၀၁၅ အထွေထွေရွေးကောက်ပွဲတွေမှာ ချောင်းဆုံမြို့နယ်  ပြည်နယ် လွှတ်တော်ကိုယ်စားလှယ်အဖြစ် မွန်ဒေသလုံးဆိုင်ရာ ဒီမိုကရေစီပါတီကနေ နှစ်ကြိမ်ဝင်ရောက်ယှဉ်ပြိုင်ခဲ့ ရာ နှစ်ကြိမ်တိုင် ရွေးချယ်ခံခဲ့ရပြီး လက်ရှိအချိန်မှာ မွန်ပြည်နယ်လွှတ်တော် ဒုတိယ ဥက္ကဋ္ဌ အဖြစ် တာဝန်ထမ်းဆောင်နေတာ ဖြစ်ပါတယ်။

RFA Burmese

http://www.rfa.org/burmese/

Read in : All Update Reader