 |
| တ႐ုတ္-ျမန္မာ ဆက္ဆံမႈခိုင္မာေရး Xi Jinping နဲ႔ ေဒၚစုေဆြးေႏြး (Myanmar State Counsellor Office) |
ႏိုင္ငံေရးပါတီ အခ်င္းခ်င္းဆက္ဆံေရး ပိုမိုအားေကာင္းေစဖို႔ တရုတ္သမၼတ ရွီက်င္းပင္ဟာ ႏိုင္ငံေတာ္အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္နဲ႔ ေတြ႕ဆံုရာမွာ တိုက္တြန္းလိုက္ပါတယ္။ တရုတ္အေနနဲ႔ ျမန္မာစစ္တပ္နဲ႔ ပိုၿပီး နီးနီးကပ္ကပ္ဆက္ဆံမႈေတြရွိေနတယ္လို႔ ေ၀ဖန္မႈေတြထြက္ေနခ်ိန္ အာဏာရ အရပ္သားအစိုးရပါတီနဲ႔ ႏွစ္ဘက္အျပန္အလွန္အနီးကပ္ပိုၿပီး ဆက္ဆံေရး တည္ေဆာက္လိုေၾကာင္း တရုတ္သမၼတက ေျပာၾကားခဲ့တာျဖစ္ပါတယ္။
ေဒၚေအာင္ဆန္းစုၾကည္နဲ႔ တရုတ္သမၼတ ရွီက်င္းပင္ တို႔နွစ္ဦး ေသာၾကာေန႔က ေဘဂ်င္းၿမိဳ႕ေတာ္မွာ သီးသန္႔ ေတြ႕ဆံုေဆြးေႏြးခဲ့တဲ့ အဓိက အေၾကာင္းအရာေတြကို မအင္ၾကင္းႏို္င္က ဆက္လက္တင္ျပမွာပါ။
ႏို၀င္ဘာလ ၃၀ ရက္ေန႔ကေန ဒီဇင္ဘာလ ၃ ရက္ေန႔ထိ တရုတ္ႏိုင္ငံ ေဘဂ်င္းမွာ က်င္းပေနတဲ့ CPC တရုတ္ကြန္ျမဴနစ္ပါတီနဲ႔ ကမၻာ့ ႏိုင္ငံေရးပါတီေတြရဲ႕ အဆင့္ျမင့္ထိပ္သီးေခါင္းေဆာင္မ်ား ေဆြးေႏြးပဲြကို တက္ေရာက္လာတဲ့ ႏိုင္ငံေတာ္အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္နဲ႔ တရုတ္သမၼတ ရွီက်င္းပင္တို႔ မေန႔က သီးသန္႔ေတြ႕ဆံုရာမွာ အာဏာရပါတီ အခ်င္းခ်င္း မဟာဗ်ဴဟာေျမာက္ ဆက္ဆံေရးခိုင္မာအားေကာင္းေစဖို႔ သူ႔အေနနဲ႔ ေမွ်ာ္လင့္ေၾကာင္း ရွီက်င္းပင္က ေျပာဆိုခဲ့တာပါ။
ေဒၚေအာင္ဆန္းစုၾကည္ဦးေဆာင္တဲ့ NLD အမ်ဳိးသားဒီမိုကေရစီအဖဲြ႔ခ်ဳပ္ အာဏာရၿပီးကတည္းက သူတို႔ႏွစ္ဦး အႀကိမ္မ်ားေတြ႕ဆံုခဲ့ၿပီးျဖစ္ေၾကာင္းလည္း သမၼတ ရွီက ေဒၚေအာင္ဆန္းစုၾကည္ကို ေျပာဆိုခဲ့ပါတယ္။ ႏွစ္ႏိုင္ငံ အာဏာရပါတီေတြျဖစ္တဲ့ CPC နဲ႔ NLD ဆက္ဆံေရး ဆက္လက္တိုးတက္မႈေတြေၾကာင့္ တရုတ္နဲ႔ ျမန္မာ ႏိုင္ငံေရးအရဆက္ဆံမႈကိုသာမက ျပည္သူအခ်င္းခ်င္း ဆက္ဆံေရးကိုပါ ပိုမိုခိုင္မာေစတယ္လို႔လည္း သမၼတ ရွီက ဆိုပါတယ္။
CPC ပါတီ ဗဟိုေကာ္မတီ အေထြေထြအတြင္းေရးမွဴးလည္းျဖစ္တဲ့ တရုတ္သမၼတ ရွီက်င္းပင္ဟာ မေန႕က CPC နဲ႔ ကမၻာ့ ႏုိင္ငံေရးပါတီေတြက အဆင့္ျမင့္ ေခါင္းေဆာင္ေတြရဲ႕ ေဆြးေႏြးပြဲ အဖြင့္မိန္႔ခြန္းေျပာၾကားရာမွာ အျခားႏိုင္ငံေတြနဲ႔ သံတမန္ေရးဆက္ဆံေရးမွာ တရုတ္ရဲ႕ နည္းဗ်ဴဟာ ပံုစံသစ္ကို ေျပာဆိုခဲ့ေပမယ့္ တရုတ္ႏိုင္ငံ စနစ္အတိုင္း အျခားႏိုင္ငံေတြက လိုက္လုပ္ရမယ္္ဆိုတာမ်ဳိးေတာ့ ဘယ္ေတာ့မွ တိုက္တြန္းမွာ မဟုတ္ဘူးလို႔ အခုလိုေျပာသြားပါတယ္။
"အျခားႏိုင္ငံေတြက အုပ္ခ်ဳပ္ပံုမ်ဳိး တရုတ္ႏိုင္ငံက လိုက္လုပ္မွာ မဟုတ္သလို က်ေနာ္တို႔ ရဲ႕ အုပ္ခ်ဳပ္ပံုမ်ဳိးအတိုင္း အျခားႏိုင္ငံေတြလိုက္လုပ္ရမယ္လို႔လည္း ေျပာမွာမဟုတ္ပါဘူး။ တရုတ္ႏိုင္ငံက အေကာင္အထည္ေဖၚေနတဲ့ လမ္းစဥ္အတိုင္း ပံုတူကူးၿပီး လိုက္လုပ္ပါလို႔လည္း အျခားႏိုင္ငံေတြကို ဘယ္ေတာ့မွ ေတာင္းဆိုမွာမဟုတ္ပါဘူး။"
ေဒၚေအာင္ဆန္းစုၾကည္နဲ႔ သမၼတရွီက်င္းပင္ သီးသန္႔ေတြ႕ဆံုရာမွာလည္း ေခတ္သစ္မွာ တရုတ္ရဲ႕ သံတမန္ေရးရည္ရြယ္ခ်က္ဟာ လူသားထုအတြက္ တူညီတဲ့အနာဂတ္အသိုင္းအ၀ိုင္း တည္ေဆာက္ေရးျဖစ္တယ္လို႔ ေျပာဆိုခဲ့ပါတယ္။ ဒီရည္မွန္းခ်က္ဟာလည္း မၾကာေသးခင္က က်င္းပခဲ့တဲ့ ၁၉ ႀကိမ္ေျမာက္ တရုတ္ကြန္ျမဴနစ္ပါတီ အမ်ဳိးသားညီလာခံကထြက္လာတဲ့ အဓိကရလာဒ္ေတြထဲက တခုျဖစ္ေၾကာင္း သမၼတရွီက ေဒၚေအာင္ဆန္းစုၾကည္ကိုေျပာပါတယ္။
ရခိုင္ျပည္နယ္ေျမာက္ပိုင္းမွာ ၾသဂုတ္လက ျမန္မာစစ္တပ္ရဲ႕ နယ္ေျမရွင္းလင္းမႈေၾကာင့္ ရိုဟင္ဂ်ာမြတ္စလင္ ေျခာက္သိန္းေက်ာ္ ဘဂၤလားေဒ့ရွ္ဘက္ ထြက္ေျပးခဲ့ရတဲ့ျဖစ္ရပ္ကို လူမ်ဳိးစု ရွင္းလင္းဖယ္ရွားမႈအျဖစ္ ႏိုင္ငံတကာအသိုင္းအ၀ိုင္းက ျမန္မာကို အျပင္းအထန္ေ၀ဖန္ေနခ်ိန္မွာ တရုတ္အစိုးရကျမန္မာအစိုးရဘက္က ရပ္တည္ေၾကာင္း အခိုင္အမာျပသခဲ့ပါတယ္။
ဒါေၾကာင့္ တရုတ္သမၼတရွီက်င္းပင္နဲ႔ သီးသန္႔ေတြ႕ဆံုခ်ိန္မွာေရာ၊ ကမၻာ့ ႏုိင္ငံေရးပါတီေတြက အဆင့္ျမင့္ ေခါင္းေဆာင္ေတြရဲ႕ ေဆြးေႏြးပြဲအဖြင့္မိန္႔ခြန္းေျပာၾကားရာမွာပါ တရုတ္အပါအ၀င္ ျမန္မာႏိုင္ငံအေပၚ နားလည္ေထာက္ခံေပးတဲ့မိတ္ေဆြေတြကို ေက်းဇူးအထူးတင္မိေၾကာင္း ေဒၚေအာင္ဆန္းစုၾကည္က အခုလိုေျပာၾကားခဲ့ပါတယ္။
"က်မတို႔ရဲ႕ ႀကိဳးစားအားထုတ္မႈေတြကို ေထာက္ခံကူညီေပးေနတဲ့ က်မတို႔ျပည္သူေတြ အပါအ၀င္ မိတ္ေဆြေတြအားလံုးကို ေလးစားတန္ဖိုးထားပါတယ္။ က်မတို႔လိုအပ္ေနတဲ့အခ်ိန္မွာ က်မတို႔အေပၚ နားလည္မႈေပးၿပီး ပံပိုးကူညီသူေတြကိုလည္း က်မတို႔ ဘယ္ေတာ့မွ ေမ့ေပ်ာက္မွာမဟုတ္ပါဘူး။"
တရုတ္သမၼတ ရွီက်င္းပင္နဲ႕ ေတြ႕ဆံုရာမွာလည္း တရုတ္နဲ႔ ဆက္ဆံေရးတိုးတက္ေကာင္းမြန္မႈဟာ ျမန္မာႏိုင္ငံအတြက္ အလြန္အင္မတန္မွ အေရးပါေၾကာင္း ေဒၚေအာင္ဆန္းစုၾကည္ကေျပာဆိုခဲ့ပါတယ္။ ဒါအျပင္ အာဏာရပါတီအခ်င္းခ်င္း အနီးကပ္ဆက္ဆံေရး ပိုမိုတိုးျမွင့္ဖို႔ တရုတ္သမၼရွီက်င္းပင္ေျပာဆိုခဲ့တဲ့အခ်က္ကိုလည္း သူ႔အေနနဲ႔ သေဘာတူေၾကာင္း ေဒၚေအာင္ဆန္းစုၾကည္က ဆိုပါတယ္။
တရုတ္-ျမန္မာ ကုန္သြယ္စီးပြားေရးလမ္းေၾကာင္း လိုမ်ဳိး ႏွစ္ႏိုင္ငံဆက္ဆံေရး တိုးတက္ဖြံၿဖိဳးမႈအသစ္ျဖစ္ထြန္းလာတဲ့ကိစၥရပ္ေတြကို ျပဳစုပ်ဳိးေထာင္ဖို႔၊ႏွစ္ဘက္အျပန္အလွန္သေဘာတူညီခ်က္အားလံုးကို လက္ေတြ႕အေကာင္အထည္ေဖၚဖို႔နဲ႔ ႏွစ္ႏိုင္ငံဆက္ဆံေရး မွန္ကန္တဲ့ လမ္းေၾကာင္းေပၚမွာ ဆက္လက္ရွိေနေရး ထိန္းသိမ္းဖို႔ ေဒၚေအာင္ဆန္းစုၾကည္နဲ႔ သမၼတရွီက်င္းပင္တို႔ ေဆြးေႏြးသေဘာတူညီခဲ့ၾကပါတယ္။
အင္ၾကင္းႏိုင္ / ဗြီအိုေအ (ျမန္မာပုိင္း)
https://burmese.voanews.com
နိုင်ငံရေးပါတီ အချင်းချင်းဆက်ဆံရေး ပိုမိုအားကောင်းစေဖို့ တရုတ်သမ္မတ ရှီကျင်းပင်ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံရာမှာ တိုက်တွန်းလိုက်ပါတယ်။ တရုတ်အနေနဲ့ မြန်မာစစ်တပ်နဲ့ ပိုပြီး နီးနီးကပ်ကပ်ဆက်ဆံမှုတွေရှိနေတယ်လို့ ဝေဖန်မှုတွေထွက်နေချိန် အာဏာရ အရပ်သားအစိုးရပါတီနဲ့ နှစ်ဘက်အပြန်အလှန်အနီးကပ်ပိုပြီး ဆက်ဆံရေး တည်ဆောက်လိုကြောင်း တရုတ်သမ္မတက ပြောကြားခဲ့တာဖြစ်ပါတယ်။
ဒေါ်အောင်ဆန်းစုကြည်နဲ့ တရုတ်သမ္မတ ရှီကျင်းပင် တို့နှစ်ဦး သောကြာနေ့က ဘေဂျင်းမြို့တော်မှာ သီးသန့် တွေ့ဆုံဆွေးနွေးခဲ့တဲ့ အဓိက အကြောင်းအရာတွေကို မအင်ကြင်းနို်င်က ဆက်လက်တင်ပြမှာပါ။
နိုဝင်ဘာလ ၃၀ ရက်နေ့ကနေ ဒီဇင်ဘာလ ၃ ရက်နေ့ထိ တရုတ်နိုင်ငံ ဘေဂျင်းမှာ ကျင်းပနေတဲ့ CPC တရုတ်ကွန်မြူနစ်ပါတီနဲ့ ကမ္ဘာ့ နိုင်ငံရေးပါတီတွေရဲ့ အဆင့်မြင့်ထိပ်သီးခေါင်းဆောင်များ ဆွေးနွေးပွဲကို တက်ရောက်လာတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တရုတ်သမ္မတ ရှီကျင်းပင်တို့ မနေ့က သီးသန့်တွေ့ဆုံရာမှာ အာဏာရပါတီ အချင်းချင်း မဟာဗျူဟာမြောက် ဆက်ဆံရေးခိုင်မာအားကောင်းစေဖို့ သူ့အနေနဲ့ မျှော်လင့်ကြောင်း ရှီကျင်းပင်က ပြောဆိုခဲ့တာပါ။
ဒေါ်အောင်ဆန်းစုကြည်ဦးဆောင်တဲ့ NLD အမျိုးသားဒီမိုကရေစီအဖွဲ့ချုပ် အာဏာရပြီးကတည်းက သူတို့နှစ်ဦး အကြိမ်များတွေ့ဆုံခဲ့ပြီးဖြစ်ကြောင်းလည်း သမ္မတ ရှီက ဒေါ်အောင်ဆန်းစုကြည်ကို ပြောဆိုခဲ့ပါတယ်။ နှစ်နိုင်ငံ အာဏာရပါတီတွေဖြစ်တဲ့ CPC နဲ့ NLD ဆက်ဆံရေး ဆက်လက်တိုးတက်မှုတွေကြောင့် တရုတ်နဲ့ မြန်မာ နိုင်ငံရေးအရဆက်ဆံမှုကိုသာမက ပြည်သူအချင်းချင်း ဆက်ဆံရေးကိုပါ ပိုမိုခိုင်မာစေတယ်လို့လည်း သမ္မတ ရှီက ဆိုပါတယ်။
CPC ပါတီ ဗဟိုကော်မတီ အထွေထွေအတွင်းရေးမှူးလည်းဖြစ်တဲ့ တရုတ်သမ္မတ ရှီကျင်းပင်ဟာ မနေ့က CPC နဲ့ ကမ္ဘာ့ နိုင်ငံရေးပါတီတွေက အဆင့်မြင့် ခေါင်းဆောင်တွေရဲ့ ဆွေးနွေးပွဲ အဖွင့်မိန့်ခွန်းပြောကြားရာမှာ အခြားနိုင်ငံတွေနဲ့ သံတမန်ရေးဆက်ဆံရေးမှာ တရုတ်ရဲ့ နည်းဗျူဟာ ပုံစံသစ်ကို ပြောဆိုခဲ့ပေမယ့် တရုတ်နိုင်ငံ စနစ်အတိုင်း အခြားနိုင်ငံတွေက လိုက်လုပ်ရမယ််ဆိုတာမျိုးတော့ ဘယ်တော့မှ တိုက်တွန်းမှာ မဟုတ်ဘူးလို့ အခုလိုပြောသွားပါတယ်။
"အခြားနိုင်ငံတွေက အုပ်ချုပ်ပုံမျိုး တရုတ်နိုင်ငံက လိုက်လုပ်မှာ မဟုတ်သလို ကျနော်တို့ ရဲ့ အုပ်ချုပ်ပုံမျိုးအတိုင်း အခြားနိုင်ငံတွေလိုက်လုပ်ရမယ်လို့လည်း ပြောမှာမဟုတ်ပါဘူး။ တရုတ်နိုင်ငံက အကောင်အထည်ဖေါ်နေတဲ့ လမ်းစဉ်အတိုင်း ပုံတူကူးပြီး လိုက်လုပ်ပါလို့လည်း အခြားနိုင်ငံတွေကို ဘယ်တော့မှ တောင်းဆိုမှာမဟုတ်ပါဘူး။"
ဒေါ်အောင်ဆန်းစုကြည်နဲ့ သမ္မတရှီကျင်းပင် သီးသန့်တွေ့ဆုံရာမှာလည်း ခေတ်သစ်မှာ တရုတ်ရဲ့ သံတမန်ရေးရည်ရွယ်ချက်ဟာ လူသားထုအတွက် တူညီတဲ့အနာဂတ်အသိုင်းအဝိုင်း တည်ဆောက်ရေးဖြစ်တယ်လို့ ပြောဆိုခဲ့ပါတယ်။ ဒီရည်မှန်းချက်ဟာလည်း မကြာသေးခင်က ကျင်းပခဲ့တဲ့ ၁၉ ကြိမ်မြောက် တရုတ်ကွန်မြူနစ်ပါတီ အမျိုးသားညီလာခံကထွက်လာတဲ့ အဓိကရလာဒ်တွေထဲက တခုဖြစ်ကြောင်း သမ္မတရှီက ဒေါ်အောင်ဆန်းစုကြည်ကိုပြောပါတယ်။
ရခိုင်ပြည်နယ်မြောက်ပိုင်းမှာ သြဂုတ်လက မြန်မာစစ်တပ်ရဲ့ နယ်မြေရှင်းလင်းမှုကြောင့် ရိုဟင်ဂျာမွတ်စလင် ခြောက်သိန်းကျော် ဘင်္ဂလားဒေ့ရှ်ဘက် ထွက်ပြေးခဲ့ရတဲ့ဖြစ်ရပ်ကို လူမျိုးစု ရှင်းလင်းဖယ်ရှားမှုအဖြစ် နိုင်ငံတကာအသိုင်းအဝိုင်းက မြန်မာကို အပြင်းအထန်ဝေဖန်နေချိန်မှာ တရုတ်အစိုးရကမြန်မာအစိုးရဘက်က ရပ်တည်ကြောင်း အခိုင်အမာပြသခဲ့ပါတယ်။
ဒါကြောင့် တရုတ်သမ္မတရှီကျင်းပင်နဲ့ သီးသန့်တွေ့ဆုံချိန်မှာရော၊ ကမ္ဘာ့ နိုင်ငံရေးပါတီတွေက အဆင့်မြင့် ခေါင်းဆောင်တွေရဲ့ ဆွေးနွေးပွဲအဖွင့်မိန့်ခွန်းပြောကြားရာမှာပါ တရုတ်အပါအဝင် မြန်မာနိုင်ငံအပေါ် နားလည်ထောက်ခံပေးတဲ့မိတ်ဆွေတွေကို ကျေးဇူးအထူးတင်မိကြောင်း ဒေါ်အောင်ဆန်းစုကြည်က အခုလိုပြောကြားခဲ့ပါတယ်။
"ကျမတို့ရဲ့ ကြိုးစားအားထုတ်မှုတွေကို ထောက်ခံကူညီပေးနေတဲ့ ကျမတို့ပြည်သူတွေ အပါအဝင် မိတ်ဆွေတွေအားလုံးကို လေးစားတန်ဖိုးထားပါတယ်။ ကျမတို့လိုအပ်နေတဲ့အချိန်မှာ ကျမတို့အပေါ် နားလည်မှုပေးပြီး ပံပိုးကူညီသူတွေကိုလည်း ကျမတို့ ဘယ်တော့မှ မေ့ပျောက်မှာမဟုတ်ပါဘူး။"
တရုတ်သမ္မတ ရှီကျင်းပင်နဲ့ တွေ့ဆုံရာမှာလည်း တရုတ်နဲ့ ဆက်ဆံရေးတိုးတက်ကောင်းမွန်မှုဟာ မြန်မာနိုင်ငံအတွက် အလွန်အင်မတန်မှ အရေးပါကြောင်း ဒေါ်အောင်ဆန်းစုကြည်ကပြောဆိုခဲ့ပါတယ်။ ဒါအပြင် အာဏာရပါတီအချင်းချင်း အနီးကပ်ဆက်ဆံရေး ပိုမိုတိုးမြှင့်ဖို့ တရုတ်သမ္မရှီကျင်းပင်ပြောဆိုခဲ့တဲ့အချက်ကိုလည်း သူ့အနေနဲ့ သဘောတူကြောင်း ဒေါ်အောင်ဆန်းစုကြည်က ဆိုပါတယ်။
တရုတ်-မြန်မာ ကုန်သွယ်စီးပွားရေးလမ်းကြောင်း လိုမျိုး နှစ်နိုင်ငံဆက်ဆံရေး တိုးတက်ဖွံဖြိုးမှုအသစ်ဖြစ်ထွန်းလာတဲ့ကိစ္စရပ်တွေကို ပြုစုပျိုးထောင်ဖို့၊နှစ်ဘက်အပြန်အလှန်သဘောတူညီချက်အားလုံးကို လက်တွေ့အကောင်အထည်ဖေါ်ဖို့နဲ့ နှစ်နိုင်ငံဆက်ဆံရေး မှန်ကန်တဲ့ လမ်းကြောင်းပေါ်မှာ ဆက်လက်ရှိနေရေး ထိန်းသိမ်းဖို့ ဒေါ်အောင်ဆန်းစုကြည်နဲ့ သမ္မတရှီကျင်းပင်တို့ ဆွေးနွေးသဘောတူညီခဲ့ကြပါတယ်။
အင်ကြင်းနိုင် / ဗွီအိုအေ (မြန်မာပိုင်း)
https://burmese.voanews.com/
Read in : All Update Reader