မုံရွာတက္ကသိုလ်ဖေ့ဘုတ်စာမျက်နှာ အတုဖြင့် H1N1 သတင်းဖွသူအား တက္ကသိုလ်မှ တရားစွဲမည်

မုံရွာ၊ ဇူလိုင် ၂၈။

မုံရွာတက္ကသိုလ်ဖေ့ဘုတ် စာမျက်နှာအတုဖြင့် သမိုင်းမေဂျာတတိယနှစ်ကျောင်းသားတစ်ဦး ရာသီတုပ်ကွေး H1N1 ကူးစက်ခံနေရပြီး ဆေးရုံတက်နေရသည်ဟု သတင်းရေးသားတင်သူအား တက္ကသိုလ်မှ တရားစွဲ သွားမည်ဖြစ်ကြောင်း ဇူလိုင် ၂၈ ရက်က မုံရွာဆေးရုံအုပ်ကြီးရုးံခန်းတွင်ပြုလုပ်သည့် သတင်းစာရှင်းလင်းပွဲမှ သိရသည်။

ယနေ့ နံနက်ပိုင်းက Monyws University Facebook Page တွင် အနီရောင်အဆင်ဟူ၍ မုံရွာမြို့တွင် ကြက်များထောင်ချီသေဆုါံ်ဗသော ကြက်ခြံအနီးနေအိမ်တွင် H1N1 ဗိုင်းရပ်ပိုးကူးစက်ခံရသော လူနာတစ်ဦးတွေ့ကြောင်း ထိုသူသည် အသက်၂၃ နှစ်ရှိ မုံရွာတက္ကသိုလ် သမိုင်းမေဂျာတတိယနှစ်ဖြစ်ကြောင်း၊ ဆေးရုံအုပ်ကြီးမှ မုံရွာတက္ကသိုလ်တွင် အသိပညာပေးဟောပြောပွဲများ လုပ်သွားမည်ဖြစ်ကြောင်း၊ မြန်မာပြည်တွင် လက်ရှိဖြစ်နေသော ဓာတ်ပုံများဖြင့် မမှန်သတင်းအား သတင်းတင်ခဲ့ခြင်း ဖြစ်သည်။

"အိုင်တီပညာရှင်တွေအကူအညီနဲ့ page ပိုင်ရှင်ကိုဖော်ထုတ်သွားမယ်၊ တက္ကသိုလ် Image ကို ထိခိုက်စေတယ်၊ ဒီသတင်းကို like နဲ့ share မလုပ်ဖို့ပြောချင်ပါတယ်၊ တက္ကသိုလ်ဆေးရုံကြီးမှာရော မုံရွာဆေးရုံကြီးမှာရော H1N1 နဲ့ တက်နေရတဲ့ လူနာ မရှိပါဘူး" ဟု မုံရွာတက္ကသိုလ် ဒုတိယပါမောက္ခချုပ် (သင်တန်း)ဒေါက်တာ သက်နိုင်ဦးက ပြောသည်။

မုံရွာတက္ကသိုလ်တွင် Major ပေါင်းစုံမှ Day တက်နေသော ကျောင်းသား၊ကျောင်းသူ တစ်သောင်းကျော် ရှိပြီး စာမေးပွဲဖြေရန် တစ်လ ခန့်သာလိုတော့ကြောင်း၊၄င်းအပြင် နည်းပြ စာမေးပွဲများဖြေဆိုနေချိန်ဖြင့် တိုက်ဆိုင်စွာ ယင်းကဲ့သို့ မမှန်းသတင်းများ ထွက်ပေါ်ခြင်း ဖြစ်ည်။

နှင်းမောင်
Central News Myanmar
https://www.facebook.com/CNMyanmar/

Read in : All Update Reader

ကျောက်ပန်းတောင်းမြို့တွင် ဗလီဟု သံသယရှိသည့် အဆောက်အအုံတစ်လုံးကို ဖျက်ဆီးရန် လူစုလူဝေးဖြင့် တောင်းဆိုမှုကြောင့် အချက်နှစ်ချက်ကို အခြေခံ၍ အာဏာပိုင်များက ဖြိုဖျက်

ခွင့်ပြုချက်မရှိဆောက်လုပ်ထား သည်ဆိုသည့် အဆောက်အအုံကို ယမန်နေ့ညက ယန္တရားသုံး၍ ဖြိုဖျက်နေစဉ် (ဓာတ်ပုံ−မျိုးကိုကို)

ကျောက်ပန်းတောင်းမြို့ သာယာအေး   ရပ်ကွက်တွင် ဆောက်လုပ်ထားသည့် နှစ်ထပ် အလုံပိတ်အဆောက်အအုံကို ဗလီပြုလုပ်ရန်ဟု သံသယရှိသ ဖြင့် ဒေသခံများက ဖျက်ဆီးရန် လူစုလူဝေးဖြင့် တောင်းဆိုမှု ကြောင့် အာဏာပိုင်များက အချက်နှစ်ချက်ကို အခြေခံ၍ ယမန်နေ့ ညက ဖြိုဖျက်ခဲ့ကြောင်း ကျောက်ပန်းတောင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးအေးခိုင်က ပြောသည်။

‘‘ဗလီဆိုပြီးတော့ လူတွေက ရုတ်ရုတ်သဲသဲနဲ့ တစ်ရာ၊ နှစ်ရာ၊ သုံးရာကနေ ထောင်ချီရှိလာတာ ပေါ့။ အဲဒီအိမ်ကို တာဝန်ရှိသူတွေ စစ်ဆေးလိုက်တဲ့အချိန်မှာ အဲဒီ အိမ်က စည်ပင်သာယာခွင့်ပြုချက် ရထားတာမဟုတ်ဘူး။ အဲဒီတော့ အိမ်ကြီးကလည်း အလုံကြီးဖြစ် နေတာပေါ့။ အဲဒါ ဗလီဖြစ်တယ် ဆိုပြီး လူတွေများလာပြီး ဖျက်ခိုင်း တယ်။ နံပါတ်(၁)ကတော့ စည် ပင်ဥပဒေအရ ငြိစွန်းတဲ့အတွက် ဖျက်တာ။ နံပါတ် (၂)ကတော့ ဆူပူအုံကြွမှုတွေဖြစ်မှာ ကြောက်လို့ဖျက်တာပေါ့။ လူတွေကလည်း အများကြီးပဲ။ ထိန်းလို့လည်း မရဘူး။ အခုထိလည်း မပြန်သေးဘူး ရှိတယ်။ အသံတွေကြားနေတာ ဖျက်နေတဲ့အသံတွေပဲ။ စစ်ဆေး ချက်အရ ဘာမှတော့ ထူးထူးထွေ ထွေမတွေ့ရဘူး။ ဘာပြောမလဲ ဆိုတော့ အိမ်ကြီးက အလုံဖြစ်တဲ့ သဘောဖြစ်တာပေါ့။ ရဲတပ်ဖွဲ့က ခရိုင်ရော၊ မြို့နယ်ရဲမှူးတွေရော အကုန် ရောက်နေပါတယ်။ ရောက်ပြီး ဖျက်တာကို အကုန် စောင့်ကြည့်ပြီး ပြည်သူလူထုမပါ ၀င်အောင်လို့ ထိန်းသိမ်းထားပါ တယ်ဗျ။ ဖျက်တာကတော့ ဒီမှာ ရှိတဲ့ တာဝန်ရှိသူအားလုံးက ဆုံး ဖြတ်ပြီးတော့ ဘက်ဟိုးနဲ့ဖျက်နေ တာပါ’’ဟု ဦးအေးခိုင်က ဇူလိုင် ၂၇ ရက် ည ၉ နာရီခန့်က ပြော ကြားသည်။

နှစ်ထပ် အလုံပိတ်အ ဆောက်အအုံကို ဗလီပြုလုပ်ရန် ဆောက်လုပ်ထားသည်ဆိုကာ မြို့ဒေသခံ ထောင်ဂဏန်းက ဖျက်သိမ်းပေးရန် ဇူလိုင် ၂၇ ရက် ညနေတွင် တောင်းဆိုခဲ့သည်။

ဖျက်ဆီးခံရသည့် အ ဆောက်အအုံသည် စည်ပင်သာ ယာ၏ခွင့်ပြုချက် ရယူထားခြင်း မရှိသည့်အပြင် အဆောက်အအုံ နှင့်ပတ်သက်ပြီး တာဝန်ခံမည့် တာဝန်ရှိသူ ရှိမနေသည့် အခြေ အနေတွင် ပြဿနာများ မကျယ် ပြန့်စေရေး အဆိုပါ အဆောက် အအုံကိုဖြိုရန် မြို့နယ်အုပ်ချုပ် ရေးပိုင်းက ဆုံးဖြတ်ခဲ့ကြောင်း ကျောက်ပန်းတောင်းမြို့ခံ အမျိုး သားအချို့က ပြောသည်။

အဆောက်အအုံကို ဇူလိုင် ၂၇ ရက် ည ၈ နာရီခန့်တွင် ဖျက် ဆီးခဲ့ရာ ၉ နာရီ ၁၀ မိနစ်၌ ပြီး စီးခဲ့ကြောင်း ဦးအေးခိုင်က ဆို သည်။

အဆောက်အအုံ ပြဿနာ ကြောင့် ဆူပူမှုမဖြစ်ပွားရန် လုံခြုံ ရေး တိုးမြှင့်ချထားကြောင်း ကျောက်ပန်းတောင်းမြို့နယ် ရဲ တပ်ဖွဲ့မှ တာဝန်ရှိသူတစ်ဦးက ပြောသည်။

ဖြစ်စဉ်ဖြစ်ပွားရာနေရာသို့ ရဲတပ်ဖွဲ့မှ တာဝန်ရှိသူများ သွား ရောက်နေကြောင်း ကျောက်ပန်း တောင်းမြို့မရဲစခန်းမှ တာဝန်ကျ ရဲတပ်ဖွဲ့ဝင်တစ်ဦးက ဇူလိုင် ၂၇ ရက် ည ၉ နာရီခန့်က ပြောကြားခဲ့ ပြီး အသေးစိတ်ဖြေကြားနိုင်ခြင်း မရှိဟု ဆိုသည်။

‘‘ကျောက်ပန်းတောင်းအနေ နဲ့က အကဲဆတ်တဲ့ မြို့ဖြစ်တဲ့အ တွက် အဆောက်အအုံတွေ ဆောက်လုပ်တဲ့နေရာမှာ စည်း မျဉ်းစည်းကမ်းနဲ့ သင့်တော်စွာ စည်ပင်သာယာဘက်က သင့် တော်အောင် စည်းမျဉ်းစည်းကမ်း နဲ့ ဆောင်ရွက်သလို မြို့ခံတွေ အ နေနဲ့လည်း စည်းမျဉ်းစည်းကမ်းနဲ့ ကိုက်ညီအောင် ဆောင်ရွက်စေ ချင်တယ်’’ဟု မြို့ခံ ကိုရဲဝင်းဇော် က ပြောသည်။

အဆိုပါ နှစ်ထပ်အဆောက် အအုံကို ဘက်ဟိုးတစ်စီးဖြင့် ဖျက်ဆီးရာနေရာတွင် မြို့ခံအ များအပြားက ဗလီဗလီဖျက်ဖျက် ဟု အော်ဟစ်ခဲ့ကြောင်း အ ဆောက်အအုံ ဖျက်ဆီးနေမှုကို လူမှုကွန်ရက်၌ တိုက်ရိုက်ထုတ် လွှင့်ပြသသည့် ဗီဒီယိုဖိုင်တွင် တွေ့ရသည်။

‘‘အားလုံးပဲ မေတ္တာရပ်ခံပါ တယ်။ လူစုခွဲပေးပါ။ နောက် ဆုတ်ပေးပါ’’ဟု တာဝန်ရှိသူများ က အဆောက်အအုံကို ဖျက်ဆီး နေစဉ် မြို့ခံများအား မေတ္တာရပ်ခံ ခဲ့သည်။

ဇူလိုင် ၂၇ ရက် ည ၁၀ နာရီ ခန့်ကအထိ အဆိုပါအဆောက်အ အုံဖျက်ဆီးသည့်နေရာတွင် လူ ၅၀ ခန့် စုဝေးနေဆဲဖြစ်ကြောင်း နှင့် ရဲတပ်ဖွဲ့က အင်အားတိုးလုံခြုံ ရေးဆောင်ရွက်နေကြောင်း ဦး အေးခိုင်က ပြောသည်။






7Day Daily

http://www.7daydaily.com/


Read in : All Update Reader

ယီမင်နိုင်ငံမှာ အငတ်ဘေး ကျရောက်နိုင်

အပျက်အစီးကြားက ယီမင်နိုင်ငံသားများ

ယီမင်နိုင်ငံမှာ ကုလသမဂ္ဂက လူမှုဒုက္ခ အကြီးအကျယ် ရောက်နေတယ်လို့ သတိပေးနေချိန်မှာပဲ ဘီဘီစီသတင်းထောက် အော်လာ ဂူရင်က တိုင်းပြည်ထဲကို ဝင်ရောက်ပြီးလူတွေရဲ့ ဒုက္ခ ဘယ်လောက် ဆိုးတယ်ဆိုတာ မျက်မြင်ကိုယ်တွေ့ပြောပြထားပါတယ်။

အခုအခါ ဆော်ဒီနိုင်ငံကထောက်ခံထားတဲ့ ညွန့်ပေါင်းအဖွဲ့က ဟူတီသူပုန်တွေကို လေကြောင်းက စစ်ဆင်နေပါတယ်။ ဒီလို၂နှစ်ကြာ စစ်ပွဲကြောင့်ယီမင်မှာ ကျန်းမာရေး အခြေအနေ အပါဝင် ရေနဲ့သန့်ရှင်းရေး စနစ်တို့ ပျက်စီးကုန်ပါတယ်။ ဒီစစ်ပွဲနဲ့ ညွန့်ပေါင်းအစိုးရရဲ့ ပိတ်ဆို့ထားမှုကြောင့် အခုအခါ ပြည်သူလူထုရဲ့ ၇၀ရာနှုန်း လူမှုဒုက္ခ ဘေးဆိုးကြီးနဲ့ ရင်ဆိုင်နေရပြီး ကယ်ဆယ်ရေး ပစ္စည်းတွေ လိုအပ်နေပါတယ်။။ အေဒင်မြို့ရှိဆေးရုံမှာ ဝမ်းရောဂါဖြစ်သူ အများစုက ရောဂါပြင်းထန်ပြီး မကုသရင် နာရီပိုင်းအတွင်း သေဆုံးနိုင်တာ တွေ့ရပါတယ်။ ယီမင်နိုင်ငံသား သိန်းနဲ့ချီ ဝမ်းရောဂါ ကူးစက်ပျံ့ပွားနေပြီး သမိုင်းမှာ အဆိုးဆုံး ကာလ ဝမ်းရောဂါ အခြေအမျိုး ဆိုက်ရောက်နေပါတယ်။

ဆေးရုံတွေမှာ လူနာတွေ ပြည့်ကျပ်နေပြီးအစားအစာ အကြီးအကျယ် ပြတ်လပ်နေတဲ့အတွက် အဟာရ ချို့ယွင်းမှု တွေဖြစ်နေပါတယ်။ အထူးသဖြင့် ကလေး သူငယ်တွေဟာ အစာအဟာရ မရှိလို့ကူးစက် ရောဂါတွေကိုအလွယ်တကူ ဖြစ်ပွားနိုင်ပါတယ်။ ယီမင်နိုင်ငံသား ၆၀ရာနှုန်း လောက်ဟာ သူတို့ရဲ့ ထမင်းနောက်တနပ် ဘယ်ကရမယ်မှန်း မသိဖြစ်နေတဲ့အတွက် ကမ္ဘာ့စားနပ်ရိက္ခာ အစီအစဉ်ကတော့ အစာငတ်ပြတ်တဲ့ ကပ်ဘေး ကျရောက်နိုင်တယ်လို့ သတိပေး ထားပါတယ်။ နောက်တခါ ကလေးသူငယ် ၅သိန်းတို့ဟာ အကြီးအကျယ် အဟာရ ချို့ယွင်းနေလို့ ယီမင်ရဲ့ အနာဂတ်ဟာ ဘေးတွေ့နေပြီလို့ ဆရာဝန်တွေက ဘီဘီစီကိုပြောပါတယ်။

အခုပြည်တွင်းစစ်၂နှစ် အတွင်းဆော်ဒီရဲ့ လေကြောင်းတိုက်ခိုက်မှုကြောင့် လူနေအိမ်တွေ ဆေးရုံတွေကျောင်းတွေ ပျက်စီးကုန်ပြီး အရပ်သား၃၀၀၀ကျော်သေဆုံးခဲ့ရပါတယ်။ စစ်ဖြစ်နေတဲ့ဘက်၂ခုလုံးက လူလို လူမှုဒုက္ခတွေကို သိပေမယ့် ပြဿနာကိုအဖြေရှာဖို့ မကြိုးစားကြဖူးလို့ ယီမင်နိုင်ငံ ဆိုင်ရာအမေရိကန် သံအမတ်ဟောင်း စတီဗင်စက်ချီကပြောပါတယ်။

အခုအခါ လူတွေဟာ တချိန်ကသူတို့ အိမ်တွေဖြစ်ကြတဲ့ အပျက်အစီးတွေ ကြားမှာနေကြရပါတယ်။ ဒီလိုအပျက်အစီးတွေ ရင်ဆိုင်နေရပေမယ့် ဘယ်ဘက်ကမှ စစ်ရေးအရ အနိုင်ရမယ့်ပုံ မတွေ့ရသေးပါဘူး။ တဖက်နဲ့တဖက် ရှေ့မတိုး နောက်မဆုတ် ဖြစ်နေချိန်မျိုးမှာ လူသားတွေရဲ့ ဒုက္ခကတော့ ဆက်ပြီး ဆိုးဝါးနေဉီးမှာ ဖြစ်တယ်လို့ ဘီဘီစီသတင်း ထောက်အော်လာ ဂူရင်က မြင်တွေ့ချက်တွေကို ပြောပြသွားပါတယ်။

ဘီဘီစီမြန်မာပိုင်း

http://www.bbc.com/burmese/world-40748959

Read in : All Update Reader

စဥ့်အိုးတန်းဆိပ်ကမ်းတွင် ဆိုက်ကပ်ထားသည့် သင်္ဘောပေါ်တွင် ဓားဖြင့်ထောက်၍ ဆန်အိတ်များလုယက်သည့် ဖြစ်စဉ်တစ်ခုဖြစ်ပွား

ရန်ကုန် ဇူလိုင် ၂၇

ရန်ကုန်တိုင်းဒေသကြီး ဆိပ် ကမ်းမြို့နယ် စဥ့်အိုးတန်းဆိပ်ကမ်း တွင် ယမန်နေ့ နံနက် ၃နာရီခွဲက ဆိပ်ကမ်းတွင်ဆိုက်ကပ်ထားသည့် နေလင်းထွန်း(၆၁၄၆) သင်္ဘောပေါ် တွင် သင်္ဘောသားကိုဓားဖြင့်ထောက် ၍ ဆန်အိတ်များ လုယက်သည့် ဖြစ်စဉ်တစ်ခု ဖြစ်ပွားခဲ့ကြောင်း သိရသည်။
ဖြစ်စဉ်မှာ ယင်းနေ့နံနက်ပိုင်း တွင် တာဝန်ကျသင်္ဘောသား ချစ် စန်းကိုမှာ သင်္ဘောလုံခြုံရေးတာဝန် ဆောင်ရွက်နေချိန် အမည်မသိ လူသုံးဦးမှာ သင်္ဘောပေါ်တက်၍ ဓားထောက်လုယက်ခဲ့ခြင်းဖြစ် သည်။
''ကျွန်တော်က နံနက် ၂ နာရီ ကနေ ၄ နာရီအထိ တာဝန်ကျပါ တယ်။ ၃ နာရီကျော်ကျော်မှာ အိမ် သာသွားတက်တယ်။ အိမ်သာထဲ ထွက်လာပြီးတော့ သူတို့က ကျွန် တော့်ကိုအချွန်နဲ့ထောက်ထားတယ်။ လူသုံးယောက် ဆန်အိတ်တွေချ သွားတယ်။ကျွန်တော်အော်တဲ့အချိန် သူတို့က ရေလယ်လောက်ရောက် သွားပြီ။ တက်လာတာကို အမှောင် ထဲဆိုတော့ မသိလိုက်ဘူး''ဟု ချစ် စန်းကိုက ပြောသည်။

အဆိုပါ နေလင်းထွန်းသင်္ဘော သည် မြစ်ဝကျွန်းပေါ်ဒေသမှ ဆန် အိတ်များကို တင်ဆောင်ကာ ယင်း နေ့ ည ၁၂ နာရီခွဲအချိန်တွင် စဥ့်အိုးတန်းဆိပ်ကမ်း၌ ဆိုက်ကပ် ခဲ့ခြင်းဖြစ်သည်။
''ည ၁၂ နာရီခွဲလောက်ဆိပ် ကမ်းကို ဝင်လာတာ။ ၂၆ ရက်နေ့ မနက် ကလေးကို ဂျူတီချထား တယ်။ နံနက် ၃ နာရီခွဲလောက် ကျတော့ သူတို့က မော်တော်ပေါ် ရောက်နေတယ်။ မင်းမလှုပ်နဲ့ပေါ့။ ဆန်အိတ်တွေမသွားပြီး ကလေးက လှမ်းအော်တဲ့ အချိန်ကျတော့ သူ တို့က ရေလယ်လောက်ရောက်သွား ပြီ''ဟု ရေယာဉ်အုပ်ဦးမြသန်းက ပြောသည်။

အဆိုပါ ခိုးယူသူများသည် နံနက်အစောပိုင်းများတွင် မြစ် ကြောင်းတစ်လျှောက် ဆိုက်ကပ် ထားသည့် သင်္ဘောများပေါ်တွင် ခိုးယူခြင်း၊ လုယက်ခြင်းများ ကျူး လွန်လေ့ရှိကြောင်း သိရသည်။
''သူတို့ကတစ်ခါတစ်ခါ လှေ နဲ့ မျှောသွားတယ်။ ပိုက်သမား လိုလို ဘာလိုလိုနဲ့ မျှောသွားတယ်။ ပိုက်ချသလိုလို ဘာလိုလိုနဲ့၊ လစ် ရင် လစ်သလိုခံရတာပဲ။ အမှန်မှာ တော့ ခိုးတဲ့သူခိုးကတော့ သင်္ဘော တွေကိုလိုက်ကြည့်နေတာပဲ။ လစ် တယ်ဆိုရင် သင်္ဘောကို လှေနဲ့ဝင် တိုက်ပြီး သင်္ဘောပေါ်ကပစ္စည်းတွေ ဆွဲချသွားတာပဲ။ လူမြင်ရင် ပါလာ တဲ့ လက်နက်နဲ့လုပ်ချင်တယ်။ သူ တို့မှာက ဓားပါတယ်။ ဂျင်ကလိပါ တယ်။ ထိပ်တိုက်ရင်ဆိုင်တွေ့မယ် ဆိုရင်တော့ ချမယ်။ ထိုးမယ်ပေါ့။ နောက်ပြီး အတွင်းသင်္ဘောတွေကို မလုပ်ဘူး။ဆိပ်ကမ်းကိုကပ်ထားတဲ့ တစ်စီးကျော်၊ နှစ်စီးကျော်ကပ် ထားတဲ့ သင်္ဘောတွေကိုလုပ်တယ်'' ဟု ရေယာဉ်အုပ်ဦးမြသန်းကပြော သည်။
ယင်းဖြစ်စဉ်နှင့် ပတ်သက်၍ ဆိပ်ကမ်းမြို့မရဲစခန်းသို့ ယင်း နေ့နံနက် ၁၁ နာရီတွင် သွား ရောက်တိုင်ကြားခဲ့ကြောင်း၊ တိုင် ကြားမှုနှင့်ပတ်သက်၍ သက်ဆိုင် ရာ တာဝန်ကျရဲအရာရှိက စစ်ဆေး မှုများပြုလုပ်ကာ လုယက်မှုကျူး လွန်သူများ ဖမ်းဆီးရမိရေးဆောင် ရွက်ပေးမည်ဖြစ်ကြောင်း၊ ဒလမြို့မ ရဲစခန်းနှင့် ချိတ်ဆက်ဆောင်ရွက် လျက်ရှိကြောင်း နေလင်းထွန်း သင်္ဘောတွင် စာရေးအဖြစ်တာဝန် ထမ်းဆောင်နေသူ ကိုသန့်စင်က ပြောသည်။

''သင်္ဘောသားလေးက သူခိုး လို့ အော်တဲ့အချိန် သင်္ဘောပေါ် တက်ကြည့်တော့ စွပ်ကျယ်လက် ပြတ်နဲ့ အင်္ကျီအမည်း လက်ပြတ် လောက်ပဲ မြင်လိုက်ရတယ်။ လှေ က မြစ်လယ်လောက်ရောက်နေပြီ။ ကျွန်တော်တို့သင်္ဘောဝန်ကလည်း လေးနေတဲ့ အချိန်ဆိုတော့ သူတို့ လှေနဲ့ ကပ်ရင် ကွက်တိဖြစ်နေ တယ်။ ပါလာတဲ့အိတ်ကမြင့်တော့ သာသာလေး ဆွဲချလို့ရတယ်''ဟု ၄င်းကပြောသည်။

ယင်းဖြစ်စဉ်နှင့် ပတ်သက်၍ ဆိပ်ကမ်းမြို့နယ် မြို့မရဲစခန်းသို့ ဆက်သွယ်မေးမြန်းရန် ဖုန်းခေါ်ဆို ခဲ့သော်လည်း ဆက်သွယ်မှုမရရှိ ခဲ့ပေ။

ရန်ကုန်မြစ်နှင့် လှိုင်မြစ်ကမ်း တစ်လျှောက်တွင် စက်တပ်လှေ များအသုံးပြုကာ အုပ်စုဖွဲ့ ဓား၊ လက်နက်များကိုင်ဆောင်၍ ခိုးမှု ကျူးလွန်မှုများရှိနေပြီး ပြီးခဲ့သည့် ၂ဝ၁၆ခုနှစ် ဒီဇင်ဘာလအတွင်းက မြစ်ကမ်းတစ်လျှောက် လိုက်လံခိုး ယူနေသူကို ဖမ်းဆီးရမိခဲ့ကြောင်း တိုင်းဒေသကြီး ရဲတပ်ဖွဲ့မှူးရုံးမှ သိရသည်။

နေထက်ဝေ

The Union Daily 

https://www.facebook.com/uniondaily.net

 
Read in : All Update Reader

စစ်ဘက်ရာထူး အခေါ်အဝေါ် ကန့်သတ် ထုတ်ပြန်

တပ်မတော်က အသုံးအနှုန်းကို တခြားအဖွဲ့တွေမှာ မသုံးဖို့ သတိပေး

စစ်ဘက် ဆိုင်ရာ ရာထူး၊ အဆင့်အခေါ်အဝေါ် သုံးစွဲတာနဲ့ ပတ်သက်လို့ တပ်မတော် က သတင်း ထုတ်ပြန်ခဲ့ပါတယ်။

မိုးမောက်မြို့မှာ ဖြစ်ခဲ့တဲ့ ဗုံးပေါက်ကွဲ ခဲ့တဲ့ သတင်း ကို သတင်းမီဒီယာ တွေ ရေးသား ခဲ့တဲ့ အခါမှာ ပြည်သူ့စစ် အဖွဲ့ ဗိုလ်မှူး ဆိုတာ ကို သုံးစွဲ ကြတဲ့ အတွက် အဲဒီ အခေါ်အဝေါ် ဟာ တပ်မတော်(ကြည်း၊ ရေ၊ လေ)စစ်မှုထမ်းတွေသာ သုံးစွဲခွင့်ရှိတယ်လို့ ဖော်ပြထားပါတယ်။

အရင်တုန်းကတော့ တပ်မတော် အသုံးအနှုန်းနဲ့ ပတ်သက်လို့ ပြည်နယ်နဲ့ တိုင်း က သတင်းစာတိုက်တွေဆီကို စာပို့ခဲ့တာ ရှိခဲ့ဖူးပေမယ့် အခုလို တနိုင်ငံလုံး အတိုင်းအတာနဲ့ ထုတ်ပြန်တာမျိုး မရှိခဲ့ဘူးလို့ သတင်းမီဒီယာ ကောင်စီ အဖွဲ့ဝင် ကိုမြင့်ကျော် က ပြောပါတယ်။

အရင်တုန်းက စာပေ စီစစ်ရေး ခေတ်တုန်းက သူတို့ သတ်မှတ်ထားတာနဲ့ ငြိစွန်းရင် ဒါကို ပြင်ခိုင်း ဖျက်ခိုင်းပြီး မပြင်ရင် ရေးခွင့် မရှိဘဲ ထိန်းချုပ်တာတွေ ရှိခဲပေမယ့် ၂၀၁၁ နဲ့ ၂၀၁၂ နောက်ပိုင်း စီစစ်ရေး ရုတ်သိမ်း လိုက်တဲ့အခါ ဒါမျိုးတွေကနေ ကင်းလွတ်သွားခဲ့တာ ဖြစ်ပါတယ်။

အခု နောက်ပိုင်း တပ်က ပြန်လည် ကန့်သတ် ချုပ်ချယ်မှုတွေ လုပ်လာတာဟာ သတင်း မီဒီယာတွေကို သွေးတိုး ပြန်စမ်းလာသလို ဖြစ်နေတယ်လို့ ကိုမြင့်ကျော်က ဆိုပါတယ် ။

တပ်မတော်ရဲ့ ခုနောက်ဆုံး ထုတ်ပြန်ချက်နဲ့ ပတ်သက်လို့ သတင်းမီဒီယာ ကောင်စီကို ဆက်သွယ်လာတာ မရှိသေးပေမယ့် အရင်တုန်းက တပ်မတော်နဲ့ သတင်းမီဒီယာ ကောင်စီ တွေ့ဆုံမှုတွေမှာ အသုံးအနှုန်းတွေနဲ့ ပတ်သက်လို့ အဓိပ္ပါယ် ကွဲတာ မမှန်ဘူးလို့ ထောက်ပြ ပြောဆိုတာတွေ ရှိခဲ့ဘူးလို့ သူက ပြောပါတယ်။

မြန်မာနိုင်ငံမှာ စစ်ဘက်ရာထူး၊ အဆင့်အခေါ်အဝေါ် သုံးစွဲတာနဲ့ ပတ်သက်လို့ ကန့်သတ်ထားတဲ့ ဥပဒေအား နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့ ဥပဒေ အမှတ် (၂၆/၈၉) ဖြင့် ပြဋ္ဌာန်းခဲ့ပြီး ယင်းဥပဒေအား ၂၀၁၄ ခုနှစ်၊ အောက်တိုဘာလ ၇ ရက်မှာ ပြည်ထောင်စုလွှတ်တော် ဥပဒေအမှတ်(၄၂)နဲ့ ပြင်ဆင်ပြဋ္ဌာန်း ထားခဲ့တယ်လို့ တပ်မတော် ထုတ်ပြန်ချက်မှာ ရေးသား ထားပါတယ်။

တပ်မတော်(ကြည်း၊ ရေ၊ လေ)စစ်မှုထမ်းတွေ အတွက်သာ သုံးစွဲခွင့်ရှိတဲ့ စစ်ဘက်ရာထူး၊ အဆင့် အခေါ်အဝေါ်တွေကို တခြား မသက်ဆိုင်သည့် အဖွဲ့အစည်းတွေက လူပုဂ္ဂိုလ်တွေရဲ့ ကိစ္စရပ်တွေမှာ ခေါ်ဝေါ်သုံးစွဲတာ ဒါမှမဟုတ် ရေးသားဖော်ပြတာတွေ မလုပ်ဖို့နဲ့ တည်ဆဲ ဥပဒေနဲ့အညီ မှန်ကန်စွာသုံးစွဲဖို့ လိုအပ်ကြောင်း ထုတ်ပြန်ချက်မှာ သတိပေးထား ပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader

သေဒဏ်ကျ မြန်မာ ၂ ဦးက အစိုးရကို မေတ္တာရပ်ခံ

သေဒဏ်ချမှတ်ခံထားရတဲ့ မြန်မာနိုင်ငံသား ၂ ဦး လွတ်မြောက်ဖို့ မတ်လ ၄ နေ့က ရန်ကုန်မြို့ မြို့တော်ခန်းမရှေ့မှာ ဆန္ဒပြတောင်းဆိုကြစဉ်။ Photo : Aung Thain Kha/RFA

ထိုင်းနုိုင်ငံတောင်ပိုင်းက လိပ်ကျွန်းမှာ ဗြိတိန်နိုင်ငံသားနှစ်ဦး အသတ်ခံရမှုနဲ့ သေဒဏ်ချမှတ်ခံထားရ တဲ့ မြန်မာနိုင်ငံသား ၂ ယောက်က မိသားစုဝင်တွေနဲ့ ဇူလိုင်လ ၂၆ ရက်နေ့က တွေ့ဆုံရာမှာ အခု နောက်ဆုံး အယူခံနဲ့ ပတ်သက်ပြီး နိုင်ငံတော်အစိုးရနဲ့ ရှေ့နေတွေက အတတ်နိုင်ဆုံးကူညီဖို့ မေတ္တာရပ်ခံလိုက်ပါတယ်။

ထိုင်းနိုင်ငံ ဘန်ကောက်မြို့အနီးက ဘန်ခွမ်ဗဟိုအကျဉ်းထောင်မှာ သေဒဏ်ချမှတ်ခံထားရတဲ့ မြန်မာနုိုင်ငံသား ဝင်းဇော်ထွန်း နဲ့ ဇော်လင်း တို့ကို သူတို့ရဲ့ မိခင်တွေ မနေ့က သွားရောက်တွေ့ဆုံရာမှာ လိုက်ပါသွားခဲ့တဲ့ အိမ်နီးချင်း ဦးကျော်အေးမောင် က RFA ကို ခုလို ပြောပါတယ်။

"ဇော်လင်း ပြောတာကတော့ အမှုနဲ့ပတ်သက်ပြီး ရှေ့နေတွေကို သူပြောလိုက်တာကတော့ အရင် နှစ်ကြိမ် သူတို့ကို သေဒဏ် အတည်ပြုထားပြီးပြီ ဒါက နောက်ဆုံး အမြင့်ဆုံး တရားရုံးကို တက်မှာဆိုတော့ အချိန်ယူပြီးမှ အကောင်းဆုံးဖြစ်အောင် အကူအညီပေးဖို့၊ နိုင်ငံတော် အစိုးရအနေနဲ့ကလည်း အတတ်နိုင်ဆုံးအကူအညီပေးဖို့ မေတ္တာရပ်ခံအပ်ပါတယ် ဆုိုပြီးတော့ အဲ့လိုမှာလိုက်ပါတယ်။"

မြန်မာနိုင်ငံသား ၂ ဦးကို ထိုင်းနုိုင်ငံ တောင်ပိုင်း ကော့စမွေတရားရုံးကနေ ၂၀၁၅ ခုနှစ် ဒီဇင်ဘာလ ၂၄ ရက်နေ့က သေဒဏ်ချမှတ်ခဲ့ပြီး တရားခံရှေ့နေတွေက နှစ်ကြိမ် အယူခံတင်ခဲ့ရာမှာ ပယ်ချခံခဲ့ရပါတယ်။ အခုနောက်ဆုံး အယူခံတင်ရမယ့်ရက်ကို တရားရုံးက လာမည့် သြဂုတ်လ ၂၁ ရက်နေ့အထိ ရက်ထပ် တိုးပေးခဲ့ပါတယ်။

ဒီအမှုကို လိုက်ပါဆောင်ရွက်ပေးနေတဲ့ ထုိုင်းရှေ့နေများကောင်စီနဲ့ မြန်မာရှေ့နေတွေက အပြီးသတ်ပြင်ဆင်မှုတွေ လုပ်ဆောင်နေပြီလို့ မြန်မာသံရုံး အထူးကိုယ်စားလှယ်အဖွဲ့ဝင် ရှေ့နေ ဦးအောင်မျိုးသန့် ကပြောပါတယ်။

RFA Burmese

http://www.rfa.org/burmese/

Read in : All Update Reader

အမေရိကန် စစ်တပ်မှာ လိင်ပြောင်းထားသူတွေစစ်မှုထမ်းခွင့် ပိတ်

လိင်ပြောင်းထားသူတွေကို စစ်မှုထမ်းခွင့် ပိတ်ပင်

အမေရိကန် စစ်တပ်မှာလိင်ပြောင်းထားသူတွေစစ်မှုထမ်းခွင့် ပိတ်ပင်တားမြစ်မယ့် အံအားသင့်ဖွယ် သမ္မတ ထရမ့်ရဲ့ ဆုံးဖြတ်ချက်အပေါ်လူအများ ဒေါသထွက်ခဲ့ကြပါတယ်။

ဒီကိစ္စနဲ့ ပတ်သက်လို့စိတ်ဝေခွဲမရ ဖြစ်ခဲ့ကြပြီး ဝါရှင်တန်က နိုင်ငံရေး အသိုင်းအဝိုင်းကြားမှာ စိတ်ဝမ်းကွဲမှုတွေ ပေါ်ပေါက်ခဲ့ပါတယ်။

ရှေးရိုးစွဲ ဝါဒီသမား တက်ကြွ လှုပ်ရှားသူတွေနဲ့ ရီပါဘလစ်ကန် အမတ် တချို့ကို ဒီဆုံးဖြတ်ချက်ကို ကြိုဆိုခဲ့ကြပေမယ့် ဒီမိုကရက် ပါတီဖက်က ဆီးနိတ် အမတ် Richard Blumenthal ရစ်ချက်ဒ် ဘလူမန်သယ်လ် သမ္မတ ဆုံးဖြတ်ချက်ကို ဝေဖန်လိုက်ပြီး ဒါဟာ စစ်တပ်နဲ့ ပတ်သက်လို့ ခံယူကျင့်သုံးမှု ဝါဒတွေကို ဆန့်ကျင် ချိုးဖောက်လိုက်တာဘဲ ၊ လက်နက်ကိုင် အဖွဲ့များ ဆိုင်ရာ ကော်မတီမှာ ဒီကိစ္စကို ကျနော်တို့ ပြန်ပြီး သုံးသပ်ရမယ်လို့ ဆီးနိတ်တာ ဘလူမန်သယ်လ် က ပြောပါတယ်။

ဒီမိုကရက် အမတ် ဂျိုး ကနေဒီ ကလည်း ဒါဟာ အများသူငှာ လွတ်လပ်မှုကို ကာကွယ်စောင့်ရှောက်ဖို့ သူ့တို့ အသက်ကိုစတေးလိုတဲ့ လိင်ပြောင်းထားသူတွေရဲ့ အခြေခံ လွတ်လပ်ခွင့်ကို ငြင်းပယ်လိုက်တာဘဲလို့ ပြောပါတယ်။

လက်ရှိ အမေရိကန် စစ်တပ်ထဲမှာ ထောင်နဲ့ချီရှိနိုင်တဲ့ လိင်ပြောင်း စစ်မှုထမ်းတွေရဲ့ ရှေ့ကံကြမ္မာ ဘယ်လို ဖြစ်လာမလဲ ဆိုတာ မသေချာသေးဘူးလို့ သတင်းထောက်တွေက ပြောပါတယ်။

ဘီဘီစီမြန်မာပိုင်း

http://www.bbc.com/burmese/

Read in : All Update Reader

သင်္ဃန်းကျွန်းစံပြဆေးရုံတွင် H1N1 လူနာနှစ်ဦး ထပ်မံသေဆုံး

 

သင်္ဃန်းကျွန်းစံပြဆေးရုံတွင် H1N1 လူနာနှစ်ဦး ထပ်မံသေဆုံးကြောင်း ယနေ့(ဇူလိုင် ၂၇ ရက်)က သင်္ဃန်းကျွန်းစံပြဆေးရုံကြီးမှ ဆေးရုံအုပ်ကြီး ဒေါက်တာသန်းလှက အတည်ပြုပြောကြားခဲ့သည်။ အဆိုပါ သေဆုံးလူနာများနှင့် ပတ်သတ်၍ အချက်အလက်များကို နေပြည်တော်ရှိ ကုသရေးဦးစီးဌာနသို့ သတင်းပေးပို့ထားပြီးဖြစ်ကြောင်း ဆေးရုံအုပ်ကြီး ဒေါက်တာသန်းလှက ပြောကြားခဲ့သည်။

ကနဦးရရှိသည့် အချက်အလက်များအရ သေဆုံးလူနာနှစ်ဦးမှာ ငါးနှစ်အရွယ် ကလေးငယ်တစ်ဦးနှင့် အသက် ၃၄ နှစ်အရွယ် အမျိုးသားတစ်ဦးဖြစ်ပြီး ရန်ကုန်မြို့တွင် နေထိုင်သူများဖြစ်ကြောင်း သိရသည်။ လက်ရှိအဆိုပါဆေးရုံတွင် အသက် ၂၉ နှစ်အရွယ် အမျိုးသမီးတစ်ဦးမှာလည်း H1N1 သံသယလူနာအဖြစ် ဆေးရုံတွင် ဆေးကုသမှု ခံယူနေကြောင်း သိရသည်။

Eleven Media Group

http://news-eleven.com/

Read in : All Update Reader

TNLA နဲ့ တပ်မတော်ကြား တိုက်ပွဲဆက်လက်ဖြစ်ပွား

မှတ်တမ်းဓာတ်ပုံ - တိုက်ပွဲတွေကနေ ထွက်ပြေးကြတဲ့ အရပ်သားတွေ (TNLA news and information commitee)

ရှမ်းပြည်နယ်မြောက်ပိုင်း နမ့်ခမ်းမြို့နယ် အတွင်းမှာ နယ်မြေရှင်းလင်းရေး လုပ်ဆောင်နေတဲ့ မြန်မာ့တပ်မတော်နဲ့ ဒေသအတွင်း လှုပ်ရှားနေတဲ့ TNLA တအာင်းပလောင် တပ်ဖွဲ့တို့အကြား တိုက်ပွဲဖြစ်ပွါးခဲ့ပြီး ဒေသခံတွေ ပါ ထိခိုက်မှုတွေ ရှိနေတယ်လို့ TNLA ဘက်ကပြောပါတယ်။ ရှမ်းပြည်နယ် မြောက်ပိုင်းဒေသအတွင်း မတည်ငြိမ်သေးတဲ့ အခြေအနေတွေကိုတော့ ဗွီအိုအေ ထုိုင်းအခြေစိုက် သတင်းထောက် နုိုင်ကွန်းအိန်ကနေ သတင်းပေးပုို့ ထားပါတယ်။

မြန်မာ့တပ်မတော်နဲ့ TNLA တအာင်းပလောင် အဖွဲ့တို့အကြား နမ့်ခမ်းမြို့နယ်၊ တာပုံကျေးရွာအနီးမှာ ဖြစ်ပွါးခဲ့တဲ့ တိုက်ပွဲကြောင့် ရွာသားတဦး ထိခိုက်ဒဏ်ရာ ရရှိခဲ့တယ်လို့TNLA ပြော ခွင့်ရ ဗိုလ်မှူးတာအိုက်ကျော်က ပြောပါတယ်။

“ မနေ့က နမ့်ခမ်းမြို့နယ် တာပုံကျေးရွာ အနီးမှာ ဖြစ်တယ်။ တိုက်ပွဲက ညနေ (၆) နာရီကျော်ကျော် လောက်ကနေ စပြီးမှ (၇) နာရီ လောက်မှ ပြီးသွားတယ်။ တိုက်ပွဲပြီးပေမဲ့ မြန်မာ့တပ်မတော်ဘက်က တာပုံကျေးရွာဘက်မှာ လက်နက်ကြီးတွေ အမြောက်အများ ပစ်ခတ်တယ်။ ကျေးရွာအတွင်းမှာရှိတဲ့ ဘုန်းကြီးကျောင်းနားက ယောဂီတရားရိပ်သာနေရာမှာ ထိသွားတယ်။ နောက်ပြည်သူ တဦး ဒဏ်ရာရတာရှိတယ်။ ”

ဒီတိုက်ပွဲမှာ မြန်မာ့တပ်မတော်ဘက်က ထိခိုက်မှုရှိခဲ့တယ်လို့ TNLA ဘက်က ပြောဆိုနေပေမယ့် အခုလို တိုက်ပွဲဖြစ်ပွါး နေမှုနဲ့ ပက်သက်လို့ တပ်မတော်ဘက်က သတင်းထုတ်ပြန်တာမျိုး မရှိသေးပါဘူး။

ပြီးခဲ့တဲ့ ဇူလိုင် (၂၁) ရက်နေ့မှာလည်းကွတ်ခိုင်မြို့နယ်၊ လုံကမ်ကျေးရွာနှင့် ကျရမ်းကျေးရွာအကြားမှာ TNLA နဲ့မြန်မာ့ တပ်မတော်တို့အကြား တိုက်ပွဲဖြစ်ပွါးခဲ့သလို သီပေါမြို့နယ်၊ ခွန်လန်ကျေးရွာ အနီးနားမှာ တိုက်ပွဲဖြစ်ပွါးတာမျိုး မရှိဘဲ တပ်မတော်ဘက်က ရဟတ်ယာဉ်နှစ်စီးနဲ့ဗုံးကျဲခဲ့တယ်လို့TNLA ဘက်က ထုတ်ပြန်ထားပါတယ်။

တပ်မတော်ဘက်က နယ်မြေရှင်းလင်းရေး လုပ်ရင်း ဖြစ်ပွါးတဲ့ တိုက်ပွဲတွေကြောင့် ဒေသအတွင်း မတည်ငြိမ်မှုတွေ ဖြစ်ပွါးနေတာပါ။ နမ့်ခမ်းဘက်မှာ အခုလို အခြေနေမတည်မငြိမ် ဖြစ်နေပေမယ့် ရှမ်းပြည်နယ် မြောက်ပိုင်း သိန္နီမြို့နယ်မှာတော့ အခြေနေတွေဟာ ပြန်လည် တည်ငြိမ်လာနေပြီး ပြီးခဲ့တဲ့ ဇူလိုင်လ (၁၉) ရက်နေ့တုန်းက သိန္နီမြို့အတွင်းကို ထွက်ပြေး တိမ်းရှောင်လာတဲ့ခမ်တင်း ကျေးရွာ အုပ်စုကရွာသား (၇၀၀) ကျော်ကတော့သူတို့ဒေသမှာ တိုက်ပွဲတွေ ဆက်မဖြစ်ပွါးတဲ့ အတွက် နေရပ်ကို ပြန်နေကြတယ်လို့သိန္နီမြို့ လူမှုကူညီရေးအဖွဲ့ တာဝန်ခံ စိုင်းသန်းလှိုင်က ပြောပါတယ်။

“ အကုန်လုံး အေးချမ်းသွားပါပြီ။ ကျွန်တော်တို့ ရွာသားတွေလည်း အကုန်လုံး ပြန်ပို့ပြီးသွား ပါပြီ။ ဘာမှမရှိတော့ပါဘူး။ အစိုးရ စစ်ကြောင်းလည်း အားလုံး လုံခြုံရေး အတွက်သွားပြီး ဆောင်ရွက်ပေးသွားပြီဘဲ။ ဘာမှမဖြစ်ဘူး ငြ်ိမ်းငြိမ်းချမ်းချမ်းဘဲ ခင်ဗျ။ ”

ခမ်တင်း ကျေးရွာအုပ်စုက နောင်ကား၊ ဟိုနား၊ ကောင်းလမ်း စတဲ့ရွာတွေက ရွာသားတွေဟာ ဒေသတွင်း တိုင်းရင်းသား လက်နက်ကိုင် အဖွဲ့တွေရဲ့ ခြိမ်းခြောက် ငွေတောင်းခံမှုကို ခံခဲ့ရသလို စိုးရိမ် ကြောက်လန့်စိတ်ကြောင့် သူတို့ရွာကနေ တိမ်းရှောင် လာခဲ့ကြတာပါ။

ဒီဖြစ်စဉ်တွေမှာ ဒေသအတွင်း လှုပ်ရှားနေတဲ့ TNLA လက်ချက်လို့စွပ်စွဲချက်တွေ ရှိနေပါတယ်။ TNLA ဘက်ကတော့ သူတို့အဖွဲ့လုပ်ဆောင်ချက် မဟုတ်ဘူးလို့ ဗိုလ်မှူးတာအိုက်ကျော်က ပြောပါတယ်။

“ ကျွန်တော်တို့ ကြားရတဲ့သတင်း။ ရွာသားတွေက အကုန်လုံး ကြောက်လန့်ပြီး ထွက်ပြေးတယ်လို့ သိရတယ်။ မြန်မာ့တပ် မတော်က TNLA လာမယ်လို့ သူတို့ဆီမှာ သွားပြောလို့ထွက်ပြေးလာတာ ဖြစ်တယ်။ ”

လက်ရှိ ရှမ်းပြည်နယ်မြောက်ပိုင်း မန်တုန်၊ ကွတ်ခိုင်၊ နမ့်ဆန်၊ နမ့်ခမ်း၊ နမ္မတူ၊ သီပေါ စတဲ့ မြို့နယ်တွေမှာ တအာင်းပလောင် အဖွဲ့နဲ့KIO ကချင်လွတ်လပ်ရေးအဖွဲ့တို့ လှုပ်ရှားနေသလို မြန်မာ့တပ်မတော်နဲ့လည်း တိုက်ပွဲတွေ အဆက်မပြတ် ဖြစ်ပွါးနေပါတယ်။

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်ပြီး လုပ်ဆောင်နေတဲ့ ၂၁ ရာစု ပင်လုံ ဒုတိယအကြိမ် ညီလာခံ ကာလကနေ ဒီကနေ့အထိ တအာင်းပလောင်အဖွဲ့နဲ့မြန်မာ့တပ်မတော်တို့အကြား တိုက်ပွဲအကြိမ်(၅၀) ကျော် ဖြစ်ပွါးခဲ့တယ်လို့TNLA ဘက်က ပြောပါတယ်။

တအာင်းပလောင်အဖွဲ့ဟာ NCA လက်မှတ်ရေးထိုးဖို့ တပ်မတော်ဘက်က လက်မခံတဲ့ အဖွဲ့ဖြစ်ပြီး မြောက်ပိုင်းအဖွဲ့UWSA ၀ပြည်သွေးစည်းညီညွတ်ရေး အဖွဲ့ကနေ ဦးဆောင်တဲ့ ပြည်ထောင်စု ငြိမ်းချမ်းရေး ဆွေးနွေးညှိနှိုင်းရေးကော်မတီ FPNCC အဖွဲ့ဝင်လည်း ဖြစ်ပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)

https://burmese.voanews.com/

Read in : All Update Reader

အပြင်းစားကြက်ငှက်တုပ်ကွေး H5N1 ဟု အတည်ပြု၊ ကြက်ဥ/ကြက်သား အရောင်းဆိုင်အားလုံးပိတ်မည်

 ထားဝယ်၊ ဇူလိုင် ၂၆

တနင်္သာရီတိုင်းဒေသကြီး မြို့တော်ထားဝယ်တွင် ဖြစ်ပွားသည့် ကြက်ငှက်တုပ်ကွေး အမျိုးအစားသည် အပြင်းစား ကြက်ငှက်တုပ်ကွေး (H5N1) ဖြစ်ကြောင်း မွေးမြူရေးနှင့် ကုသရေးဦးစီးဌာနက အတည်ပြုလိုက်ပြီး ကြက်ဥ/ ကြက်သား အရောင်းဆိုင်အားလုံးကို ပိတ်သိမ်းရန် ညွှန်ကြားလိုက်ပြီဖြစ်သည်။

ရောဂါဖြစ်ပွားသည့် ကြက်ခြံအနီးဝန်းကျင်ရှိ ကြက်များအားလုံးကို သုတ်သင်၍ မြေမြှုပ်မည်ဖြစ်ပြီး ပိုးသတ်ဆေးဖြန်းကာ ထိန်းချုပ်ကာကွယ်မည်ဖြစ်ကြောင်း မွေးမြူရေးနှင့် ကုသရေးဦးစီးဌာန တိုင်းဒေသကြီးဦးစီးမှူး ဒေါက်တာဉာဏ်လင်းက ပြောဆိုသည်။

"အရေးပေါ် ထိန်းချုပ်ရေးစီမံချက် ရေးဆွဲထားပြီးဖြစ်တယ်" ဟု ၎င်းက ဆိုသည်။

ကြက်ဥ/ ကြက်သား အရောင်းဆိုင်အားလုံးကို ပိတ်ပင်သွားမည့်အပြင် ကြက် အဝင်/အထွက် ထိန်းချုပ်ခြင်းနှင့် အသိပညာပေး လုပ်ငန်းများကိုလည်း လုပ်ဆောင်သွားမည်ဖြစ်ကြောင်း ဒေါက်တာဉာဏ်လင်းက ထပ်လောင်းပြောဆိုသည်။

ရောဂါဖြစ်ပွားမှု သံသယရှိသည့် လူနာရောက်လာပါက ကုသရန်အတွက် ထားဝယ်ဆေးရုံကြီးတွင် သီးသန့်အဆောင် စီစဉ်ထားကာ ကြိုတင်ပြင်ဆင်မှုများ လုပ်ဆောင်ထားကြောင်း ကုသရေးဦးစီးဌာန တိုင်းဦးစီးမှူး ဒေါက်တာမျိုးသန့်က ဆိုသည်။

“လူနာကိုသံသယရှိပြီဆိုကတည်းက ဆရာတို့က ဒီလိုသတိထားပြီးတော့ ထားတဲ့နေရာကစပြီး ဆေးကုတဲ့ အပိုင်းအထိ ကြိုတင်ကာကွယ်မှုတွေ ဆောင်ရွက်သွားဖို့ အားလုံးစီစဉ်ပြီးဖြစ်ပါတယ်” ဟု ဒေါက်တာမျိုးသန့်က ရှင်းပြသည်။

ရောဂါတွေ့ရှိသည့် ကြက်ခြံနှင့် ထားဝယ်မြို့ အမှတ် (၄) အခြေခံပညာအထက်တန်းကျောင်းမှာ အနည်းငယ်သာ ကွာဝေးသည်။

ရောဂါတွေ့သည့် ကြက်ခြံမှ အလုပ်သမားများကိုလည်း မည်သည့်နေရာကိုမှ သွားလာခွင့်မပြုဘဲ ဆေးစစ်မှုများနေ့စဉ် လုပ်ဆောင်သွားမည်ဖြစ်ကြောင်း တိုင်းဒေသကြီး မွေးမြူရေးနှင့် ကုသရေးဦးစီးဌာနထံမှ ထပ်မံသိရှိရသည်။

ရန်ကုန်မြို့ရှိ တိရစ္ဆာန်ရောဂါရှာဖွေရေး ဓာတ်ခွဲခန်းတွင် ဓာတ်ခွဲစစ်ဆေးချက်အရ ဇူလိုင်လ ၂၃ ရက်က ကြက်ငှက်တုပ်ကွေး H5N1 ဟုအတည်ပြုနိုင်ခဲ့ကြောင်းသိရသည်။ သို့သော် ယင်းတွေ့ရှိချက်အဖြေမှာ ဇူလိုင်လ ၂၅ ရက် ညနေ ၄ နာရီခွဲအချိန်တွင် ရောက်ရှိလာခဲ့ပြီး မီဒီယာများကို ဇူလိုင်လ ၂၆ ရက်နေ့ ရောက်မှသာ အသိပေးထုတ်ပြန်ခဲ့သည်။

ကြက်ငှက်တုပ်ကွေး H5N1 ရောဂါပိုးမှာ ကြက်မှလူသို့ ကူးစက်နိုင်ချေများကာ လူအချင်းချင်းကူးစက်မှု ရာခိုင်နှုန်းနည်းပြီး လူကိုကူးစက်ခံရပါက သေဆုံးနိုင်ချေ ၆၀ ရာခိုင်နှုန်းအထိရှိကြောင်း သိရသည်။ အသက် ၅ နှစ်အောက်ကလေးများနှင့် အသက် ၆၀ အထက် သက်ကြီးရွယ်အိုများ၊ နာတာရှည်ရောဂါ ခံစားနေရသူများ ကူးစက်ပါကသေဆုံးမှုနှုန်း မြင့်မားကြောင်းသိရသည်။

ထားဝယ်မြို့ ဝဲကျွန်းထိန်သစ်ရပ်ကွက်ရှိ ကြက်ခြံအချို့တွင် ကြက်ကောင်ရေထောင်ချီ သေဆုံးခဲ့သည့်အတွက် ကြက်အသေနမူနာများကို ရန်ကုန်မြို့ရှိဓာတ်ခွဲခန်းသို့ ပေးပို့ ဓာတ်ခွဲစစ်ဆေးပြီးနောက် အပြင်းစား ကြက်ငှက်တုပ်ကွေး (H5N1) ဖြစ်ကြောင်း အတည်ပြုလိုက်ခြင်းဖြစ်သည်။

The Voice

http://voicejournalmm.com/

Read in : All Update Reader