 |
| (ပုံစာ - မိုင်းလားမြို့ကို အပေါ်စီးမှ မြင်တွေ့ရစဉ်။) |
ကျိုင်းတုံ၊ အောက်တိုဘာ ၃
ရှမ်းပြည်နယ်အရှေ့ပိုင်း မိုင်းလားအထူးဒေသ (၄) NDAA လက်နက်ကိုင်အဖွဲ့များ နေထိုင်ရာ တပ်စခန်းအချို့ကို အထူးဒေသ (၂) ‘ဝ’ လက်နက်ကိုင်ကိုင်အဖွဲ့ (UWSA) က ဝင်ရောက်ထိန်းချုပ်ထားရာမှ အဆိုပါ တပ်စခန်းများအနက် နှစ်ခုကို အောက်တိုဘာ ၂ ရက်က ပြန်လည်စွန့်လွှတ်လိုက်ကြောင်း ယင်းအဖွဲ့အစည်းများနှင့် နီးစပ်သူများထံမှ စုံစမ်းသိရှိရသည်။
‘ဝ’ လက်နက်ကိုင်အင်အား ၃၀၀ ခန့်သည် သံချပ်ကာကားများ အပါအဝင် မော်တော်ယာဉ်အစီး ၄၀ ခန့်ဖြင့် မိုင်းလားလက်နက်ကိုင်အဖွဲ့ နယ်မြေအတွင်း ဝင်ရောက်ကာ စက်တင်ဘာ ၃၀ ရက်တွင် မိုင်းလားမြို့တွင်းရှိ ဟိုတယ်နှစ်လုံး အပါအဝင် ဟိုမိန်း၊ ပန်မဖိုင်း၊ ဆန်တောက် စသည့် စစ်စခန်းလေးခုကို ပစ်ခတ်မှုမရှိဘဲ ထိန်းသိမ်းလိုက်ကြောင်း ၎င်းတို့က ဆိုသည်။
“မိုင်းလားအဖွဲ့ တာဝန်ရှိသူတွေနဲ့ ‘ဝ’ အဖွဲ့ တာဝန်ရှိသူတွေ ညှိနှိုင်းရာမှာ ဆန်တောက်နဲ့ အခြားတပ်စခန်း တစ်ခုကို မနေ့က ပြန်လွှဲပေးလိုက်ပြီလို့ သိရပေမယ့် ကျန်တဲ့နေရာတွေကိုတော့ ညှိနှိုင်းလို့ အဆင်မပြေဘူးလို့ သိရတယ်။ တပ်မတော်အနေနဲ့ လုံခြုံရေး အပြည့်အဝယူထားလို့ ကျိုင်းတုံဘက်က ဝင်ရောက်မကျူးကျော်နိုင်ဖို့ ဆိုတာ ဒေသခံတွေအနေနဲ့ စိုးရိမ်စရာ မရှိပါဘူး” ဟု အမည်မဖော်လိုသူ တပ်မတော်နှင့် နီးစပ်သူတစ်ဦးက ပြောကြားသည်။
အဆိုပါ ဖြစ်စဉ်များနှင့် ပတ်သက်၍ ကျိုင်းတုံမြို့ရှိ မိုင်းလားအထူးဒေသ (၄) ဆက်ဆံရေး တာဝန်ခံ ဦးစိုင်းရှဲန်ကို The Voice က အတည်ပြုမေးမြန်းရာ ‘ဝ’ လက်နက်ကိုင်အဖွဲ့များ အနေနှင့် မိုင်းလားထိန်းချုပ်နယ်မြေအတွင်း ဝင်ရောက်လာပြီး ပြန်လည်မထွက်ခွာသေးသည်ကိုသာ သိရှိထားကြောင်း၊ စခန်းမည်မျှကို ထိန်းချုပ်ထားပြီး စခန်းမည်မျှကို ပြန်လည်လွှဲအပ်လိုက်သည်ကိုမူ ဗဟိုမှ အကြောင်းမကြား၍ မသိရှိကြောင်း ပြောဆိုသည်။
The Voice
http://thevoicemyanmar.com/