မကွေးမြို့တွင် ပျောက်ဆုံးနေသည့် ဆိုင်ကယ်နှင့်အတူ တွေ့ရှိရ၍ စစ်ဆေးရန် မြို့မရဲစခန်း၌ထိန်းသိမ်း ခံထားရသူ တစ်ဦး ရဲအချုပ်ခန်းတွင် သေဆုံးသွားသည့် ကိစ္စနှင့် ပတ်သက်ကာ အဖြစ်မှန်ပေါ်ပေါက်ရေး စစ်ဆေးပေးရန် သေဆုံးသူ၏ ဇနီးဖြစ်သူက မကွေးတိုင်းဒေသကြီးဝန်ကြီးချုပ်ထံ ဇူလိုင်လ (၂၇)ရက်နေ့တွင် တင်ပြထားကြောင်း သိရသည်။
“မှုခင်းဆရာဝန်ကြီးဆီက ဆေးစာကို ဒီနေ့မနက်ရမယ်ဆိုလို့ စောင့်နေပေမယ့် တနင်္လာနေ့မှရမယ် ဆိုတာကြောင့် အလောင်းက ဒီအတိုင်းထားဖို့ မဖြစ်လို့ ပြန်သယ်သွားပါတော့မယ်။ ဒီနေ့မနက် မောင်လေးရဲ့ ဇနီးက ဝန်ကြီးချုပ်ဆီ လိပ်မူတင်ပြထားတဲ့စာကို ဝန်ကြီးဦးဇော်မင်းဆီမှာ ပေးအပ်ခဲ့ပါတယ်”ဟု သေဆုံးသူ၏ အစ်မတော်စပ်သူ ဒေါ်သင်းသင်းခိုင် က တာချီလိတ်သတင်းအေဂျင်စီသို့ ပြောသည်။
မကွေးတက္ကသိုလ်ကျောင်းသူတစ်ဦး၏ ဇူလိုင်(၂၄)ရက်နေ့က ပျောက်ဆုံးသွားသည့် ဆိုင်ကယ်အား ဇူလိုင်လ (၂၅)ရက်နေ့ညတွင် ကိုသန်းထိုက်အောင်ထံမှ တွေ့ရှိရ၍ စစ်ဆေးနိုင်ရန်အတွက် မကွေးမြို့မ ရဲစခန်းတွင် အမှုဖွင့်၍ အချုပ်ခန်းနံပါတ်(၉)တွင် ဖမ်းဆီးထားခြင်းဖြစ်ကြောင်း အဆိုပါရဲစခန်းမှ သိရသည်။
“သူ့ကို ဟိုက်ကလပ်လက်ဖက်ရည်ဆိုင်မှာ ခိုးယူခံရတယ်လို့ ယူဆရတဲ့ ဆိုင်ကယ်နဲ့အတူ တွေ့ရှိရလို့ တိုင်ချက်ရေးဖွင့်ထားတဲ့ ဆိုင်ကယ်ရဲ့ အမှတ်အသားများနဲ့ တိုက်ဆိုင်စစ်ဆေးတဲ့အခါမှာ တူညီမှု ရှိနေတာကြောင့် ဆိုင်ကယ်ကို သက်သေတွေရဲ့ရှေ့မှောက်မှာ ရှာဖွေပုံစံနဲ့သိမ်းဆည်းခဲ့ပါတယ်။ ကိုသန်းထိုက်အောင်ကို ရမန်ယူစစ်ဆေးဖို့အတွက် စခန်းမှူးရဲ့ခွင့်ပြုချက်နဲ့ ည (၉) နာရီခွဲအချိန်မှာ ဖမ်းဆီးပြီး အခန်းနံပါတ် (၉)မှာ ထားရှိခဲ့တာပါ”ဟု အမှုစစ်တာဝန်ယူထားသူ နယ်ထိန်းခေါင်းဆောင် ဒုရဲအုပ်အောင်မိုးက ပြောသည်။
ကိုသန်းထိုက်အောင်သည် ယခင်က အောင်လံမြို့တွင် ပန်းထိမ်လုပ်ငန်းလုပ်ကိုင်နေရာမှ ဇနီးဖြစ်သူမှာ မကွေးမြို့ ဆေးတက္ကသိုလ်တွင် မြန်မာစာနည်းပြတာဝန်ထမ်းဆောင်နေသဖြင့် မကွေးမြို့တွင် နေထိုင်စဉ်အတွင်း ဆိုင်ကယ် အရောင်းအဝယ်လုပ်ငန်း လုပ်ကိုင်နေခြင်းဖြစ်ကြောင်း သိရသည်။
“ကျွန်မ အမျိုးသားရဲ့အဓိကအလုပ်အကိုင်က ပန်းထိမ်လုပ်ငန်းပါ။ အောင်လံကနေ ကျွန်မရှိရာဆီကို လိုက်လာနေရတော့ ပန်းထိမ်လုပ်ငန်းက အပ်ထည်ရှိမှပဲ လုပ်ရတော့လို့ အားနေတဲ့အချိန်မှာ ဆိုင်ကယ်ဝယ် ရောင်းလေးလုပ်ပါတယ်။ အခုလည်း ခိုးရာပါဆိုင်ကယ်ကို ရောင်းမှား ဝယ်မှား ဖြစ်သွားခဲ့တာမှာ ဖမ်းဆီးခံရပြီး ခုလိုသေတဲ့အထိဖြစ်ရတာပါ”ဟု သေဆုံးသူ၏ဇနီး ဒေါ်ကြူကြူခိုင်က ပြောသည်။
ဇူလိုင်(၂၅)ရက် ညပိုင်းက အခန်း(၉)တွင် ကိုသန်းထိုက်အောင်အား တစ်ဦးတည်း ဖမ်းဆီး ချုပ်နှောင်ထားခဲ့ခြင်း ဖြစ်ပြီး အိမ်သာအနီး မျက်နှာကျက်သံဇကာတွင် ၎င်း၏ပုဆိုးဖြင့် ကြိုးဆွဲချ သေဆုံးနေသည်ကို ဇူလိုင်လ (၂၆)ရက်နေ့ နံနက် (၇)နာရီ (၁၅)မိနစ်အချိန်ခန့်၌ ကင်းသမားက တွေ့ရှိရခြင်းဖြစ်သည်ဟု မကွေးမြို့မရဲစခန်းမှူးထံမှ သိရသည်။
“ကျွန်တော်တို့ သူ့ကိုစစ်ဆေးခြင်း မလုပ်ရသေးပါဘူး။ နောက်တစ်နေ့မှ ရမန်ယူပြီး စစ်ဆေးဖို့ စီစဉ်ထားတာပါ။သူ ဆိုင်ကယ်ပြင်လေ့ပြင်ထရှိတဲ့ ဝပ်ရှော့ဆရာကိုတော့ အဲဒီညမှာပဲ ခေါ်ယူ စစ်ဆေးခဲ့ပါတယ်။ တကယ်တမ်းသာ သူ့ဘက်ကမှန်ခဲ့ရင် သူရင်ဆိုင်ဖြေရှင်းလို့ရတာပဲ။ အမှုဖွင့်ထားသူက ကျေအေးပေးမယ်လို့ သိထားတဲ့အတွက် တရားရုံးရောက်ရင် ပြီးသွားနိုင်တာပဲ။ ဒီလိုကြီးလုပ်မသွားသင့်ဘူး။ တစ်ယောက်ထဲ ခွဲချုပ်ရတဲ့ရည်ရွယ်ချက်က ဆိုင်ကယ်ပျောက်မှုတွေကများနေလို့ သေချာ စစ်ဆေးရမှာဖြစ်တာကြောင့် တခြားသူတွေနဲ့ရောထားရင် မင်း ဒီလိုမထွက်နဲ့ ဒီလိုထွက်ဆိုပြီး သင်ပေးကြမှာစိုးလို့ လွတ်နေတဲ့ အခန်း (၉) မှာ တစ်ယောက်ထဲချုပ်ထားတာပါ”ဟု မကွေးမြို့မရဲစခန်းမှူး ဒုရဲမှူးဝင်းကျော်က ပြောသည်။
ကိုသန်းထိုက်အောင်သည် ရေချိုးခန်းအတွင်း တက်၍ သတိလစ်လဲကျ သေဆုံးခြင်းဖြစ်သည်ဟု အဆိုပါ စခန်းမှ ရဲအုပ်နှစ်ဦးထံမှ သိခဲ့ရပြီး ၎င်း၏ပုဆိုးဖြင့် ကြိုးဆွဲချသေဆုံးသွားခြင်းဖြစ်သည်ဟု စခန်းမှူးထံမှ သိရသဖြင့် သေဆုံးရခြင်းအကြောင်းမှာ ကွဲလွဲနေကြောင်း သေဆုံးသူ၏ အစ်မဖြစ်သူ ဒေါ်သင်းသင်းခိုင်က ဆိုသည်။
ယင်းအပြင် ဇူလိုင်လ (၂၆)ရက်နေ့ နံနက် (၇)နာရီ(၁၅)မိနစ်အချိန်ခန့်က ကိုသန်းထိုက်အောင်အား နံနက်စာပို့ရန် အချုပ်ခန်းရှေ့ရောက်နေစဉ် အချုပ်ခန်းအတွင်းမှ “အား”ဟု အော်သံကြားလိုက်ရပြီးနောက် လူတစ်ဦးအား ဆေးရုံသို့ပို့ဆောင်ရန် ကားငှားနေသည်ကိုတွေ့သဖြင့် ဒေါ်သင်းသင်းခိုင်က ကူညီ ငှားပေးခဲ့သော်လည်း ဆေးရုံသို့ ပို့ဆောင်ရသူမှာ ၎င်း၏မောင်ဖြစ်ကြောင်းကို တာဝန်ရှိသူများက အသိပေးခဲ့ခြင်းမရှိဟု ဒေါ်သင်းသင်းခိုင်က ဆိုသည်။
အဆိုပါ အချက်များကြောင့် ကိုသန်းထိုက်အောင်သေဆုံးရခြင်းနှင့် ပတ်သက်၍ ၎င်း၏မိသားစုများက သံသယ ရှိနေခြင်းဖြစ်ပြီး အဖြစ်မှန်ဖော်ထုတ်ပေးရေးအတွက် တိုင်းဒေသကြီးဝန်ကြီးချုပ်ထံ တင်ပြထားခြင်းဖြစ်ကြောင်း ဒေါ်သင်းသင်းခိုင်ထံမှ သိရသည်။
သတင်း - ဖီးနစ်
Tachileik News Agency
http://www.tachileik.net
Read in :
All Update Reader
