ရန်ကုန်လေဆိပ်တွင် အမျိုးသမီး ၃ ဦးထံမှ ကျပ်သိန်း ၁၀၀၀ တန်ဖိုးရှိ ဘိန်းဖြူများ ဖမ်းမိ

ရန်ကုန်အပြည်ပြည်ဆိုင်ရာ လေဆိပ်မှာ အမျိုးသမီး ၃ ဦးဆီက ငွေကျပ်သိန်း ၁၀၀၀ တန်ဖိုးရှိ ဘိန်းဖြူတွေ ဖမ်းဆီးရမိတယ်လို့ မြန်မာနိုင်ငံ ရဲတပ်ဖွဲ့က သတင်းထုတ်ပြန်ပါတယ်။

သြဂုတ် ၁ ရက်နေ့က ရန်ကုန်လေဆိပ်မှ မူးယစ်တပ်ဖွဲ့ဝင်တွေပါဝင်တဲ့ ပူးပေါင်းအဖွဲ့ဟာ ရန်ကုန်အပြည်ပြည်ဆိုင်ရာလေဆိပ် Terminal(2) ပြည်ပထွက်ခွာ X- Ray စက်မှာ China Air လေကြောင်းလိုင်းနဲ့ ရန်ကုန်ကနေ တိုင်ပေကို လိုက်ပါမယ့် မရန်စိုက်ချင်၊ မလီးဟွေလီ နဲ့ မလှရီ တို့အား ရှာဖွေရာကနေ ဖမ်းဆီးမိခဲ့တယ်လို့ ဆိုပါတယ်။

မရန်စိုက်ချင်ထံမှ ဘိန်းဖြူ ၃၅၅ ဂရမ် နဲ့ လက်ကိုင်ဖုန်းတလုံး၊ မလီးဟွေလီထံမှ ဘိန်းဖြူ ၂၈၀ ဂရမ်နဲ့ လက်ကိုင်ဖုန်းတလုံး၊ မလှရီထံမှ လက်ကိုင်ဖုန်းနှစ်လုံးနဲ့ အမျိုးသမီးအိမ်သာထဲ အမှိုက်ခြင်းအတွင်း လွှင့်ပစ်ခဲ့တဲ့ ဘိန်းဖြူ ၃၆၅ ဂရမ်တို့ကို ဖမ်းဆီးမိခဲ့တာပါ။

သူတို့သုံးဦးအား မူးယစ်ဆေးဝါး နဲ့ စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရပါတယ်။

ဒီဗွီဘီ

http://burmese.dvb.no/

Read in : All Update Reader

ရထားပေါ် ဆေးခြောက်မရှူရန်ပြောသည့် ခရီးသည်ကို ဆယ်ကျော်သက်အုပ်စု ဝိုင်းရိုက် (ရုပ်သံ)

ဆယ်ကျော်သက် လူငယ်တွေအား ရထားပေါ်မှာ ဆေးခြောက်မရှူဖို့ ပြောတဲ့ အမျိုးသားတဦးကို အဲဒီလူငယ်အုပ်စုက ဝိုင်းဝန်းရိုက်နှက်ခဲ့ကြပါတယ်။

အများသုံးရထားပေါ်မှာ ဆယ်ကျော်သက် လူငယ်အုပ်စုတစု မူးယစ်ဆေးဝါးသုံးစွဲနေလုိ့ ကန်နန်ဂျုံးစ်ဆိုတဲ့ အမျိုးသားက ဆေးမသုံးစွဲဖို့ ပြောခဲ့တဲ့အတွက် ဝိုင်းဝန်းထိုးကြိတ် ရိုက်နှက်ခဲ့ကြတာပါ။

ဒီအဖြစ်အပျက်ဟာ အမေရိကန်နိုင်ငံ တက္ကဆက်ပြည်နယ် ဒဲလက်စ်ဧရိယာအတွင်း ခုတ်မောင်းနေတဲ့ အမြန်ရထား (ဒီအာအေတီ) ပေါ်မှာ ဇူလိုင် ၃၀ ရက်နေ့က ဖြစ်ခဲ့တာပါ။

ဆယ်ကျော်သက်တွေကို ဆေးမသုံးဖို့ ပြောပြီးတဲ့နောက် အဲဒီအုပ်စုထဲက မိန်းကလေးတဦးနဲ့ ထိပ်တိုက်တွေ့ဆုံ အငြင်းပွားခဲ့တာကို မှတ်မိတယ်လို့ မစ္စတာဂျုံးစ်က အန်ဘီစီသတင်းဌာနကို ပြောပါတယ်။

“အဲ့ဒီမိန်းကလေး ကျနော့်မျက်နှာကို တံတွေးနဲ့ထွေးတယ်။ ကျနော်က ကလေးမလေးတွေ အမျိုးသမီးတွေကို ငါ မရိုက်နှက်တတ်တာ မင်းကံကောင်းသွားတယ်။ မဟုတ်ရင် မင်းတင်ပါးကို ငါ ရိုက်ပစ်တယ်လို့ ပြောလိုက်တာမှာ အခြေအနေတွေက လုံးဝ မထိန်းနိုင်အောင် ဆိုးရွားကုန်တယ်” လို့ ဂျုံးစ်က ပြောပါတယ်။

ရုပ်သံထဲမှာ ဂျုံးစ်ကို ဆယ်ကျော်သက်တွေက ဝိုင်းဝန်းထိုးကြိတ် ကန်ကြောက်နေကြပြီး ဂျုံးစ်က သူ့ကိုယ်သူ ကာကွယ်နေတာ တွေ့ရပါတယ်။

ဒဲလက်စ်မြို့ ဒိပ်အလမ်ဘူတာရုံမှာ ရထားရပ်ပြီးနောက်မှာလည်း ဘူတာပလက်ဖောင်းပေါ်မှာ ဆက်ပြီး ဝိုင်းရိုက်နေတာကို တွေ့ရပါတယ်။

ဒီအေအာတီရဲ့ ပြောရေးဆိုခွင့်ရှိသူ မာ့က်ဘောလ်ကတော့ “ဘူတာပလက်ဖောင်းပေါ် ပြုတ်ကျလာတာကို ကျနော်တို့မြင်တော့ ဒီအေအာတီရဲတွေကို ချက်ချင်းအကြောင်းကြားတယ်၊ အရာရှိတွေက ၁၀ မိနစ်အတွင်း အဲ့ဒီနေရာကို ရောက်လာပါတယ်” လို့ ပြောပါတယ်။

ရထားထဲမှာ စီစီတီဗွီကင်မရာတွေ မရှိလို့ ဒီအဖြစ်အပျက်ကိုလိုက်ဖို့ ရဲတွေအတွက် အခက်အခဲ ရှိခဲ့ပေမယ့် ဒီအပတ်အစောပိုင်းမှာ ဝိုင်းဝန်းရိုက်နှက်နေတဲ့ရုပ်သံ ဖေ့စ်ဘွတ်ခ်ပေါ်မှာ တက်လာတဲ့အတွက် ဒီအေအာတီအာဏာပိုင်တွေက အမှုကို ပြန်လည်စစ်ဆေးနေကြပါတယ်။

အခင်းဖြစ်ပြီးနောက် ရထားထွက်သွားပြီး ဂျုံးစ်က ပလက်ဖောင်းပေါ် မလှုပ်ရှားနိုင်တော့ဘဲ လဲကျကျန်ရစ်ခဲ့တဲ့အတွက် သူ့ကို ဆေးရုံပို့လိုက်ရပါတယ်။

ရုပ်သံထဲမှာပါတဲ့ ရိုက်နှက်သူ တဦးချင်းကို ရဲတွေက စုံစမ်းနေပြီး အခင်းဖြစ်မှုကို စုံစမ်းမှုတွေ လုပ်နေတယ်လို့ သြဂုတ် ၂ ရက် မေရာသတင်းတပုဒ်မှာ ဖော်ပြထားပါတယ်။

ဒီဗွီဘီ

http://burmese.dvb.no/

Read in : All Update Reader

ချင်းတွင်းမြစ်အတွင်း ရပ်ထားသည့် မော်တော်တစ်စင်း နစ်မြုပ်

(ချင်းတွင်းမြစ်အတွင်း ကမ်းစပ်အနီး နစ်မြုပ်နေသည့် မော်တော်ကို တွေ့ရစဉ်) ဓာတ်ပုံ - Tun Tun Win

ကလေး၊ သြဂုတ် ၃

စစ်ကိုင်းတိုင်းဒေသကြီး ကနီမြို့အနီး ချင်းတွင်းမြစ်တွင်း၌ ညအိပ်ရပ်နားထားသည့် မော်တော်တစ်စင်း နစ်မြုပ်ခဲ့ကြောင်း ကနီမြို့ တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက ပြောကြားသည်။

မုံရွာမြို့မှ ဟုမ္မလင်းမြို့သို့ သွားရောက်ရန် ချင်းတွင်းမြစ်ကြောင်းအတိုင်း ဆန်တက်လာသော ကုန်ပစ္စည်းများ တင်ဆောင်လာသည့် မုံရွာ-နမ်တော ရွှေပြည်စိုးအသင်းမှ မော်တော်တစ်စင်းသည် သြဂုတ်လ ၃ ရက်နေ့ နံနက် ၃ နာရီခန့်က ကနီမြို့အနီး ဆိုက်ကပ်၍ ညအိပ်ရပ်နားခဲ့ကြောင်း၊ မော်တော်ရပ်နားထားသည့် အချိန်တွင် မြစ်ရေကျခြင်းကြောင့် တိမ်းစောင်းနစ်မြုပ်ခဲ့ခြင်း ဖြစ်ကြောင်း ကနီမြို့ ပုဂ္ဂလိကရေယာဉ်များ စစ်ဆေးရေးအဖွဲ့ ဥက္ကဋ္ဌ ဦးကျော်ဇေယျက ပြောဆိုသည်။

မော်တော်နစ်မြုပ်မှုကြောင့် မော်တော်ပေါ်တွင် ပါလာသည့် ဆီပီပါအလုံး ၁၇၀ ကို ကမ်းနားတွင် ကြိုးဖြင့်ချည်ကာ ဆယ်ယူထားနိုင်ပြီ ဖြစ်ကြောင်း၊ မော်တော်ပေါ်တွင် လိုက်ပါလာသူများ ထိခိုက်ဒဏ်ရာ မရရှိကြောင်း ၎င်းက ရှင်းပြသည်။

The Voice Myanmar

http://thevoicemyanmar.com/

Read in : All Update Reader

ပဲခူးဆေးရုံကြီးတွင် ရာသီတုပ်ကွေး A(H1N1) လူနာ ၂ ဦး တွေ့ရှိ

သတင်း၊ဓာတ်ပုံ-နေလင်းထိုက်

ပဲခူးတိုင်းဒေသကြီး၊ ညောင်လေးပင်မြို့နယ်၊  ပြွန်တန်ဆာမြို့ကနေ လာရောက်ပြီး ပဲခူးဆေးရုံကြီးမှာ ကုသနေတဲ့ လူနာ ၂ ဦးမှာ ရာသီတုပ်ကွေး A(H1N1) ဗိုင်းရပ်စ်ပိုး တွေ့ရှိတယ်လို့ မြို့နယ်ဆရာဝန်ကြီးက ပြောပါတယ်။

A(H1N1) ဖြစ်ပွားနေသူတွေကတော့ ပြွန်တန်ဆာမြို့ မီးရထားဝန်ထမ်းအိမ်ရာဟောင်းမှာ နေထိုင်တဲ့ အသက် ၄၅ နှစ်အရွယ် အမျိုးသားတဦးနဲ့ နဘဲပင်ကျေးရွာနေ ၁၆ နှစ်အရွယ် တို့ဖြစ်တယ်လို့ မြို့နယ်ဆရာဝန်ကြီး  ဒေါက်တာသောင်းဒန်ဦးက ပြောပါတယ်။

“ပထမလူနာက မီးရထားလိုင်းခန်းမှာနေတာပါ။ ပြွန်တန်ဆာဆေးရုံကို သွားတာက ၂၅ ရက်နေ့မှာ ရောက်လာတယ်၊ သွေးဝမ်းသွားနေလို့ပါ။ နောက်ပိုင်း ချောင်းဆိုးတာတွေ ဖြစ်လာတော့ ၂၉ ရက်နေ့ ညနေပိုင်းမှာ သူ့ကို ပဲခူးဆေးရုံ ပို့လိုက်တယ်။ အဲဒီလိုပဲ နဘဲပင်ကျေးရွာက ၁၆ နှစ်အရွယ် ကလေးမလေးကျတော့ ၂၉ ရက်နေ့မှာ ညောင်လေးပင်ဆေးရုံကို ရောက်လာတယ်။ ၃၀ ရက်နေ့ မနက်ပိုင်းမှာ ပဲခူးဆေးရုံကို ထပ်ပို့လိုက်တယ်။ သူတို့ဆီက နှာခေါင်းအာခေါင်တွေက အရည်အချွဲတွေကိုယူပြီး ရန်ကုန်အမျိုးသားဓာတ်ခွဲခန်းကိုပို့ပြီးစစ်ဆေးတဲ့နေရာမှာ နှစ်ယောက်လုံး A(H1N1) Postive ဖြစ်နေတာကို တွေ့ရတယ်” လို့ ဒီဗွီဘီကိုပြောပါတယ်။

မြို့နယ်ဆရာဝန်ကြီးနဲ့ ကျန်းဦးစီးဌာနမှ အဖွဲ့ဝင်တွေ ပူးပေါင်းပြီး အဆိုပါလူနာတွေ နေထိုင်ခဲ့တဲ့နေရာကို သွားရောက်ပြီး မိသားစုတွေနဲ့တွေ့ဆုံကာ ပတ်ဝန်းကျင် အနေထား စစ်ဆေးတာ၊ အိမ်နဲ့ အနီးဝန်းကျင်မှာ ရောဂါစောင့်ကြပ်ကြည့်ရှုတာ၊ ရောဂါကာကွယ်ရေး အသိပညာပေး ဟောပြောတာ၊ လက်ကမ်းစာစောင်တွေဖြန့်ဝေတာတွေ လုပ်ခဲ့တယ်လို့ ဆိုပါတယ်။

ဒါ့အပြင် မြို့နယ်အတွင်းရှိ စာသင်ကျောင်း၊ ဘူတာ၊ ဈေး၊ ဘုန်းကြီးကျောင်းနဲ့ ကျေးရွာတွေမှာလည်း အသိပညာပေးဟောပြောတာ၊ လက်ကမ်းစာစောတွေ ဖြန့်ဝေတနဲ့ Mask တွေ ဖြန့်ဝေတာတို့ကို အရှိန်အဟုန်မြှင့် ဆောင်ရွက်နေတယ်လို့ သိရပါတယ်။

သတင်း၊ဓာတ်ပုံ-နေလင်းထိုက်

ဒီဗွီဘီ

http://burmese.dvb.no/

Read in : All Update Reader

RCSS ရှမ်းတပ်ဖွဲ့ဝင် ဖမ်းဆီးခံထားရမှု မြန်မာစစ်တပ် အသံတိတ်

မှတ်တမ်းဓာတ်ပုံ - ရှမ်းပြည်နယ်တွင်း လှုပ်ရှားနေတဲ့ မြန်မာ့တပ်မတော်။

NCA အပစ်ရပ် လက်မှတ်ရေးထိုးထားတဲ့ တောင်ပိုင်း ရှမ်းပြည်တပ်မတော် RCSS/SSA နဲ့ မြန်မာ့တပ်မတော်တို့ အကြား ဒေသအတွင်း တိုက်ပွဲဖြစ်ပွါးမှုတွေ၊ ရွာသားတွေ ဖမ်းဆီးခံရမှုနဲ့ RCSS တပ်သားတွေ အဖမ်းဆီးခံရမှု ကိစ္စရပ်တွေ မဖြေရှင်းနိုင်တဲ့ အတွက် ငြိမ်းချမ်းရေး နောက်ကြောင်း ပြန်လှည့်နေပြီလို့ RCSS တာဝန်ရှိသူတွေက ပြောပါတယ်။ အပြည့်အစုံကို ထိုင်းအခြေစိုက် ဗွီအိုအေ သတင်းထောက် နိုင်ကွန်းအိန် ကနေ သတင်းပေးပို့ ထားပါတယ်။

ရှမ်းပြည်နယ်အတွင်း NCA အပစ်ရပ် လက်မှတ်ရေးထိုးထားတဲ့ တောင်ပိုင်း ရှမ်းပြည်တပ်မတော်ရဲ့ တပ်ဖွဲ့ဝင်နှစ်ဦးကို မြန်မာ့တပ်မတော်ကနေ ဖမ်းဆီးထားတဲ့ ကိစ္စအပေါ် RCSS ဘက်က မေးမြန်းထားပေမဲ့ တပ်မတော်ဘက်က ရေရေရာရာ ဖြေကြားတာ မရှိဘူးလို့ တောင်ကြီး ဆက်ဆံရေးရုံး တာဝန်ခံလည်းဖြစ် ရှမ်းပြည်နယ် အပစ်ရပ် ပူးတွဲစောင့်ကြည့်ရေး ကော်မတီ JMC-S အဖွဲ့ဝင်လည်း ဖြစ်တဲ့ ဒုဗိုလ်မှူးကြီး စိုင်းဦးက အခုလို ပြောပါတယ်။

“ ကျွန်တော်တို့က အရပ်ဝတ်နဲ့ဘဲ ရွာထဲကိုလာပြီးတော့ လိုတဲ့ပစ္စည်းတွေ လာဝယ်နေတဲ့ အချိန်မှာ တပ်ကဖမ်းသွားတာ ပေါ့နော်။ တပ်နဲ့သွားတွေ့တော့ သူတို့က ဖမ်းသွားတယ် အဲဒီလိုပါဘဲ။ ဘယ်မှာ ဘယ်ရောက်နေလဲ မသိဘူးဗျ။ ကျွန်တော်တို့ ဆက်ဆံရေးရုံး ကနေ ဗျူဟာမှူးတွေ၊ နောက်ပြီးတော့ တြိဂံတိုင်း G1 တွေကို ဖုန်းဆက်မေးပေမယ့်လည်း သူတို့က မသိသေးဘူး။ ပြန်မေးပေးပါ့မယ်ဆိုပြီးတော့မှ ဘာမှပြောတာ မကြားသေးဘူးဗျ။ အမှန်ဆို ကျွန်တော်တို့ လွတ်လပ်စွာ သွားလာခွင့် ရှိတယ်ပေါ့နော်။ ဖမ်းဖို့မသင့်ဘူး ပေါ့နော်။”

တောင်ပိုင်း ရှမ်းပြည်တပ်မတော် တပ်ဖွဲ့ဝင်နှစ်ဦးကို ဇူလိုင်လ ကုန်ပိုင်း မိုင်းပူးလုံ ဒေသ ကျိန်းဟင်ကျေးရွာမှာ အရပ်ဝတ်နဲ့ ဈေးဝယ် နေစဉ်အတွင်း တပ်မတော်ကနေ ဖမ်းဆီးသွားခဲ့တယ်လို့ RCSS ဘက်က ပြောပါတယ်။

တောင်ပိုင်း ရှမ်းပြည်တပ်မတော်ဟာ မြန်မာအစိုးရနဲ့ NCA အပစ်ရပ် လက်မှတ်ရေးထိုး ထားပေမယ့် မြန်မာ့တပ်မတော်နဲ့ စစ်ရေး ပဋိပက္ခ ဖြစ်ပွါးနေဆဲ အခြေအနေမှာ ရှိနေပါသေးတယ်။

ပြီးခဲ့တဲ့ ဇူလိုင်လ (၁၄) ရက်နဲ့ (၁၇) ရက်နေ့တွေမှာရှမ်းပြည်နယ် အရှေ့ပိုင်း မိုင်းပျဉ်းမြို့နယ်နဲ့ ရှမ်းပြည်တောင်ပိုင်း ဟိုပုန်းမြို့နယ်တွေ ထဲမှာ တိုက်ပွဲ ဖြစ်ပွါးခဲ့ပါတယ်။

ရှမ်းပြည်နယ် တောင်ပိုင်း ဟိုပုန်းမြို့နယ်ထဲမှာ နှစ်ဖက်တိုက်ပွဲ ဖြစ်ပွါးခဲ့အပြီးနန်းခုတ် ဒေသခံ ရွာသား (၁၀) ဦး အဖမ်းဆီး ခံရသလို အဲဒီ အထဲ (၇)ဦး ပြန်လည် လွတ်မြောက်လာပေမဲ့ ရွာသား ၃ ဦးဟာ ပြန်လည် လွတ်မြောက်လာတာ မရှိသေးပါဘူး။

လက်ရှိ မြန်မာ့တပ်မတော်ကနေ ထိုးစစ်ဆင်နေမှု အရပ်သားတွေကို ဖမ်းဆီးနေမှု လုပ်ဆောင်ချက်တွေဟာ ရရှိပြီးသား ငြိမ်းချမ်းရေး နောက်ကြောင်း ပြန်လှည့်နေပြီလို့ တောင်ပိုင်း ရှမ်းပြည်တပ်မတော်ရဲ့JMC-S ကော်မတီဝင် ဒုဗိုလ်မှူးကြီး စိုင်းဦး က အခုလို ပြောပါတယ်။

“ ကျွန်တော်တို့က NCA ကို ယုံကြည်မှုရှိရှိနဲ့ သွားနေတဲ့ အချိန်မှာ ဒီလို တိုက်ပွဲဖြစ်တာတို့ ဒီလို အရပ်သားပြည်သူတွေကို ဖမ်းဆီးတာတို့ ကျွန်တော်တို့ထဲမှာ မရှိသင့်ဘူး။ မဖြစ်သင့်ဘူး ပေါ့နော်။ နိုင်ငံရေးကို နိုင်ငံရေးနည်းနဲ့ ဖြေရှင်းဖို့ ကျွန်တော်တို့ NCA ကို ထိုးတာပေါ့နော်။ အခုလို အခြေအနေမှာ ကျတော့ ပိုပြီးတော့ ဆိုးလာတဲ့ အခြေအနေမှာ ရောက်နေတယ် ပေါ့နော်။ NCA အရ ငြိမ်းချမ်းရေး လမ်းကြောင်းကို မသွားဘဲနဲ့ နောက်ပြန်လှည့်နေတဲ့ သဘောမျိုး ဖြစ်နေတယ်။”

အခုလို ဖြစ်ပွါးနေတဲ့ ပြဿနာတွေကို ရှမ်းပြည်နယ် အပစ်ရပ် ပူးတွဲစောင့်ကြည့်ရေး ကော်မတီ JMC-S တင်ပြထားပေမဲ့လည်း ထူးခြားမှု မရှိဘူးလို့ ဒုဗိုလ်မှူးကြီး စိုင်းဦးက ပြောပါတယ်။

NCA အပစ်ရပ်အဖွဲ့နဲ့ တပ်မတော်တို့ အကြား ဖြစ်ပွါးနေတဲ့ စစ်ရေးပဋိပက္ခတွေကို ဖြေရှင်းနိုင်ဖို့ JMC ကနေ စိစစ်အတည်ပြုရေး အဖွဲ့တွေ စေလွှတ်နေတယ်လို့ ပြည်ထောင်စုအဆင့် အပစ်ရပ်ပူးတွဲ စောင့်ကြည့်ရေး ကော်မတီ JMC ကော်မတီဝင် ပအိုဝ်းအမျိုးသား လွတ်မြောက်ရေး အဖွဲ့ချုပ်က ဒုဗိုလ်မှူးကြီး ခွန်အောင်မန်းက ပြောပါတယ်။

“ လောလောဆယ်ကတော့ JMC ကနေပြီးတော့ စိစစ် အတည်ပြုရေး အဖွဲ့တွေ လွှတ်ပြီးတော့မှ သွားရောက် စိစစ်တာတွေတော့ ဆောင်ရွက်နေတာတွေ ရှိတယ်။ ဒီ စိစစ်အတည်ပြုရေး အဖွဲ့ကနေ ပြန်ပြီးတော့ တင်ပြထားတဲ့ဟာတော့ မရှိသေးဘူးပေါ့လေ။ အစည်းဝေးတွေ ရောက်မှဘဲ ဒီကော်မတီတွေ ကနေ ကြည့်ပြီးတော့မှ ဆုံးဖြတ်ရမှာပေါ့။ ဘယ်လို အပြစ်ပေး အရေးယူရမယ်ဆိုတာ။JMC ကလည်း ယန္တရား တခုလုံး ဟိုးအောက်ခြေအထိ လည်ပတ်နေတဲ့ အနေအထား မရှိသေးတာလည်း ပါတယ်ပေါ့လေ။”

လက်ရှိ JMC ကို ပြည်ထောင်စုအဆင့် ပြည်နယ်၊ တိုင်းဒေသကြီး အဆင့် ဖွဲ့စည်းထားပေမယ့် ဒေသဆိုင်ရာအဆင့်နဲ့ ဒေသဆိုင်ရာ စောင့်ကြည့်ရေးအဖွဲ့ မဖွဲ့နိုင်သေးတာကြောင့်ပြဿနာ ဖြေရှင်းရေးမှာ နှောင့်နှေး ကြန့်ကြာနေရတယ်လို့ ဒုဗိုလ်မှူးကြီး ခွန်အောင်မန်းက ပြောပါတယ်။

တောင်ပိုင်း ရှမ်းပြည်တပ်မတော်ဟာ မြန်မာအစိုးရနဲ့NCA အပစ်ရပ်လက်မှတ်ရေးထိုး ထားပေမယ့် ရှမ်းအမျိုးသားအဆင့် နိုင်ငံရေး ဆွေးနွေးပွဲ ကျင်းပနိုင်ခြင်း မရှိသေးပါဘူး။

ဒါ့အပြင် တောင်ပိုင်းရှမ်းပြည် တပ်မတော် အပါအ၀င် မြောက်ပိုင်း ရှမ်းပြည်တပ်မတော် ရှမ်းနိုင်ငံရေး ပါတီတွေဖြစ်တဲ့ ရှမ်းတိုင်းရင်း သားများ ဒီမိုကရေစီအဖွဲ့ချုပ်SNLD ၊ ရှမ်းတိုင်းရင်းသားများ တိုးတက်ရေးပါတီ SNDP တို့နဲ့ဖွဲ့စည်းထားတဲ့ CSSU ရှမ်းပြည်ညီညွတ်ရေး ကော်မတီရဲ့ထိုင်းနိုင်ငံ ချင်းမိုင်မြို့မှာ ဇူလိုင် (၂၀) ရက်နေ့မှာ ကျင်းပဖို့ စီစဉ်ခဲ့ပေမယ့်ထိုင်းနိုင်ငံဆိုင်ရာ မြန်မာသံရုံးရဲ့ ကန့်ကွက်မှုကြောင့် ကျင်းပခွင့် မရခဲ့ပါဘူး။

တဖက်မှာလည်း ငြိမ်းချမ်းရေး လုပ်ငန်းစဉ်နဲ့ ၂၁ ရာစု ပင်လုံ တတိယအကြိမ်အစည်းအဝေး အတွက် အကြိုပြင်ဆင်တဲ့ အနေနဲ့ အစိုးရရဲ့ ငြိမ်းချမ်းရေး ကော်မရှင်အဖွဲ့နဲ့တိုင်းရင်းသား လက်နက်ကိုင် အဖွဲ့တွေအကြား ဒီကနေ့ ထိုင်းနိုင်ငံမှာ အလွတ်သဘော တွေ့ဆုံ ခဲ့ပါတယ်။

 နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

Read in : All Update Reader

အင်းတော်ကြီးကန်ကို ဇီဝအဝန်း နယ်မြေအဖြစ် UNESCO သတ်မှတ်

ကချင်ပြည်နယ် အင်းတော်ကြီးကန် ကို တွေ့ရစဉ်။ Photo: Kyaw Myo Min/RFA

ကချင်ပြည်နယ် အင်းတော်ကြီးကန်ဟာ ထူးခြားတဲ့ ဂေဟနစ်တွေနဲ့ ဇီဝမျိုးကွဲ ကြွယ်ဝတဲ့အတွက် ဇီဝအ၀န်း နယ်မြေအဖြစ် ယူနက်စကို UNESCO အဖွဲ့ကြီးက သတ်မှတ်လိုက်ပါတယ်။

အင်းတော်ကြီးကန်ဟာ ၂၀၀၃ ခုနှစ်ကလဲ အာဆီယံ အမွေအနှစ်ဥယျာဉ်စာရင်းထဲမှာ ထည့်သွင်းခံခဲ့ရပြီး၊ ကမ္ဘာ့အဆင့် အရေးပါတဲ့ ငှက်မျိုးစိတ်တွေ ကြွယ်ဝတာ၊ တခြားထူးခြားတဲ့ ရေ၀ပ်ဒေသ အင်္ဂါရပ်တွေ ရှိနေတာကြောင့် ၂၀၁၆ ခုနှစ် ဖေဖော်ဝါရီလမှာ ရမ်ဆာရေ၀ပ် ဒေသ (Ramsar Site) အဖြစ် ထပ်ပြီး သတ်မှတ်ခံခဲ့ရပါတယ်။

ပျူယဉ်ကျေးမှုထွန်းကားခဲ့တဲ့ ဟန်လင်း၊ ဗဿနိုး၊ သရေခေတ္တရာ နယ်မြေတွေကိုလည်း  ကမ္ဘာ့ယဉ်ကျေးမှု အမွေအနှစ်စာရင်းထဲကို ထည့်သွင်းခံခဲ့ရသလို အခုအခါ  ပုဂံဒေသကိုလည်း ကမ္ဘာ့ယဉ်ကျေးမှု အမွေအနှစ် စာရင်းဝင်ဖြစ်အောင်  ကြိုးစားနေတယ်လို့ သိရပါတယ်။

RFA Burmese
http://www.rfa.org/burmese

Read in : All Update Reader

အစိုးရဖြုတ်ချဖို့ မျိုးချစ်များတောင်းဆို

မန္တလေး မဟာမြတ်မုနိ ဘုရာကြီး အနောက်မုခ်၊ ရန်ကုန် ရွှေတိဂုံဘုရား အရှေ့ဘက်မုခ်တို့မှာ သံဃာတော်များ ဆန္ဒပြ

မန္တလေး ဘုရားကြီး အနောက်ဘက်မုခ် သာသနာ ၂၅၀၀ ဓမ္မာရုံမှာ ဘုန်းတော်ကြီးနဲ့ အရပ်သားတချို့က အစိုးရဖြုတ်ချရေးအပါအဝင်တောင်းဆိုချက်တချို့ကို တောင်းဆိုပြီး သပိတ်စခန်းဖွင့်နေပါတယ်။

တချိန်တည်းမှာပဲ ရန်ကုန်မှာလည်း ရွှေတိဂုံ အရှေ့ဘက် ကြေးသွန်းဘုရားကြီးမှာ ဘုန်းတော်ကြီးတချို့ဦးဆောင်ပြီး သပိတ်မှောက်နေကြပါတယ်။

သပိတ်မှောက်ကြသူတွေဟာ အမျိုးဘာသာ သာသနာကို စောင့်ရှောက်လိုသူတွေ စုပေါင်းပြီး ဖွဲ့စည်းထားကြတာလို့ဆိုပါတယ်။

မန္တလေးမှာ ချမ်းမြသာစည် သံဃမဟာနာယကအဖွဲ့က ဦးဆောင်သူသံဃာတွေ လာရောက်တွေ့ဆုံဖို့ ပင့်ခေါ်ခဲ့ပေမယ့် ဦးဆောင်သူမရှိဘူးလို့ ဆန္ဒပြသူတွေက ငြင်းဆိုခဲ့ပါတယ်။

သူတို့ရဲ့ တောင်းဆိုချက်တွေ မရမချင်း ဆက်လက်သပိတ်မှောက်သွားမယ်လို့ ဆိုပါတယ်။

တောင်းဆိုချက်တွေကတော့ အမျိုးဘာသာ ကာကွယ်စောင့်ရှောက်သူတွေကို ဖိနှိပ်နေတဲ့ အစိုးရနုတ်ထွက်ပေးဖို့ ဆိုတဲ့ အချက်မျိုး၊ ဘင်္ဂါလီလို့ မခေါ်ရဲတဲ့ အစိုးရ ဖြုတ်ချရေးဆိုတာတွေ ပါဝင်ပါတယ်။

ဒါ့အပြင် လက်ရှိ အမျိုးသားဒီမိုကရေစီအဖွဲ့ချုပ်အစိုးရဟာ ပြည်ပအားကိုး အစိုးရဖြစ်တယ်၊ ပြည်ပသြဇာလွှမ်းမိုးနိုင်အောင် တံခါးဖွင့်ပေးတဲ့ အစိုးရဖြစ်တယ်ဆိုတဲ့ စွဲချက်မျိုးလည်း ပါဝင်ပါတယ်။

ရန်ကုန်က ဆရာတော် ဘဒ္ဒန္တ ပညာသာရဇောတိကတော့ သူတို့ဟာ သပိတ်စခန်းဖွင့်ရုံသာမက သပိတ်ကံဆောင်တဲ့ ပတ္တနိက္ကုဇ္ဇနကံဆောင်တဲ့အမှုကိုလည်း ဆောင်ရွက်ထားတယ်လို့ ဘီဘီစီကို မိန့်ကြားပါတယ်။

သပိတ်စခန်းဖွင့်တာသာဖြစ်ပြီး ဆန္ဒပြချီတက်တာမဟုတ်လို့ ပုဒ်မ ၁၈ အရ ဆန္ဒပြခွင့် တင်ပြထားတာမျိုးမလုပ်ဘူးလို့ ဆိုပါတယ်။

ရန်ကုန်ကြေးသွန်းဘုရား သပိတ်စခန်းမှာ လျှပ်စစ်မီးဖြတ်တောက်ထားပြီး ရဲနဲ့ လုံခြုံရေးတွေ ဝိုင်းရံထားတယ်လို့လည်း ဆရာတော်က မိန့်ပါတယ်။ မနက် ၂ နာရီထိုးဝန်းကျင်မှာ ဖြိုခွဲလိမ့်မယ်လို့ သတင်းရထားတယ်လို့လည်း ဘီဘီစီကို မိန့်ကြားသွားပါတယ်။

BBC Burmese
http://www.bbc.com/burmese

Read in : All Update Reader

မိုင်းပေါက်ကွဲသည့် မောင်တောမြို့နယ် ပန်းတောပြင်ရွာမှ မိုင်းနှင့်ဆက်စပ်သည့် ပစ္စည်းများ သိမ်းဆည်းရမိ

(သိမ်းဆည်းရမိသည့် ဆက်စပ်ပစ္စည်းများကို တွေ့ရစဉ်)

ရခိုင်ပြည်နယ် မောင်တောမြို့နယ် ပန်းတောပြင် ဘင်္ဂလီရွာတွင် ယနေ့ နေ့လယ်က မိုင်း၂ လုံး ပေါက်ကွဲခဲ့ပြီးနောက် ရဲတပ်ဖွဲ့ဝင်များ လိုက်ပါသွားရာ မိုင်းပေါက်ကွဲသည့် အိမ်အတွင်းမှ မိုင်းနှင့် ဆက်စပ်သည့် ပစ္စည်းများ သိမ်းဆည်းရမိခဲ့ကြောင်း နယ်ခြားစောင့် ရဲတပ်ဖွဲ့ အရာရှိ တစ်ဦးက ပြောသည်။

“ပန်းတောပြင်ကျေးရွာအုပ်စု အနောက်ရွာမှာ နေထိုင်သူ ဒီလ်ပါ့လ် (၆၀) နှစ် (ဘ) ဆွေတာ မောက်ရဲ့ နှစ်ထပ်ခြေတံရှည် နေအိမ်ရဲ့ အရှေ့ဝရန်တာ ၃ ပေ ပတ်လည် ကြမ်းခင်းတွေ ကျိုးပဲ့ မီးလောင် ပေါက်ကွဲထားတွေကို တွေ့ရှိရတယ်။ နေအိမ်ရဲ့ မျက်နှာကြက်မှာ မိုးထားတဲ့ ပိတ်စ ၁၀ ပေပတ်လည်ခန့်လည်း မီးလောင်ကျွမ်းထားတာကို တွေ့ရှိရတယ်။ ဆက်လက် စစ်ဆေးတော့ မိုင်းနဲ့ ဆက်စပ်တဲ့ ပစ္စည်းတွေ၊ မိုင်းလုပ်တဲ့ ကရိယာတွေကို သိမ်းဆည်းရမိခဲ့ပါတယ်”ဟု ၎င်းအရာရှိက ပြောကြားသည်။

နေအိမ်အတွင်းမှ သိမ်းဆည်းရမိသည့် ပစ္စည်းများမှာ ပစ္စတိုကျည်ဆံ ၂ တောင့်၊ ပလပ်စတစ်ဖြင့် ထုပ်ထားသည့် ယမ်း ၂၅ ကျပ်သား၊ မိုင်းပြုလုပ်ရာတွင် အသုံးပြုသည့် ဓါတ်မြေသြဇာ (အညိုရောင်) ၁၀ ပိဿာခန့်၊ ဆေးထိုးပြွန်တွင် ယမ်းထည့်ထားသည့် ဝါယာကြိုးစ နှစ်စ၊ ထုတ်ထားသော စနက်တံ ၃ ခု၊ ၁၀ ပေခန့်ရှိ နန်းကြိုးခွေ ၁ ခွေ၊ ဘောစေ့ ၂ လုံး တို့ဖြစ်ကြောင်း ရဲအရာရှိက ပြောကြားသည်။

၎င်းပြင် အနီးအနားမှ ခဲဂေါက် welding ၁ ခု၊ ဒီဂျီတယ် Volt တိုင်းမီတာ ၁ ခု၊ မီးကပ်တိတ် အနက်ရောင် ၁ခွေ၊ ယမ်းကြိတ် ကျောက်ပြင် ၁ ချပ် စသည့် ပစ္စည်းများကိုလည်း ဆက်လက် သိမ်းဆည်းရမိခဲ့သည်ဟု ပြောဆိုသည်။

၎င်းမိုင်းများသည် ယနေ့ နေ့လယ် ၁ နာရီ ၄၅ မိနစ်အချိန်ခန့်တွင် ပေါက်ကွဲခဲ့ခြင်း ဖြစ်ပြီး နယ်ခြားစောင့် ရဲတပ်ဖွဲ့ဝင်များ ရောက်ရှိလာစဉ် ရွာသားဘင်္ဂလီများမှာ ထွက်ပြေးတိမ်းရှောင် သွားကြသည်ဟု သိရသည်။

“ မိုင်းပေါက်ကွဲတဲ့ အသံလို့ ယူရတဲ့ အသံ၂ သံထွက်လာတဲ့ အတွက် ပန်းတောပြင် ရဲကင်း စခန်း နယ်ခြားစောင့်စခန်း (၄) က ဒုတပ်ဖွဲ့ခွဲမှူး ရဲမှူး မင်းဝင်းစိုး ဦးစီးတဲ့ ၁၀ ဦး ပါ အဖွဲ့နှင့် နယ်မြေ ၇ မှ ရဲမှူး ကျော်သူရည် ဦးစီးတဲ့ ၁၀ ဦးပါအဖွဲ့တို့ ပူပေါင်းပြီး ရှင်းလင်းခဲ့ပါတယ်။ ရွာသားတွေက အားလုံး ထွက်ပြေးနေတယ်။ အမျိုးသမီး နှစ်ဦးဘဲ တွေ့တယ်” ဟု ပြောသည်။

တွေ့ရှိသူ အမျိုးသမီး နှစ်ဦးမှာ ပန်းတောပြင်အနောက်ရွာနေ ဆူဖီရာ (၂၇) နှစ် (ဘ)ဆုလ်တန်နှင့် ရော်ဖီကာ (၁၈) နှစ် (ဘ)ရော်ရှီး အမျိုးသမီး ၂ ဦး သာဦးကိုသာ တွေ့ရှိရကြောင်း၊ ဒဏ်ရာရသူ မတွေ့ရှိရကြောင်း တာဝန်ရှိသူမှ အတည်ပြုပြောကြားသည်။

နိရိဉ္စရာ

http://www.narinjara.com/burmese/

Read in : All Update Reader

သွေးလွန်တုပ်ကွေးကြောင့် ၇ လအတွင်း သေဆုံးသူ ၈၁ ဦးရှိ

ရန်ကုန်မြို့ ရပ်ကွက်တစ်ခုအတွင်း ခြင်အန္တရာယ်ကာကွယ်နိုင်ရန် ခြင်ဆေးလိုက်လံဖျန်းနေသည်ကို တွေ့ရစဉ်

Photo: Kyaw Zin Than/ RFA

၂၀၁၇ ဇန်န၀ါရီလ ၁ ရက်နေ့ကနေ ဇူလိုင်လ ၂၂ ရက်နေ့အထိ စာရင်းအရ တစ်နိုင်ငံလုံးမှာ သွေးလွန် တုပ်ကွေး ဖြစ်ပွားသူ ၁ သောင်း ၄ ထောင်ကျော်ရှိခဲ့ပြီး ၈၁ ဦး သေဆုံးခဲ့ပါတယ်။

သေဆုံးသူအများဆုံးက ဧရာဝတီတိုင်းဖြစ်ပြီး ရန်ကုန်က ဒုတိယနဲ့ ပဲခူးက တတိယအများဆုံးဖြစ်တယ်လို့ ကျန်းမာရေးနဲ့အားကစားဝန်ကြီးဌာန သွေးလွန်တုပ်ကွေး တိုက်ဖျက်ရေးဌာန စီမံချက်မန်နေဂျာ ဒေါက် တာဇော်လင်း က ပြောပါတယ်။

"မြန်မာတစ်နိုင်ငံလုံးပေါ့၊  ၁ ရက် ၁ လကနေ ၂၂ ရက် ၇လ အထိပေါ့၊ သွေးလွန်တုပ်ကွေးရော ဂါဖြစ်ပွားသူက ၁၄၉၁၉  ဦး၊ သေဆုံးသူကတော့ ၈၁ ဦးရှိပါတယ် ခင်ဗျ၊ ဧရာဝတီတိုင်းကတော့ ၂၂  ယောက်ရှိပါတယ်၊ ဒုတိယအများဆုံးကတော့ ရန်ကုန်တိုင်းဒေသကြီးပါ၊ တတိယကတော့  ပဲခူးတိုင်းဒေသကြီးပါ။"

ဒီနှစ်ဟာ ပြီးခဲ့တဲ့ ၂၀၁၆ ခုနှစ်ထက် ဖြစ်ပွားမှုနှုန်းများပေမယ့် ၂၀၁၅ ခုနှစ်လောက်တော့ မများသေးဘူးလို့ လည်း ဒေါက်တာဇော်လင်း က ပြောပါတယ်။

ရခိုင်ပြည်နယ်မှာဆိုရင် ခြင်ကနေတဆင့်ကူးစက်တဲ့ သွေးလွန်တုပ်ကွေးရောဂါဖြစ်ပွားနေသူ ၁၈၀၀ နီးပါးလောက်ရှိပြီး ဒီနေ့အထိ သေဆုံးသူ ၁၈ ဦးရှိနေပြီလို့ သိရပါတယ်။

လတ်တလော အခြေအနေအရ သွေးလွန်တုပ်ကွေးရောဂါဟာ မင်းပြား၊ စစ်တွေ၊ တောင်ကုတ်မြို့နယ်တွေမှာ အဖြစ်အများဆုံးဖြစ်တယ်လို့ ပြည်နယ်ကျန်းမာရေးဦးစီးဌာနက လက်ထောက်ညွှန်ကြားရေးမှူး ဒေါက်တာ စံကျော့ခိုင် က ပြောပါတယ်။

သေဆုံးသူတွေထဲမှာ အသက် ၅ နှစ်အောက် ကလေးငယ်တွေ အများဆုံးဖြစ်ပြီး အသက် ၄၀ ကျော်နဲ့ ၆၀ ကျော်အရွယ် လူကြီးနှစ်ဦး ပါဝင်တယ်လို့လည်း ဒေါက်တာစံကျော့ခိုင် ကပြောပါတယ်။

ရခိုင်ပြည်နယ်မှာ ပြီးခဲ့တဲ့ ၂၀၁၄ ခုနှစ်က သွေးလွန်တုပ်ကွေးရောဂါဖြစ်ပွားသူ ၁၅၀၀ ကျော်ရှိခဲ့ပြီး ဒီနှစ်မှာတော့ ပြည်နယ်အတွင်း ဖြစ်ပွားမှုနှုန်း ပိုမိုများပြားနေတာဖြစ်တယ်လို့ သိရပါတယ်။

ဒါ့အပြင် လတ်တလောမှာ ရာသီတုပ်ကွေးဖြစ်ပွားသူတွေ ပိုများလာပြီး ဒီနေ့ သြဂုတ်လ ၁ ရက်နေ့အထိ စာရင်းအရ ရာသီတုပ်ကွေးရောဂါပိုးတွေ့ရှိသူ ၁၄ ဦး အထိရှိလာတယ်လို့ ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင် က ပြောပါတယ်။

ဒါပေမဲ့ ဒီနေ့မှာ ထပ်မံသေဆုံးသူ မရှိသေးတဲ့အတွက် ရာသီတုပ်ကွေးကြောင့် သေဆုံးသူဟာ ၁၂ ဦး သာရှိနေဆဲ ဖြစ်ပါတယ်။

ပြီးခဲ့တဲ့ရက်ပိုင်းက ရန်ကုန်မြို့ မရမ်းကုန်းမြို့နယ်မှာ သေဆုံးခဲ့တဲ့ကြက်တွေမှာ ကြက်ငှက်တုပ်ကွေး H5N1 ဗိုင်းရပ်စ်ပိုး တွေ့ရှိခဲ့တယ်လို့လည်း ဒေါက်တာသန်းထွန်းအောင် က အတည်ပြုပြောပါတယ်။ လက်ရှိအချိန် အထိတော့ လူတွေမှာ ကြက်ငှက်တုပ်ကွေးရောဂါ ဖြစ်ပွားတာ မရှိသေးဘူးလို့ သိရပါတယ်။

RFA Burmerse

 http://www.rfa.org/burmese/

Read in : All Update Reader

အိမ်မွေးကြက်များ သေဆုံးမှုရှိနေကြောင်း ပို့စ်တင်သူ ကျောက်ဖြူတွင် ခေါ်ယူစစ်ဆေးခံရ

ဓာတ်ပုံ၊ ကျောက်ဖြူမြို့မှ ဥစားကြက်မွေးမြူရေးခြံတစ်ခြံ

ရခိုင်ပြည်နယ် ကျောက်ဖြူမြို့ ကြက်ခြံများတွင် ကြက်များအလိုလိုနေရင်း သေဆုံးနေပါသည်ဟု ပို့စ်တင်သူကို သက်ဆိုင်ရာမှ ခေါ်ယူစစ်ဆေးခဲ့သည်ဟု သတင်းရရှိသည်။

ထိုသို့ ခေါ်ယူစစ်ဆေးခြင်းမှာ အဆိုပါ ပို့စ်တင်သူ သတင်းကြောင့် ကြက်နှင့် ကြက်ဥများကို ကျောက်ဖြူတွင် ၀ယ်ယူစားသုံးမှု နည်းပါးသွားရာမှ မွေးမြူလုပ်ငန်းကို ထိခိုက်လာသဖြင့် ကြက်ခြံပိုင်ရှင် ၁၅ ဦးက မြို့နယ် အုပ်ချုပ်ရေးမှူးကို စာရေးတိုင်ကြား၍ ဖြစ်ကြောင်း သိရှိရသည်။

‘‘ကျောက်ဖြူမြို့၊ တောင်ရင်းကျေးရွာ လေယာဉ်ကွင်းအနီး၊ သပြာချိန်ထောင့်၌ အိမ်မွေးကြက်များ အလိုလိုနေရင်း သေဆုံးနေကြောင်းကြားသိရပါသည်’’ဟု သန်းလှိုင် Facebook အကောင့်တွင် ဇူလိုင်လ ၂၉ ရက်နေ့က ရေးသားခဲ့သည်။

ထိုသို့ ရေးသားခဲ့သဖြင့် H1N1သံသယဖြင့် ကျောက်ဖြူတွင် ကြက်နှင့်ကြက်ဥ ၀ယ်ယူစားသုံးသူ လေးပုံ သုံးပုံခန့်ကျဆင်းသွားကြောင်း မွေးမြူရေးလုပ်ငန်းရှင်များမှပြောသည်။

သန်းလှိုင်(Facebook )အကောင့်မှ ရေးသားပြီးနောက်ပိုင်းတွင် စားသုံးသူများ စိုးရိမ်စိတ် ဖြစ်ပေါ်နေပြီး မစားဝံ့ဘဲဖြစ်နေသောကြောင့် ကျောက်ဖြူမြို့၊ တောင်ရင်းကျေးရွာတွင်နေထိုင်သူ အကောင့်ပိုင်ရှင် သန်းလှိုင်အား အရေးယူပေးရန် ကြက်မွေးမြူရေး လုပ်ငန်းရှင်(၁၅) ဦး လက်မှတ်ရေး ထိုးကာ မြို့နယ်အုပ်ချုပ်ရေးမှူး ဦးရွှေလှအောင်ထံသို့ ဇူလိုင်လ(၃၀)ရက်နေ့က စာဖြင့် တိုင်ကြားခဲ့သည်။

အဆိုပါတိုင်ကြားစာနှင့်ပတ်သက်ပြီး သတင်းခိုင်မာမှုမရှိဘဲ ကျောက်ဖြူမြို့နယ် စားသုံးသူ လူထုအား လက်ရှိအနေအထားအရ စိတ်တုန်လှုပ်မှုဖြစ်ပေါ်ပြီး ကြက်မွေးမြူရေး လုပ်ငန်းများအား အထူးနစ်နာစေကြောင်း ကြက်ဥ၊ ကြက်သား စားသုံးသူများအနေဖြင့် စိုးရိမ်စိတ်ဖြစ်ပေါ်ပြီး မစားဝံ့ဘဲဖြစ်ပေါ်နေပါသဖြင့် (Facebook )အကောင့်ပိုင်ရှင်အား အရေးယူပေးပါရန် မြို့နယ် အုပ်ချုပ်ရေးမှူးမှ မွေးမြူရေးနှင့်ကုသရေးဦးစီးဌာနသို့ ဇူလိုင်(၃၀)ရက်နေ့က ညွန်ကြားခဲ့သည်။

‘‘facebook အကောင့်ပိုင်ရှင် သန်းလှိုင်ကို ရုံးကိုခေါ်ပြီးတော့ ကျနော်တို့ စစ်ဆေးခဲ့တယ်။ သူ့အကောင့်နေ မည့်သည့်ရည်ရွယ်ချက်နဲ့မှရေးတာမဟုတ် မွေးမြူရေးကြက်ခြံ ပိုင်ရှင်များ ထိခိုက်နစ်နာမှုကို တောင်းပန်ကြောင်း ရေးပေးဖို့ ကတိပြုသွားတယ်။ တစ်ခြားအိမ်မှာ အိမ်မွေးကြက် တစ်ကောင်စီသေတာ သုံးအိမ်ရှိတယ်လို့ နောက်တစ်ယောက်ပြောတာကို သူက ပြန်ရေးတာလို့ပြောတယ်’’ဟု ကျောက်ဖြူမြို့နယ် မွေးမြူရေးနှင့်ကုသရေးဦးစီးဌာနမှ ဒေါက်တာကျော်နိုင်ဦး ကပြောသည်။

၎င်း (Facebook)တွင် ရေးသားခဲ့ပြီးနောက် ကြက်နှင့်ကြက်ဥ ၀ယ်ယူစားသုံးသူ ကျဆင်းသွားကြောင်း ကျောက်ဖြူ ကြက်မွေးမြူရေးခြံပိုင်ရှင်တစ်ဦးဖြစ်သူ အရာရှိရပ်ကွက်မှ ကိုခင်မောင်ညွန့်ကပြောသည်။

‘‘အရင်တုန်းကဆိုရင် တစ်နေ့ကို ကြက်ဥတစ်ဥကို ၁၁၀၊ ၁၂၀ ကျပ်နုန်းလောက်နဲ့ ကြက်ဥ(၂၀၀)လောက်ရောင်းရတယ်။ ဥဆုံးတဲ့ ကြက်တွေကိုလည်း အသားစားအဖြစ် ကြက်ဥနဲ့တွဲပြီး ထုတ်ရောင်းရတယ်။ အခုတော့ ကြက်ဥ(၅၀)လောက်ပဲ ရောင်းရတော့တယ်။ ဥဆုံးတဲ့ ကြက်တွေကိုလည်း ၀ယ်မယ့်သူမရှိတော့ဘူး’’ဟုသူကပြောသည်။

ကျောက်ဖြူမြို့နယ်၊ တောင်ရင်းကျေးရွာတွင် ကြက်(၁)ကောင်စီ သေဆုံးတာ (၃)ကောင်နဲ့ ဘဲ(၁)ကောင်သေတယ်လို့သိရပြီး မွေးမြူရေးနှင့်ကုသရေးဦးစီးဌာနက သွားရောက်စစ်ဆေးတဲ့အခါ ကြက်မရှိတော့သည့်အတွက် ဘယ်ရောဂါနဲ့သေတယ်ဆိုတာကို မသိလိုက်ရကြောင်း တစ်ခြားကြက်ခြံတွေတော့ ယခုအချိန်ထိ ဘာရောဂါမှ မဖြစ်သေးကြောင်း ဒေါက်တာကျော်နိုင်ဦးကပြောသည်။

H1N1 ရောဂါသတင်းပျံ့နှံကာလဖြစ်တဲ့အတွက် လူတွေစိုးရိမ်နေကြတာဖြစ်သော်လည်း H1N1 ရောဂါမှာ ၀က်နှင့်သာသက်ဆိုင်မှုရှိပြီး ကြက်နှင့်သက်ဆိုင်မှုမရှိကြောင်း H5 N1 ရောဂါသာ ကြက်နှင့်သက်ဆိုင်မှုရှိကြောင်း ဒေါက်တာကျော်နိုင်ဦး ကဆက်လက်ပြောကြားခဲ့သည်။

တိရစ္ဆာန်များတွင် ကူးစက်ရောဂါလက္ခဏာတွေ့ရှိပါက စုံစမ်းစစ်ဆေးရန်အတွက် မွေးမြူရေးနှင့်ကုသရေးဦးစီးဌာနကို သတင်းပေးတိုင်ကြားလိုကြောင်းပြောဆိုခဲ့သည်။

၁၉၉၃ ခုနှစ်၊ တိရစ္ဆာန်ကျန်းမာရေးနှင့် ဖွံ့ဖြိုးရေးဥပဒေ ပုဒ်မ(၂၄) အပိုဒ်(ဂ)တွင် သေဆုံးသော တိရစ္ဆာန်တွင် ကူးစက်ရောဂါလက္ခဏာတွေ့ရှိလျက်နှင့် သက်ဆိုင်ရာသို့ သတင်းပေး တိုင်ကြားရန် ပျက်ကွက်ခြင်း ပြစ်မှုထင်ရှားစီရင်ခြင်းခံရလျှင် ငွေဒဏ်(၅၀၀၀)ကျပ်ဖြစ်စေ၊ ထောင်ဒဏ် (၆)လဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟုဖော်ပြထားသည်။

ကြက်သေဆုံးမှုနှင့်ပတ်သက်ပြီး Facebook တွင်တင်ခဲ့သူ ကိုသန်းလှိုင်က‘‘ ကြက်သေတာက အမှန်တကယ်သေတာပါ။ သက်သေတွေလည်းရှိပါတယ်။ မွေးမြူရေးလုပ်ငန်းရှင်တွေ post ကြောင့် လုပ်ငန်းထိခိုက်တယ်ဆိုပြီး သူတို့ကဖြေရှင်းပေးဖို့တောင်းဆိုပါတယ်။ ဖြေရှင်းပေးရင်တော့ ပြေလည်သွားမယ်လို့ပြောပါတယ်။ ကျနော်ကလည်း မည်သည့်ရည်ရွယ်ချက်နဲ့မှ တင်တာမဟုတ် မွေးမြူရေးသမားတွေကို ထိခိုက်ရင် တောင်းပန်ကြောင်း ပြန်တင်ပေးလိုက်ပါတယ်။ ကျနော်တင်လို့ စီပွားရေးထိခိုက်တယ်ဆိုရင် တောင်းပန်လို့ စားသုံးသူတွေ ပြန်လည်ယုံကြည်လာကြမှာလား။ H1N1 မဟုတ်လို့ ထုတ်ပြန်ပေးမှသာ ယုံကြည်နိုင်မယ်ထင်ပါတယ်’’ဟုပြောသည်။

ကျောက်ဖြူမြို့တွင် ဥစားကြက်မွေးရေးခြံ (၉၀)ခန့်ရှိပြီး H1N1 သံသယဖြင့် အများစုမှာ ရောင်းဝယ်ရေး လေးပုံသုံးပုံခန့် ကျဆင်းသွားကြောင်းသိရသည်။

‘‘ ကြက်ဥ အရောင်းအ၀ယ်ကျလာတာ လေးငါးရက်ရှိပြီ။ ကြက်အကောင်(၈၀၀)ရှိပါတယ်။ အရင်ကဆိုရင် တစ်နေ့ကို ကြက်ဥ(၄၀၀)လောက်ရောင်းရတယ်။ အခုတော့ လေးပုံသုံးပုံကျဆင်းသွားပါတယ်။ ကြက်စာစရိတ်က တစ်နေ့ကို ကျပ်သုံးသောင်းဖိုးလောက် ပုံမှန်ကုန်ကျပါတယ်။ ကြက်ဥမရောင်းရဘဲ ကြက်စာအတွက် ပုံမှန်သုံးသောင်းဖိုးလောက် နေ့တိုင်းကျွေးနေရတော့ အခက်အခဲဖြစ်လာတယ်’’ဟု တောင်ရင်းကျေးရွာမှ ကြက်မွေးမြူရေးခြံပိုင်ရှင် ဦးတင်အောင်စိုးကပြောသည်။

ကြက်ကောင်ရေ အနည်းငယ်မွေးမြူသောခြံပိုင်ရှင်များထက် ကြက်ကောင်ရေ ထောင်ချီမွေးမြူထားသော ခြံပိုင်ရှင်များတွင် ပိုမိုထိခိုက်ကြောင်းသိရသည်။

ကျောက်ဖြူမြို့နယ်တွင် CP ကုမ္ပဏီမှ ကြက်ခြံ(၁၅)ခြံရှိပြီး CP ကြက်ခြံတစ်ခြံလျှင် အကောင်(၂၀၀၀)ခန့်ရှိကြောင်း ၀ယ်ယူစားသုံးသူကျဆင်းသွား၍ ကြက်အကောင်(၆၀၀)ကို အမ်းမြို့နယ်သို့တင်ပို့ရောင်းချရန် ရောဂါကင်းရှင်းကြောင်း ထောက်ခံစာလာယူခဲ့ကြောင်း ကျောက်ဖြူမြို့နယ် မွေးမြူရေးနှင့်ကုသရေးဦးစီးဌာနမှ သိရသည်။

ကျော်ဝင်း(ကျောက်ဖြူ)
Narinjara

https://www.facebook.com/Narinjara


Read in : All Update Reader

ပါကစ္စတန်ဝန်ကြီးချုပ်သစ် ခန့်အပ်

Add caption

ပါကစ္စတန်နိုင်ငံမှာ ဝန်ကြီးချုပ်သစ် အဖြစ် Shahid Khaqan Abbasi (ရှာဟိဒ် ဟာခန်း အဘာစီ) အင်္ဂါနေ့က ကျမ်းသစ္စာ ကျိန်ဆိုခဲ့ပါတယ်။ အဂတိလိုက်စားမှု စွဲချက်တွေကြောင့် Nawaz Sharif ဝန်ကြီးချုပ် တာဝန် ဆက်မယူသင့်ဘူးလို့ တရားလွှတ်တော်ချုပ်က ပြီးခဲ့တဲ့ သီတင်းပတ်မှာ ဆုံးဖြတ်ခဲ့ပြီးနောက် Mr. Sharif ရာထူးကနေ နုတ်ထွက်ခဲ့တာ ဖြစ်ပါတယ်။

ဝန်ကြီးချုပ်သစ် Abbasi ဟာ ဝန်ကြီးချုပ်ဟောင်း Sharif ကို အမာခံ ထောက်ခံသူ ဖြစ်သလို လက်ရှိအာဏာရ Pakistan Muslim League-Nawaz ပါတီရဲ့ အကြီးတန်း အဖွဲ့ဝင်ဖြစ်ပါတယ်။ နိုင်ငံရဲ့ ရေရှည် ဝန်ကြီးချုပ်အဖြစ် ဝန်ကြီးချုပ်ဟောင်း Nawaz Sharif ရဲ့ညီ Shahbaz Sharif ကို တာဝန်ပေးဖို့ အာဏာရပါတီက လိုလားတာပါ။

ဒါပေမဲ့ လွှတ်တော်မှာ လစ်လပ်သွားတဲ့ Nawaz Sharif ရဲ့ နေရာမှာ အစားထိုးမယ့်သူ ရွေးချယ်မှုတွေ စတင်ဖို့ ၄၅ ရက်လောက် စောင့်ရမှာ ဖြစ်ပါတယ်။ အသက် ၆၅ နှစ်ရွယ် Shahbaz Sharif ဟာ Pakistan မှာ လူဦးရေ အထူထပ်ဆုံး Punjab ပြည်နယ်ရဲ့ ၀န်ကြီးချုပ်ဖြစ်ပြီးနောက်လကျင်းပမဲ့ လွှတ်တော်ကြားဖြတ် ရွေးကောက်ပွဲမှာ ၀င်ရောက်ယှဉ်ပြိုင်ဖို့ ရှိပါတယ်။

Shahbaz Sharif လွှတ်တော်အမတ် ဖြစ်လာပြီမှ လက်ရှိဝန်ကြီးချုပ် Abbasi ထံက ရာထူးလွှဲပြောင်းယူဖို့ မျှော်လင့်ထားတာ ဖြစ်ပါတယ်။

ဝန်ကြီးချုပ်သစ် Mr. Abbasi က သူ့အနေနဲ့ ၄၅ ရက်ပဲဖြစ်ဖြစ် ၄၅ နာရီပဲ ဖြစ်ဖြစ် ဝန်ကြီးချုပ်တာဝန် ယူရတဲ့ ကာလအတွင်း နိုင်ငံအတွက် အရေးကြီးတဲ့ ကိစ္စတွေကို ဆောင်ရွက်သွားမယ်လို့ ကျမ်းကျိန်ပွဲမှာ ပြောကြားသွားပါတယ်။ အမတ် ၃၄၂ ယောက်ရှိတဲ့ အောက်လွှတ်တော်မှာ PML-N ပါတီရဲ့ အမတ်တွေက အများစု လွှမ်းမိုးထားပြီး အင်္ဂါနေ့ အစောပိုင်းက မဲခွဲခဲ့တာမှာ Mr. Abbasi ကိုထောက်ခံမဲ ၂၂၁ မဲရရှိခဲ့ပါတယ်။ အတိုက်အခံPakistan People’s Party က ပြိုင်ဘက် Syed Naveed Qamar ကတော့ ထောက်ခံမဲ ၄၇ မဲသာရရှိခဲ့ပါတယ်။

ဘီအိုအေ(မြန်မာပိုင်း)

https://burmese.voanews.com/


Read in : All Update Reader

အမေရိကန်ဘဏ်တွေ မြန်မာနိုင်ငံမှာ ဝင်ရောက်လုပ်ကိုင်လို

အမေရိကန်ပြည်ထောင်စု အိမ်ဖြူတော် - Jetty Image

အမေရိကန်ဘဏ်တွေ မြန်မာနိုင်ငံမှာ ဝင်ရောက်ရင်းနှီးမြုပ်နှံခွင့်ရရေး ဘဏ္ဍာရေးဆိုင်ရာ ကန့်သတ်မှုတွေကို ရုတ်သိမ်းပေးဖို့ အမေရိကန် ကုန်သည်ကြီးများအသင်း AMCHAM က ကြေညာချက်ထုတ်ပြီး အမေရိကန်အစိုးရကို တိုက်တွန်းလိုက်ပါတယ်။

AMCHAM ဟာ မြန်မာ အစိုးရတာဝန်ရှိသူတွေ၊ ပြည်တွင်းဘဏ်တွေက ကိုယ်စားလှယ်တွေ နဲ့ ရန်ကုန်နဲ့ နေပြည်တော်မှာ ဇူလိုင်လ (၂၄)ရက်နေ့က စလို့ (၂)ရက်ကြာတွေ့ဆုံဆွေးနွေးခဲ့ပြီးတဲ့နောက် အခုလိုကြေညာချက် ထုတ်ပြန်တာ ဖြစ်ပါတယ်။


အမေရိကန်အစိုးရရဲ့ မြန်မာနိုင်ငံအပေါ် စစ်အစိုးရလက်ထက် ပိတ်ဆို့အရေးယူမှုတွေအနက် တခုအဖြစ် အမေရိကန်အစိုးရက သတ်မှတ် ပြဋ္ဌာန်းထားတဲ့ American Patriotic Act ဥပဒေ ပုဒ်မ ၃၁၁ နဲ့ ၃၁၂ အရ အမေရိကန်ဘဏ်တွေကို မြန်မာနိုင်ငံမှာ ရင်းနှီးမြှပ် စီးပွားရေးမလုပ်ဖို့ ကန့်သတ်ထားခဲ့တာ ဖြစ်ပါတယ်။

ဒါကြောင့် အခုအခါ အမေရိကန်ကုန်သည်ကြီးများအသင်းက ဘဏ္ဍာရေးဝန်ဆောင်မှု လုပ်ငန်းတွေ ပါတဲ့ ကုမ္ပဏီ ၁၃ ခု ဟာ ပြည်တွင်း ဈေးကွက်အခွင့်အလမ်းတွေ ကို လေ့လာမှုတွေ လုပ်ခဲ့ပြီးနောက် နိုင်ငံတွင်း အမေရိကန်ဘဏ်တွေ ဝင်ရောက် ရင်းနှီးမြှပ်နှံခွင့် ရဖို့အတွက် အဲဒီပုဒ်မတွေ ပယ်ဖျက်ပေးရေး သူတို့အစိုးရကို တိုက်တွန်းတောင်းဆိုနေကြတာ ဖြစ်ပါတယ်။

အမေရိကန် ကုန်သည်ကြီးများအသင်းရဲ့ ထုတ်ပြန်ချက်မှာတော့ အမေရိကန်အစိုးရရဲ့ တင်းကျပ်တဲ့ ဘဏ္ဍာရေးစည်းမျဉ်းစည်းကမ်းတွေက အမေရိကန်ကုမ္ပဏီတွေအတွက် နိုင်ငံခြားကုမ္ပဏီတွေနဲ့ ယှဉ်ပြီး စီးပွားရေး တန်းတူလုပ်ကိုင်နိုင်ခွင့်ကို ထိခိုက်စေတယ်လို့ ဖော်ပြပါတယ်။

မြန်မာနိုင်ငံမှာ အစိုးရကနေ နိုင်ငံခြားဘဏ်တွေ ရင်းနှီးမြုပ်နှံခွင့်ကို ပြီးခဲ့တဲ့နှစ်အစောပိုင်းတုန်း ချပေးခဲ့ပြီး လောလောဆယ်မှာ နိုင်ငံခြားဘဏ် (၉)ခုကို လုပ်ငန်းလိုင်စင် လုပ်ကိုင်ခွင့်ပေးထားပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader

မကွေးဝန်ကြီးချုပ်ဟောင်း ကျန်ငွေအားလုံး ပေးသွင်းပြီးဖြစ်

ပျောက်ဆုံးနေတဲ့ ရန်ပုံငွေတွေနဲ့ ပတ်သက်ပြီး ဧပြီလ ၂၅ ရက်နေ့က မကွေးတိုင်းအစိုးရအဖွဲ့က သတင်းမီဒီယာတွေကို ရှင်းလင်းစဉ်
ဓါတ်ပုံ - ဇော်တူး/RFA

ပြီးခဲ့တဲ့အစိုးရလက်ထက်က မကွေးတိုင်းဒေသကြီးအတွင်းမှာရှိတဲ့ ရေနံလက်ယက်တွင်းတွေကနေ ကြံ့ခိုင်ဖွံ့ဖြိုးရေးပါတီနဲ့ ရွှေသုခအသေးစားငွေချေးလုပ်ငန်းက ရယူထားခဲ့တဲ့ ငွေကျပ်သန်း ၃၀၀၀ ကျော်ကို ဝန်ကြီးချုပ်ဟောင်း ဦးဘုန်းမော်ရွှေက တိုင်းဒေသကြီးအစိုးရထံ မနေ့က အပြီးသတ်လွှဲပြောင်းပေးလိုက်ပါတယ်။

ဇူလိုင်လနောက်ဆုံးပတ်မှာ အပြီးပြန်ပေးဖို့ ကတိပေးထားတဲ့အတိုင်း အရစ်ကျပေးခဲ့တာ ဖြစ်တယ်လို့ မကွေးတိုင်းဒေသကြီးအစိုးရအဖွဲ့ဝင် အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီး ဦးနေမျိုးကျော် ကပြောပါတယ်။

"ပြည်ထောင်စုက ကျနော်တို့ကို ညွှန်ကြားတာက ဒီကြံခိုင်ရေးပါတီကို ပေးတဲ့ငွေပမာဏ၊ ရွှေသုခ အသေးစား ငွေချေးရေးအသင်းကို လွှဲပြောင်းပေးတယ်လို့ပေါ်တဲ့ ငွေပမာဏ အဲဒီစုစုပေါင်း ၃.၂၇၅ ဘီလီယံကို ပြီးခဲ့တဲ့ အစိုးရဟောင်း ဝန်ကြီးချုပ်ဖြစ်တဲ့ ပြန်တောင်းရမယ်၊ ပြန်မပေးဘူးဆိုရင် ဥပဒေအရ အရေးယူရမယ်လို့ ပြည်ထောင်စုက ညွှန်ကြားတဲ့အတွက် ကာယကံရှင် ဦးဘုန်းမော်ရွှေထံကို စာနဲ့ပေးပို့ပြီးတော့မှ ပြန်တောင်းတဲ့အခါမှာ သူတို့ ပြန်စာမှာဖော်ပြတဲ့အတိုင်းပဲ ဇူလိုင်လနောက် ဆုံးအပတ်မှာ ယာဉ်ယန္တားတွေကော ပြန်ပေးရန်ရှိတဲ့ ငွေတွေရော အပြီးပေးမယ်လို့ ပြောတိုင်းအတိုင်း အခု အရစ်ကျပေးခဲ့တာ မနေ့က အားလုံးပြန်ပေးပြီး ဖြစ်ပါတယ်"

ပွင့်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးထွန်းထွန်းက ပြီးခဲ့တဲ့အစိုးရလက်ထက်က မကွေးတိုင်းအတွင်း မှာရှိတဲ့ ရေနံလက်ယက်တွင်းတွေကနေရရှိတဲ့ ငွေကျပ် ၂.၈ ဘီလီယံပျောက်ဆုံးနေတယ်လို့ ပြည်ထောင်စု လွှတ်တော်မှာ တင်ပြခဲ့တာကို ပြည်ထောင်စုအစိုးရအဖွဲ့က စိစစ်ခဲ့ရာမှာ ၇.၄၅၉ ဘီလီယံ ပေးသွင်းဖို့ ကျန်နေတယ်လို့ တွေ့ရှိခဲ့တာ ဖြစ်ပါတယ်။

ပြီးခဲ့တဲ့အစိုးရက ပေးသွင်းဖို့ ကျန်နေတဲ့ ၇ ဘီလီယံကျော်မှာ ၃ ဘီလီယံကျော်က ကြံ့ခိုင်ဖွံ့ဖြိုးရေးပါတီနဲ့ ရွှေသုခ အသေးစားငွေချေးလုပ်ငန်းက ရယူခဲ့တာဖြစ်တာကြောင့် တာဝန်ရှိတဲ့ ဝန်ကြီးချုပ်ဟောင်း ဦးဘုန်းမော်ရွှေက အဲဒီငွေကို ၁၁ ကြိမ်ခွဲပြီး အရစ်ကျ ပြန်လည်ပေးသွင်းခဲ့တာ ဖြစ်ပါတယ်။

ကျန်တဲ့ ၄ ဘီလီယံကျော်ကို ဒေသဖွံ့ဖြိုးရေးအတွက် အသုံးပြုခဲ့တယ်လို့ စိစစ်တွေ့ရှိထားတာကြောင့် ဘယ်လို လုပ်ငန်းတွေမှာ သုံးစွဲခဲ့တယ်ဆိုတာကို ပြည်ထောင်စုစာရင်းစစ်ချုပ်ရုံးနဲ့ မကွေးတိုင်းစာရင်းစစ်ချုပ်ရုံးတွေက ဆက်လက်စစ်ဆေးနေတယ်လို့လည်း ပြောပါတယ်။

RFA Burmase

http://www.rfa.org/burmese/

Read in : All Update Reader

ဆေးနဲ့ ဓါတုသိပ္ပံထူးချွန်ဆုရ မြန်မာအမျိုးသမီး Dr. ရည်မွန်အေး

ကင်ဆာဇီဝဗေဒပညာရှင် ဒေါက်တာရည်မွန်အေး

ကင်ဆာရောဂါနဲ့ ပတ်သက်ပြီးအရင်လို ဓါတ်ကင်စရာမလိုပဲ အခြားနည်းလမ်းနဲ့ ပျောက်ကင်း သက်သာစေနိုင်မယ့် ဖြစ်နိုင်ချေနည်းလမ်းတွေကို သူ့ရဲ့ သုတေသနပြုချက်ကနေ ရှာဖွေတွေ့ရှိထားကြောင်း အမေရိကန်သိပ္ပံဘာသာရပ်မှာ ထိပ်တန်းပညာရှင်တဦးဖြစ်တဲ့ မြန်မာအမျိုးသမီး ကင်ဆာဇီဝဗေဒပညာရှင် ဒေါက်တာရည်မွန်အေးက ဗွီအိုအေကို ပြောပါတယ်။

အခုလို ကင်ဆာရောဂါနဲ့ ပတ်သက်ပြီး ပျောက်ကင်းနိုင်မယ့် နည်းလမ်းတွေကို ရှာဖွေဖေါ်ထုတ် သုတေသနပြုနေတဲ့အတွက် ၂၀၁၇ ခုနှစ် Pershing Square Shon ဆုရှင် ၆ ဦးထဲမှာ တဦးအဖြစ် ချီးမြှင့်ခံခဲ့ရပါတယ်။ ကင်ဆာ သုတေသန နဲ့ ပတ်သင်ရင် ထူးထူးချွန်ချွန်လုပ်ဆောင်နေတဲ့ အမေရိကန် လူငယ် သိပ္ပံပညာရှင်တွေကို Pershing Square Shon ကင်ဆာ သုတသနအဖွဲ့က ရွေးချယ်ပြီး ချီးမြှင်တဲ့ ဆုမှာ ဆုကြေးငွေအဖြစ် ကင်ဆာ သုတေသနလုပ်ငန်းအတွက် တနှစ်ကို အမေရိကန် ဒေါ်လာ ၂ သိန်းနဲ့ ၃ နှစ် ဆက်တိုက်ချီးမြှင့်တာဖြစ်ပါတယ်။ ဒေါက်တာ ရည်မွန်အေးဟာ နာမည်ကျော် Cornell တက္ကသိုလ်ရဲ့ ဓာတုဗေဒနှဲ့ဇီဝဓာတုဗေဒ ဌာနမှာ တွဲဖက်ပါမောက္ခအဖြစ်နဲ့လည်း တာဝန်ထမ်းဆောင်နေပါတယ်။

မအင်ကြင်းနိုင်က ဆက်သွယ်မေးမြန်းရာမှာ လက်ရှိ ကင်ဆာသုတေသနပြုလုပ်ချက်ကနေ ဘာတွေအထောက်အကူပြုနိုင်သလဲဆိုတာကို ဒေါက်တာရည်မွန်အေးက အခုလို စပြောပါတယ်။

“ကျူမာအကြိတ်ကို ပျောက်ကင်းစေနိုင်မယ့် ဖြစ်နိုင်စရာ လမ်းကြောင်းကို ကျမတို့တွေ့ထားပါတယ်။ ဒါကြောင့် ကင်ဆာနဲ့ သက်ဆိုင်တာပဲဖြစ်ဖြစ်၊ ကျူမာနဲ့ သက်ဆိုင်တာပဲဖြစ်ဖြစ် ပျောက်ကင်းသက်သာစေနိုင်တဲ့ လမ်းကြောင်းဖြစ်လာမှာပါ။

ကင်ဆာရောဂါပျောက်ကင်းနိုင်မယ့် ဆေးဝါးဖေါ်ထုတ်နိုင်ဖို့ ကျမတို့ သုတေသနပြုချက်ကရလာမယ့် နည်းလမ်းတွေကအထောက်အကူပေးမှာဖြစ်တာကြောင့် Sohn ဆုက ကျမတို့ သုတေသနဓါတ်ခွဲခန်းအတွက် ထောက်ပံ့တာဖြစ်ပါတယ်။

မအင်ကြင်းနိုင်။ ။ အဲဒီဆုမှာ တနှစ်ကို အမေရိကန်ဒေါ်လာ ၂ သိန်း ထောက်ပံ့မှာဆိုတော့ သုတေသနလုပ်ငန်းအတွက် အမေရိကန်မှာ ဘာလို့ အဲဒီလောက်တောင် အကုန်အကျခံတာလဲရှင့်။

ဒေါက်တာရည်မွန်အေး။ ။ သုတေသနလုပ်ငန်းတွေက လူ့အသိုင်းအ၀ိုင်း တိုးတက်ဖို့အတွက်အရေးကြီးတယ်။ ဖွံဖြိုးတဲ့ နိုင်ငံတွေမှာဆို သုတေသနလုပ်ငန်းတွေရဲ့ အရေးကြီးမှုကို အထူး အသိအမှတ်ပြုတယ်။ မြန်မာနိုင်ငံမှာ ဖွံဖြိုးဆဲနိုင်ငံမှာတော့ သုတေသနလုပ်ငန်းကို အသိအမှတ်ပြုဖို့က အခက်အခဲအများကြီးရှိနေတယ်။ ဒါပေမယ့် သုတေသနလုပ်ငန်းကြောင့် အကျိူးကျေးဇူးတွေကတော့ တကမ္ဘာလုံးကို ထိရောက်မှာပဲဖြစ်ပါတယ်။

မအင်ကြင်းနိုင်။။ ဆုရရှိခဲ့ပုံကို ပြောပြပါလားရှင့်။

ဒေါက်တာရည်မွန်အေး။။ ဒီဆုရတာကတော့ အရမ်းကိုထူးခြားပါတယ်။ ဒီဆုကိုပေးဖို့ အင်တာဗျူးမယ့် သူတွေဟာ တကယ့်ကို ထိပ်တန်း နိုဘယ်လ်ဆုရ သိပံ္ပပညာရှင်တွေဖြစ်ပြီးတော့ စကားလက်ဆုံပြောဖို့မပြောနဲ့ တွေ့ဖို့အခွင့်အရေးရဖို့တောင် တကယ်မလွယ်တဲ့ သူတွေပါ။ ဒီတော့ ကျမကို အင်တာဗျူးခေါ်တော့ သူတို့နဲ့ တွေ့ရဖို့ အရမ်းကို စိတ်လှုပ်ရှားခဲ့ရပါတယ်။ နောက်ပြီး ကျမတတ်ထားတဲ့ ဓါတုဗေဒပညာရပ်ကို ဆေးပညာလောကအတွက် အသုံးချဖို့ စိတ်ဝင်စားခဲ့တာပါ။

အင်ကြင်းနိုင်။ ။ ဒေါက်တာရည်မွန်အေးအနေနဲ့ အခုလို အမေရိကန်နိုင်ငံမှာ ထိပ်တန်းသိပ္ပံပညာရှင်တဦးဖြစ်လာဖို့ ဘယ်လိုကြိုးစားခဲ့လဲရှင့်။

ဒေါက်တာရည်မွန်အေး။။ ကျမ ဆယ်တန်း ကို မြန်မာတစ်နိုင်ငံလုံး တတိယ ရရှိခဲ့သူဖြစ်ပြီး ၁၉၉၈ မှ ၂၀၀၀ ခုနှစ်အထိ အင်္ဂလန်နိုင်ငံ ရဲ့ Cambridge Tutors College (CTC) မှာ တက်ရောက်ဖို့ ပညာ သင်ဆုရရှိခဲ့သူလဲဖြစ်ပါတယ်။ ၂၀၀၀ ခုနှစ် ဇွန်လမှာဖြေဆိုခဲ့တဲ့ A-level စာမေးပွဲမှာ ဓာတုဗေဒပညာရပ်နဲ့အင်္ဂလန် တနိုင်ငံလုံးမှာ အမှတ်အများဆုံး ရရှိခဲ့ပြီး Royal Society of Chemistry’s National ဆုကို ရရှိခဲ့ပါတယ်။ အဲဒီနောက်မှာတော့ Oxford တက္ကသိုလ်မှာ ဓာတုဗေဒနဲ့ ဘွဲ့ယူခဲ့ပါတယ်။ Oxford တက္ကသိုလ်ကို အဓိက တက်ခဲ့ရတဲ့အကြောင်းအရင်းကလည်း ကျမတို့ နိုင်ငံရဲ့ခေါင်းဆောင် ဒေါ်အောင်ဆန်းစုကြည် ကို အားကျခဲ့လို့ပါ။

အဲဒီနောက် အမေရိကန်ပြည်ထောင်စု Harvard တက္ကသိုလ်မှာ ဘွဲ့လွန်ဆက်တက်ပြီး PhD ဘွဲ့ကို ၂၀၀၉ ခုနှစ်မှာ ရရှိခဲ့ပါတယ်။ Harvard ကနေ ကျောင်းပြီးတဲ့အခါ Massachusetts Institute of Technology (MIT) ကျောင်းမှာ Damon Runyun Cancer Research Postdoctoral Fellow တစ်ဦးအဖြစ်နေခဲ့ပြီး Cellular and Biochemical regulatory mechanisms of the enzyme ribonucleotide reductase (RNR) သုတေသနတွေ လုပ်ဆောင်ခဲ့ပါတယ်။ ၂၀၁၂ ခုနှစ် ဇူလိုင်လက စပြီး Cornell တက္ကသိုလ်ရဲ့ ဓာတုဗေဒနှဲ့ဇီဝဓာတုဗေဒ ဌာနမှာ တွဲဖက်ပါမောက္ခအဖြစ် တာဝန်ထမ်းဆောင်ခဲ့ပြီး ၂၀၁၄ ခုနှစ်မှာ အမေရိကန်အမျိုးသားကျန်းမာရေး တက္ကသိုလ်က ချီးမြှင့်တဲ့ New Innovator Award ဆုကို သူ့ရဲ့ Deconvoluting redox biology with targeted chemistry project နဲ့ ရရှိခဲ့ပါတယ်။

မြန်မာနိုင်ငံအတွက်လည်း ပြန်ပြီးအကျိုးပြုနိုင်အောင် ကြိုးပမ်းနေကြောင်း ဒေါက်တာရည်မွန်အေးက ပြောသွားပါတယ်ရှင်။

အင်ကြင်းနိုင်  / ဗွီအိုအေ (မြန်မာပိုင်း)

https://burmese.voanews.com/

Read in : All Update Reader

မြန်မာနဲ့နယ်စပ် တရုတ် ပိုင်နက်ဖက်မှာ တပ်တွေတိုးချ

တရုတ် မြန်မာ နယ်စပ် အနေအထားပြ မြေပုံ

တရုတ်မြန်မာနယ်စပ် တလျောက် တရုတ်ပိုင်နက်အတွင်းမှာ တရုတ်တပ်တွေအပါဝင် လုံခြုံရေး တပ်ဖွဲ့ဝင် တိုးချဲ့ချထားမှုတွေ ဒီရက်ပိုင်းအတွင်း ပြုလုပ်လာပါတယ်။

ဒါဟာ ပြီးခဲ့တဲ့ နိုဝင်ဘာလ ၂၀ ရက်နေ့က မူဆယ် ဒေသတိုက်ပွဲတွေ အပြီး တရုတ် မြန်မာ နယ်စပ် ရှမ်းပြည်နယ် မြောက်ပိုင်းဒေသ အနီးမှာ တရုတ်ဘက်က လုံခြုံရေး တိုးမြှင့် တပ်လှန့်မှုတွေ ပြုလုပ်လာတာ ဖြစ်ပါတယ်။

ဇူလိုင်လ ၂၈ ရက်နေ့ ညက စလို့ နမ့်ခမ်းကနေ ကိုးကန့်နယ်စပ်အထိ ရှမ်းပြည်နယ်မြောက်ပိုင်းနဲ့ ထိစပ်နေတဲ့ တရုတ်ဘက်ခြမ်းမှာ တရုတ်စစ်တပ်အပါဝင် ရဲတပ်ဖွဲ့ဝင်တွေကိုလည်း တပ်လှန့်တာ နေရာယူထားတာတွေ လုပ်လာတယ်လို့ သတင်းရရှိပါတယ်။

တရုတ်နယ်မြေအတွင်း တယ်ဟုန်ပြည်နယ်အတွင်း တပ်မဟာ ၄ ခုလောက်က နေရာယူနေပြီး ပြီးခဲ့တဲ့ နှစ်ကတည်းက တရုတ်မြန်မာ နယ်စပ် တယ်ဟုန်ပြည်နယ်ခွဲအတွင်းမှာ ရှိနေတဲ့ တင့်ကား တပ်မဟာတွေလည်း အသင့်အနေထားနဲ့ နယ်စပ်တလျှောက် ကင်းလှည့်တာတွေ လုပ်လာနေတယ်လို့ ပြောကြပါတယ်။

TNLA လှုပ်ရှားတဲ့ ဒေသတွေအနီးက ရှမ်းမြောက် တရုတ်နယ်စပ်တလျှောက် တရုတ်ဘက်က လုံခြုံရေးတိုးမြှင့်ထားတာတွေ့ရပြီး တရုတ်တပ်မတော်နေ့က ဇူလိုင်လ ၃၀ ရက်နေ့ ဆိုတော့ အဲဒါနဲ့ ဆက်စပ်မှု ရှိမရှိ မသိရသေးပေမယ့် တပ်တွေကတော့ အခုအထိလည်း ရှိနေတယ် လို့ တအာင်းပလောင် TNLA ပြောခွင့်ရ တာ့အိုက်ကျော် ပြောပါတယ်။

အခုလို တပ်တွေချထားမှုဟာ ပြီးခဲ့တဲ့နှစ်က မြောက်ပိုင်းမဟာမိတ်နဲ့ အစိုးရ စစ်တပ်အကြား မူဆယ်ဒေသတိုက်ပွဲတွေဖြစ်ပြီးနောက် ပထမဆုံးအကြိမ်လည်းဖြစ်ပါတယ်။

မူဆယ်နဲ့ ထိစပ်နေတဲ့ ကြယ်ခေါင်ရွှေလီလိုမြို့တွင်းပိုင်းနေရာတွေမှာတော့ လုံခြုံရေးတိုးမြင့်ချထားတာမတွေ့ရဘူးလို့ ဒေသခံတွေက ဆိုကြပါတယ်။

မြို့ပြင်လိုနေရာတွေက ကြူကုတ်ပန်ဆိုင်း ဟိုဘက်က ဝမ်တိန် - ရွှေလီ သွားလမ်း တရုတ်မြန်မာ နယ်စပ်တလျှောက်က နယ်မြေတွေမှာတော့ တရုတ်တပ်တွေနဲ့ ရဲတွေ လုံခြုံရေး ယူထားတာရှိတယ်လို့ ဒေသခံတွေက ဘီဘီစီကို ပြောပါတယ်။

ပြီးခဲ့တဲ့ ၂၀၁၆ နိုဝင်ဘာလ တိုက်ပွဲတွေမှာ ပန်ဆိုင်းနဲ့ မုံးကိုးဒေသတွေမှာ တိုက်ပွဲတွေ ပြင်းပြင်းထန်ထန်ဖြစ်ခဲ့တဲ့ ဒေသတွေ ဖြစ်ခဲ့ပြီး ကချင်နဲ့ ရှမ်းပြည်နယ်အစပ် ကချင်ပြည်နယ် မန်ဝိန်းကြီး ဒေသနား တရုတ်ပိုင်နက်အတွင်းမှာတော့ တရုတ်စစ်တပ်နဲ့ ရဲက ပြီးခဲ့တဲ့ နိုဝင်ဘာလကတည်းက နေရာယူထားတဲ့ အတိုင်းရှိနေတယ် လို့ SNLD ပါတီရဲ့ ပြည်နယ်လွှတ်တော် ကိုယ်စားလှယ်ဖြစ်တဲ့ စိုင်းအေးမင်းက ပြောပါတယ်။

ဒေသတွင်းမှာ မြောက်ပိုင်းမဟာမိတ်အဖွဲ့တွေက တန်ပြန်တိုက်ခိုက်နိုင်တယ်ဆိုတဲ့ ကောလဟာလအချို့လည်း ပေါ်ထွက်လာနေတယ်လို့ နမ့်ခမ်းဒေသခံတဦးက ပြောပြီး နမ့်ခမ်းမြို့ ရွှေလီမြစ်တဘက်ကမ်း တရုတ်နယ်စပ်နားမှာလည်း ခုရက်ပိုင်းအတွင်း မကြာမကြာဆိုသလို တရုတ်လုံခြုံရေးတွေ မြင်တွေ့နေရတယ်လို့ ပြောပါတယ်။

အခုလို တရုတ်ဘက်က တပ်လှန့်မှုတွေလုပ်လာတာဟာ မြန်မာဘက်မှာ တိုက်ခိုက်မှုတွေ ဖြစ်နိုင်တယ်ဆိုတဲ့ ကောလဟာလတွေကြောင့် ဖြစ်တယ်လို့ နယ်စပ်အရေးလေ့လာသူတွေက ဆိုကြပါတယ်။

တရုတ်ဘက်က စိုးရိမ်သလို မြောက်ပိုင်းမဟာမိတ်အဖွဲ့အနေနဲ့ ရှမ်းပြည်နယ်မြောက်ပိုင်းမှာ တန်ပြန်တိုက်ခိုက်မှုတွေ လုပ်ဖို့ မရှိဘူး တိုက်ပွဲဝင်ရခက်တဲ့ မိုးတွင်းကာလကို ရောက်နေပြီလို့ တရုတ်ထောက်လှမ်းတွေနဲ့ နိုင်ငံခြားရေးဌာနဘက်ကို တအာင်းပလောင်တပ်ဖွဲ့က ပြောဆိုထားတယ်လို့ သတင်းမီဒီယာ အချို့မှာ ဖော်ပြနေကြပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader