 |
| (ဓာတ်ပုံ- ယနေ့ သိမ်းဆည်းရမိသော အမ်အေ ၁၁ သေနတ်/ ကကပြည်) |
နိရဉ္စရာ၊ နိုဝင်ဘာ ၁
ရခိုင်ပြည်နယ် မောင်တောမြို့နယ် ကျီးကန်းပြင် နယ်ခြားစောင့်ရဲတပ်ဖွဲ့ ဌာနချုပ် အားတိုက်ခိုက်ပြီး လက်နက်တိုက်ကို ဖောက်ထွင်း ယူဆောင်သွားသည့် လက်နက်များ အထဲမှ အမ်အေ ၁၁ သေနတ်တစ်လက်၊ ၎င်းကျည်အိမ် ၁ခု၊ ကျည်ဆံ ၂၀ တို့ကို ယနေ့တွင် ရှာဖွေ သိမ်းဆည်းရမိခဲ့ကြောင်း သတင်းရရှိသည်။
တပ်မတော်နှင့် နယ်ခြားစောင့်ရဲ ပူးပေါင်းတပ်ဖွဲ့မှ မောင်တောမြို့နယ် အတွင်း နယ်မြေရှင်းလင်းရေး ပြုလုပ်စဉ် ယနေ့ မွန်းလွဲ ၃ နာရီ ၄၅ မိနစ်တွင် သက္ကယ်ပြင်ရွာနှင့် ၀ါးပိတ်ရွာအကြား စပါးခင်းအတွင်းမှ ၎င်းသေနတ်နှင့် ကျည်ဆန်များကို သိမ်းဆည်းရမိသည်ဟု ကကပြည်က ပေးပို့သော သတင်းတွင် ဖော်ပြသည်။
ယမန်နေ့ထိ အကြမ်းဖက်သမားများ ယူဆောင်သွားသည့် သေနတ် ၁၈ လက်နှင့် ကျည်ဆန် ၃၀၀၀ ကျော်အား ပြန်လည် သိမ်းဆည်း ရမိထားပြီ ဖြစ်ကြောင်း အမှတ်(၁) နယ်ခြားစောင့် ရဲကွပ်ကဲရေးမှူး ရဲမှူးချုပ် သူရ စန်းလွှင်က မီဒီယာများသို့ ထုတ်ဖော်ပြောကြားသည်။
သို့အတွက် ယနေ့ သိမ်းဆည်းရမိသော လက်နက် ၁လက်အအပါအ၀င် ပြန်လည် ရရှိသော သေနတ် အရေအတွက်မှာ ယခုအခါ ၁၉ လက်နှင့် ကျည်ဆံ ၃၀၀၀ ကျော်သွာပြီ ဖြစ်သည်။
အကြမ်းဖက်စီးနင်း တိုက်ခိုက်သူများ ယူဆောင်သွားသည်မှာ လက်နက်မျိုးစုံ ၆၂ လက်၊ ကျဉ်မျိုးစုံအတောင့် ၁၀၁၃၀၊ လှံစွပ်တစ်ခု၊ ကျည်အိမ် ၂၇ ခု တို့ ဖြစ်ကြောင်း ကြေးမုံ သတင်းစာအရ သိရသည်။
အကြမ်းဖက်သမားများ လက်ထဲတွင် သေနတ်များ ရှိနေပါက လုံခြုံရေး တပ်ဖွဲ့ဝင်များကို ခြုံခိုတိုက်ခိုက်ခြင်း၊ တိုင်းရင်းသား ကျေးရွာသားများကို ခြိမ်းခြောက်မှုများ၊ ဘင်္ဂလီအချင်းချင်း လက်နက်အားကိုးဖြင့် ဓါးပြတိုက်မှုများ ဖြစ်ပေါ်လာနိုင်သဖြင့် ကျန်ရှိနေသော လက်နက်များကို ပြန်လည်ဖော်ထုတ်ပြီး သိမ်းဆည်းရမိရန် တပ်မတော် စစ်ကြောင်းများက ကြံဆောင် ကြိုးစားလျက် ရှိကြောင်း မောင်တောမြို့နယ်မှ တာဝန်ရှိသူများက ပြောကြားသည်။
 |
| (ဓာတ်ပုံ- ယနေ့ သိမ်းဆည်းရမိသော အမ်အေ ၁၁ သေနတ်/ ကကပြည်) |
နိရဉ္စရာ၊
https://www.facebook.com/Narinjara-151742128171206/